Kawkanta 56:4 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁴ Ampahimalà ako ha Diyos boy amporiyen ko ya ha pawpangakò na. Hiko ay ampahimalà kona; kayà agko angkalimo. No tawon bongat ya kapariho ko ay ahè makapangno kongko.

Kawkanta 56:4 Σταυροειδείς Αναφορές

Kawkanta 118:6

Hay Pangino-on ay kalamo ko; kayà agko angkalimo. Warì ma-in tawo ya makapangno kongko?

Kawkanta 119:160

Kaganawan Halità mo ay peteg, boy kaganawan panogò mo ay mahampat boy ayin anggawan.

Kawkanta 12:6

Hay pawpangakò nin Pangino-on ay mapahimala-an, ta habayti ay bilang ha talagan pilak ya kapitoy bisis nin hinobok nin imparaan ha apoy emen mag-in poro.

Kawkanta 138:2

Ha panhomamba ko komo ay manyokò akon omarap ha bali mo, boy poriyen koy ngalan mo banà ha ingangalo moy ma-in panlalabi boy ha katapatan mo. Anggaw-en ko bayti ta impakit mo ya hay ngalan mo boy halità mo ay igit ha kaganawan bagay.

Kawkanta 27:1

Pangino-on ya ampambin hawang kongko boy ampangilibri kongko ha kawka-away ko; kayà agko angkalimo. Hay ampambin dipinsa kongko ay kakhawan nin Pangino-on; kayà agko angkalimo.

Howan 10:35

Hinalità et ni Apo Hisos, “Tandà tamo ya hay Kaholatan nin Diyos ay peteg maski makakano, boy iningat nin Diyos ya kawka-apo-apowan tamo nin hila ay dawdiyos. Hila et ya binyan nin Diyos nin halità na.

Hibriyo 13:6

Kayà makhaw ya nakem tamon maghalità nin ombayri: “Hay Pangino-on ay ampanambay kongko; kayà agko malimo ta warì ma-in tawoy makagawà kongko nin kala-etan?”