2 Howan 1:11 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹¹ ta no mahampat ya ipakit moyo kona ay kalamo na kawo ha mangala-et ya gawgawà na.

2 Howan 1:11 Σταυροειδείς Αναφορές

Kawkanta 50:18

No ampakakit kawon ampanakaw ay ampaki-emen kawo, boy ampaki-emen kawo ha mawmamabayi boy ha mawmamakilalaki.

Ipiso 5:11

Agkawo maki-emen manggawà nin bawbagay ya ayin kowinta ya anggaw-en nin tawtawoy anti et ha kowinta karegleman. Para kontamon ampipantompel ha Diyos, hatoy bawbagay ya anggaw-en lan patagò ay kapapareng-ey banggiten. Ipakit moyo konla ya kahampatan ha biyay moyo ta maka habaytoy makapatgen konla nin gomawà kala-etan.

1 Timotiyo 5:22

Paka-atap ka ha pamilì mo nin gaw-en mon mama-alà. Agka magpabongatbongat mangipababo nin gamet mo ha pamilì mo. Atapan mo nin masangkot ha kasalanan nin kanayon. Sikapen mo nin hika ay mag-in malini, hatoy ayin kala-etan.

Hibriyo 5:13

Banà ta emen kawo et kolaw ya ayin kanayon ya angkabiyayen no alwan gatas ay agmoyo et kayan intindiyen ya tongkol ha kahampatan, ta hikawo ay emen babayo tinompel.

Hodas 1:23

Ilibri moyoy kanayon nin ayowen ha panggawà kasalanan nin bilang pangilibri moyon tawoy ipa-alilih ha apoy. Ma-in et kanayon ya masyadon makasalanan. Ingalowan moyo hila, piro mag-atap kawo ta maka magtan la kawo ha pagkasalanan la.

Impatnag 18:4

Hapa-eg, nakalengè akoyna et nin ampag-ilgo ya hay bosis ay ampangibat ha katatag-ayan ha kama-inan nin Diyos, ya wana, “Hikawoy tawtawo ko, mog-alih kawo ha siyodad ya haba-in ya kowinta mala-et ya babayi emen agkawo makapaki-emen kona nin manggawà kawkasalanan, boy emen agna kawo makalamo nin parosawan.