ثبرات غار تيتوس 2:8 - ثريفيث 2020

⁸ ذ يِجّن ن وَاوَاڒ ذ صَّح وَار ذَايس بُو ڒْعِيب. أَمُّو اَش سذْحَان يِنِّي ذَاش يتْعَارَّاضن مِنْزِي وَار غَارْسن مِين خَانغ غَا ينِين.

ثبرات غار تيتوس 2:8 Σταυροειδείς Αναφορές

مرقس 12:17

ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر. مِين يدْجَان ن أَربِّـي ؤُشم-اَس-ث إِ أَربِّـي." أُوْشَا قِّيمن تْعجّْبن ذَايس.

مرقس 12:28

يُوْسَا-د يجّن زݣ يمْسڒْمَاذن ن شَّرِيعَا يسْڒَا-يَاسن تمْنَاقَاشن، يُوْفَا بلِّي عِيْسَى يجَاوب-يثن مْلِيح. ئِكَّر نتَّا ينَّا-ٱس إِ عِيْسَى: "مِين ثعْنَا ڒُوْصِيّث إِي يدْجَان ذ ثَمقّْرَانْت قَاع ذِي شَّرِيعَا؟"

مرقس 12:32

ينَّا-ٱس ومْسڒْمَاذ نِّي ن شَّرِيعَا: "آ لْمُعَلِّم مْلِيح، مِين ثنِّيذ ذ ڒْحَقّ. سِيذِي أَربِّـي ذ يجّن، وَار ذِنِّي ؤُڒَا ذ يجّن إِلَّا نتَّا.

مرقس 12:34

يُوْفَا عِيْسَى اَرْيَاز نِّي يجَاوب-يث س ڒفْهَامث، ينَّا-ٱس: "وَار ثݣّْوِيجذ شَا اَطَّاس خ ڒْمُلْك ن أَربِّـي." سّنِّي وَار يزْعِيم حَدّ اَث يسّقْسَا عَاذ كْتَار.

لوقا 13:17

وَامِي ينَّا اَوَاڒ-أَ، مَارَّا يِنِّي اَكِذس يتْمنْغَان سذْحَان. ئِوْذَان نّغْنِي مَارَّا فَرْحن زِي ڒخْذَايم ثِمقّْرَانِين إِݣ يتݣّ.

2 أيث-سلونيك 3:14

ونِّي وَار يتْطِيعِين شَا إِ وَاوَاڒ نّغ ذِي ثبْرَات-أَ ݣّم-ث ذِي ڒْبَاڒ نْوم، وَار كِذس ݣُوْرم شَا بَاش اَذ يسذْحَا.

1 تيموتاوس 5:14

إِذن، خْسغ ثَاجَّاڒِين ثِمزْيَانِين اَذ مڒْشنْت اَذ د جّنْت يحنْجِيرن اَذ سُوْݣُوْرنْت ثَدَّارْث نْسنْت مْلِيح وَار تجِّينْت بُو شَان لْفُرْصَا إِ ڒْعَذُو اَخَاسنْت يسِّيوڒ س ڒْعِيب.

1 تيموتاوس 6:3

مڒَا شَان ورْيَاز يسڒْمذ شَان ڒْحَاجث نّغْنِي وَار يتِيفِيق شَا اَك وَاوَاڒن نِيشَان ن سِيذِيثْنغ عِيْسَى لْمَسِيح ذ تَّعْلِيم خ لْإِيمَان،

ثبرات غار تيتوس 3:14

ئِوْذَان نّغ يتْخصَّا وَار تْعِيشن شَا بْڒَا نّْفَع، ئِتْخصَّا اَذ طوّْعن يخف نْسن س لْحَسَانَاث حمَا اَذ دبَّرن إِ يِيْنَا يتحْذَاجَان.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

1 بطرس 2:15

لِأَنَّا مَانَايَا ذ ڒْخَاضَر ن أَربِّـي يعْنِي مڒَا ثݣِّيم مِين يدْجَان ذ اَصبْحَان اَتَاف اَذ تقْضَام خ وَاوَاڒن يجَهْڒن ن يرْيَازن نِّي إِي ذِي ثدْجَا ثُوْبُّوْهْڒِيَا أُو صَافِي.

1 بطرس 3:16

ذ يِجّن ن ضَّمِير مرْتَاح. أَمُّو يِنِّي خَاوم يقَّارن ڒْبَاطڒ اَتَاف اَذ سذْحَان س ثِيْشْرِي نْوم ثَصبْحَانْت إِي خَاوم تْعيَّابن نِثْنِي.