Lokas 5:5 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁵ Tinombay hi Simon koni Apo Hisos, “Apo,” wana, “Mikakayabi kayin nandabò piro ayin kayin nakwa. Ombayro man, banà ta hinalità mo ay idabò kon oman ya aw-eket.”

Lokas 5:5 Σταυροειδείς Αναφορές

Lokas 17:13

biha hila nambolyaw, “Apo Hisos,” wanla, “ingalowan mo kayi.”

Lokas 8:24

Hapa-eg hi Apo Hisos ay pinakaraniyan nin aw-alagad na ta pinokaw la ya, ya wanla, “Pangino-on Pangino-on, mati tamoyna!” Nibangon hi Apo Hisos ta minandawan nan tonggen baytoy makhaw ya angin boy mangalhay ya dawoyon. Hapa-eg, tinonggen baytoy pagkahokaw angin boy hay dagat ay tinominek.

Lokas 8:45

Nagpastang hi Apo Hisos, ya wana, “Hinoy nangaptoh kongko?” Konlan kaganawan ay ayin nangamin. Hapa-eg, naghalità hi Pidro, “Apo,” wana, “hay lakè nin tawoy ampakipaletpet komo.”

Lokas 9:33

Hapa-eg hin ampog-alih ana hi Moysis boy hi Ilyas do ha kama-inan ni Apo Hisos ay hinalità ni Pidro koni Apo Hisos, “Apo,” wana, “mahampat ya anti tamo bayri. Manggawà kayin tatloy pa-ihilongan. Hay miha ay para komo; hay miha ay para koni Moysis; boy hay miha ay para koni Ilyas.” Ombayri ya hinalità ni Pidro ta ayin ha nakem na ya anhahalita-en na.

Lokas 9:49

Hapa-eg, hinalità ni Howan koni Apo Hisos, “Apo,” wana, “nakakit kayi nin tawoy ampama-alih nin dimonyo ya hay anggamiten na ay ngalan mo. Hina-ad nawen ya ta alwa tamo yan kagropo.”

Howan 15:14

Hikawo ay aw-amigo ko no anhonolen moyo ya an-ipanogò ko.

Howan 2:5

Hapa-eg, hinalità nin nanay na ha mawmagsisirbi, “Honolen moyo,” wana, “ya maski anyay ipagawà na komoyo.”

Howan 21:3

Hinalità konnawen ni Simon Pidro, “Mako ko,” wana, “nin manlapet.” “Kilako kayi komo,” wannawen. Hapa-eg, hinomakay kayi ha bangkà ta nanigè kayina. Piro habayton managayabi ay ayin kayin nakwa.