1 Pidro 3:19 - Hay halitá nin Diyos hay kawkanta boy kawkahalita-an (The New Testament Psalms and Proverbs)

^19-20 Hiya ay nako ha dogal nin nikati ha kowinta panangipirisowan nin kawkalolowa nin tawtawoy nikati hin pana-on ni Nowi, ta nangaral ya konla. Hila ay ahè hinomonol ha Diyos ya ampagpasinsya nin mangantì konla emen hila makapaghehe ha kasalanan la mintras ampanggawà hi Nowi nin barko. Ha barko ay o-ongnoy tawo ya nalibri; wawalo hila ya nalibri ha pagkalemeh ha lanom.

1 Pidro 3:19 Σταυροειδείς Αναφορές

1 Pidro 3:18

Mismon hi Pangino-on Hisokristo ay nati banà ha kasalanan nin kaganawan tawo. Minghan yan bongat nati boy agyayna matin oman. Ayin yan kasalanan piro nati ya para kontamon mawmakasalanan emen na tamo ma-ipakarani ha Diyos. Piro maski pinati ya ay nanatilin angkabiyay ya kalolowa na.

1 Pidro 4:6

Kayà hin angkabiyay et ya nikati ay in-aral konlay Mahampat ya Balità nin Diyos, ta hapa-eg maski nati ana ya nawini la ya ampangyari ha kaganawan tawo ay angkabiyay ya kalolowa la nin bilang ha Diyos ya angkabiyay.

Impatnag 19:10

Hapa-eg, nanlokob ako ha arapan nin hatoy anghil ta homamba ko kona. Piro hina-ad na ko, ya wana, “Agmo ko hambawan ta hiko ay kapariho mon magsisirbi ha Diyos nin bilang ombahen ha pawpatel mo ya ampamapteg nin tongkol koni Apo Hisos. Diyos ya hambawan mo!” Kaganawan ampipamapteg nin tongkol koni Apo Hisos ay Ispirito nin Diyos ya ampangitorò konla no anyay dapat lan halita-en.

Impatnag 20:7

Pangalabah nin maliboy ta-on, hi Satanas ay palwahan.