1 Pita 3:3 - Gooti Toolluro Yogalokwono

³ Toro te kevu abolo togaikul sugumaluko imo'nyo'moneyokwe tov yiuno kwa'mgu kulako tonyuno to'no nyovaisu'numwalpiyo. Kevu sugumaluko imo'nyo'moneyokwe kemi midoto ton rasta bwotonyago togaiyo'mdeyo oo mabidoga gool tokwe sakwollungiko togaiyo'mdeyo oo youro nuugwiyo bwotonyo tokwe biyoma'dupudo tousogaiyo'mdeyo noonyumwonyu kwa'mgu kulako tovi yovaisu'nyo'moneyokwe su togai to'no nyovaisu'numwalpiyo.

1 Pita 3:3 Σταυροειδείς Αναφορές

Muuduko 24:22

Kemel tooro wonyo me'no nopino sumaveyokwe toga a'mwo womdokwe tool gool mabidoga aullungiko pullugwo Rebekavuro subuuto tovi ibweyo'no aki gool a'muunado sakwollungiko puruvake'aro subweyokaikono. Toro subweyoka su ton nuugwiyo bwotonyo biyodupudogano.

Muuduko 24:47

Toro tovi nuu aro kuudoganmonyugono. “Guu ala'mwolluro taiyo to'guudeyo?” Toro kuudoganmo tov anyudumokakwono. “Nuu Nahooreke Milkakwe teyaulluro muugunyo Betuuwelolluro taiyo to'migono.” Toro anyudumoka tovi nuu gool mabidoga aullungiko tov gamoro subuuto tovi ibweyodum aki gool a'muunado sakwollungiko toval gamoro ato tovi subwemonyugono.

Muuduko 24:53

Toro wolomuulo'na'no sumaiyokwe a'mwo womdokwe tool noonyumwonyu yovaisu'nyo'moneyokwe silvadeyo goolodeyo tovalluda'ai sakwollungiko togai'aro youro tousogai'aro ton maro'no Rebekavi kuumallokaikono. Aki gami jo'mwo Lebaneke'aro ganeyago tokwe'aro tonallu nuugwiyo bwotonyo tokwe biyodupudo kuto ivito pun maro'no kuumallokaikono.

Mollurolovomato 3:22

Toro te kevu kwako Ijup toru wuugollu'meyo'mo togaikul Ijupda'ai tonyuro kuto ivito tonyu jupolomallo'moneyokwe aro neya ipinogaikikono. Yiuwi'nokai Isuraiyolda'ai abolo ton kemoro ago woboruda'ai mwalodupudo Ijupda'ai abolo punyu neya wuudoganpinogano. Aki abolo bomwallo pun kemoro ago su tonyu kuulomwalodupudo kunyu kuruv neya wuudoganpinogano. Toro kuudoganpi toga kaduko nuuwipinogano. Youro tousogai'aro gool togai'aro silva togai'aro tonyuno kuudoganpi tov kuvinono nekullabupinogano. Toro aikullabupi tonyu kemi kwolaiyo taiyo tonyu wiropipinogaikikono. Kevu Ijupda'ai tonyuro kuto ivito bwotonyago ton su toro tomgu'aro jupolomokavlapinogaikikono.” Gooti tool Moosesollu toro kuudokaikono.

Mollurolovomato 32:2

Toro kuudopo tovi Eroonol kuudokaikono. “Kemi abolo togai'aro kwolaiyo taiyo togai'aro tonyuro kaduko tovida'ai yesodupudo gool mabidoga ton irolomaropi miyomno donumokabilo.” Kuudokaikono.

Room 12:2

Aki toro togaikul kwako akavida'ai a'mwo abolo punyuro mujumovla'mdopure tomgu'aro nuumjungovla'mwalpiyo. Toro kuvi kuruv Gooti tool kemoro poowokalago kuudo tonyu aiyo aiko te yokwollaikubweyodowo'jure tovi ilaiyo neya domollomarogaulo. Gooti tool kemoro poowokalago kuudo tonyu aiyo aiko te me'no sokwollaikubweyo'ji toga gamoro ilaiyo winodowodo tonyuno kuudo nokwo youroma'mwalpinogaikikono. Toro togaikul sugupasudo yo'mo togai'aro Gooti toollu ilaiyo igollo'moneyokwe togai'aro aki pasudo pun kaiya'no puru'monodo kuruv muumgu'mo'nodowodo togai'aro tonyuno nokwo youroma'mwalpinogaikikono.

1 Pita 3:2

A'mwo su tooro kevu abolo togaikulluro pasudo idopto'nodo togai'aro kemoro kwako tomuu'aro pi'mwono wimovla'mdopure togai'aro tonyu amuugonaikwopi toga kuuguudo sugudo tovino kuudo nokwo uubwepino'moneyokwe puuto youlubwepinogaikikono.