أيث-روما 7:4 - ثريفيث 2020

⁴ آي اَيْثْمَا، أَمنِّي إِي ثدْجَام ؤُڒَا ذ كنِّيو. يعْنِي تْوَافكّم زِي شَّرِيعَا ن مُوْسَى وَامِي ثمُّوْث دَّات ن لْمَسِيح، أَقَاوم خ يِيرِي ن يِجّن نّغْنِي نتَّا ذ يِيرِي ن لْمَسِيح إِي د يكَّرن زِي ڒْموْث، حمَا أَ نَارو ڒخْذَايم ثِصبْحَانِين إِ أَربِّـي.

أيث-روما 7:4 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 26:26

وَامِي عَاذ تتّن، ئِيْسِي-د اَغْرُوْم يشكَّر أَربِّـي يرْزَا اَغْرُوْم نِّي يُوْشَا-ٱسن-ث إِ يمحْضَارن نّس ينَّا-ٱسن: "يْسِيم-ث شّم-ث، وَا إِݣ يدْجَان ذ دَّات ينُو."

مرقس 4:20

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث تَارْون. ڒبْعَاض تَارْون ثْڒَاثِين، ڒبْعَاض ستِّين، ڒبْعَاض مِيَّا."

يوحنا 15:8

أَذ تَارْوم يزكُّوْنن اَطَّاس، أَذ تِيڒِيم ذ يمحْضَارن ينُو. س مَانَايَا يتْوَاسمْغَار بَابَا.

يوحنا 3:29

ونِّي غَار ثدْجَا ثسْڒِيث، نتَّا ذ مُوْڒَاي. أَوْزِير ن مُولَاي يعْنِي ونِّي يتْبدَّان زَّاثس يتْسْڒَا-يَاس، نتَّا يفَرّح اَطَّاس إِ وَاوَاڒ ن مُوْڒَاي. أَمُّو ؤُڒَا ذ نش فَرْحغ اَطَّاس.

يوحنا 6:51

أَقَا ذ نش ذ اَغْرُوْم يدَّرن إِي د يهْوَان زݣ وجنَّا. مَارَّا ونِّي غَا يشّن زݣ وغْرُوْم-أَ اَذ يدَّر إِ ڒبْدَا. أَغْرُوْم-أَ إِي تِيشّغ نش ذ دَّات ينُو حمَا اَذ تدَّر دُّنشْت-أَ."

أيث-روما 6:11

أَمُّو لَابُد اَذ تْحسّْبم كنِّيو يخف نْوم ثمُّوْثم-اَس إِ ڒْمُعْصِيّث، ثدَّرم-اَس إِ أَربِّـي س عِيْسَى لْمَسِيح.

أيث-روما 6:14

أَقَا ڒْمُعْصِيّث وَار ثقِّيم شَا اَذ تحْكم خَاوم لِأَنَّا وَار ثدْجِيم شَا سْوَادَّاي ن وفُوْس ن شَّرِيعَا، أَقَاوم سْوَادَّاي ن اَرْضَا ن أَربِّـي.

أيث-روما 6:2

لَّا، عمَّارْص! نشِّين نمُّوْث-اَس إِ ڒْمُعْصِيّث، ئِخصَّا-يَانغ ڒخُّو وَار نتْسِيغِي شَا أَ نْعِيش ذَايس.

أيث-روما 6:22

ڒخُّو ثْهْنَام زِي ڒْمُعْصِيّث، ثْطَاعَام إِ أَربِّـي. مَان نّْفَع إِي زَّايس غَا ثَاوِيم؟ يعْنِي اَذ تِيڒِيم ثصْفَام أُو مَانَاينِّي يتَاوِي غَار ثُوْذَارْث ن ڒبْدَا.

أيث-روما 7:3

س مَانَايَا، مڒَا ثْرُوْح غَار شَان يِجّن نّغْنِي، أَرْيَاز نّس اَقَاث عَاذ يدَّر، أَتَاف تْوَاحْسَاب ثزْنَا. وَلَكِن مڒَا يمُّوْث ورْيَاز نّس، أَتَاف تْوَافكّ زِي ڒْقَانُوْن-أَ. ڒخْدّنِّي مڒَا ثمْڒش اَك شَان ورْيَاز نّغْنِي اَتَاف وَار تْوِيحِيسِيب شَا ثزْنَا.

أيث-روما 7:6

وَلَكِن ڒخُّو، نشِّين نتْوَافكّ زِي شَّرِيعَا-يَا إِي ذَانغ يقّْنن، نمُّوْث-اَس إِ مَانَاينِّي. نشِّين نْعبّذ س يِجّن ن وبْرِيذ ذ جْذِيذ ن اَرُّوْح ن أَربِّـي، مَاشِي س نِّظَام نِّي اَقْذِيم إِي يُوْرِين ذِي لْكِتَاب.

أيث-روما 8:2

لِأَنَّا ذِي عِيْسَى لْمَسِيح، طَّبِيعَا ن اَرُّوْح إِݣ يتِيشّن ثُوذَارْث ثْفكّ-يشك-د زِي طَّبِيعَا ن ڒْمُعْصِيّث ذ ڒْموْث.

1 أيث-كورينث 10:16

ڒْكَاس نِّي ن لْبَرَكَا إِي زِي نتْبَرَاك نشِّين، زَّايس إِي نْشَرّش ذݣ يذَامّن ن لْمَسِيح. أَغْرُوْم نِّي إِي نتْرزَّا، زَّايس إِي نْشَرّش ذِي دَّات ن لْمَسِيح.

أيث-ݣلاطيا 3:13

لْمَسِيح يفكّ-اَنغ زِي نَّعْڒث نِّي يدْجَان ذِي شَّرِيعَا وَامِي يَارَّا يخف نّس ذ يجّن نَّعْڒث عْلَاحْسَاب نشِّين. ڒَاحقَّاش لْكِتَاب يقَّار: <منْعُوْڒ كُڒ يجّن إِي ث غا سْݣَعّْذن خ ثحْنَاشْت.>

أيث-ݣلاطيا 5:18

أُو مڒَا ڒْخَاضَر ن أَرُّوْح يقدّْسن ينْده-يكنِّيو، أَتَاف وَار خَاوم ثْحكِّيم شَا شَّرِيعَا.

أيث-ؤفسوس 2:15

س دَّات نّس يسْبطّڒ شَّرِيعَا نِّي س ڒُوْصِيَاث نّس ذ لْقَوَانِين نّس بَاش اَذ يݣّ ذݣ يِيخف نّس يجّن ن شَّعْب وَاحْذس ذ جْذِيذ ذݣ ومْشَان ن ثْنَاين ن شُّعُوْب نِّي. أَمنِّي يݣَّا ڒهْنَا.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

أيث-فيليـپـي 4:17

وَلَكِن نش وَار رزُّوْغ شَا اَذَايِي ثُوْشم شَا ن ڒْحَاجث، نش رزُّوْغ مِين غَا يَرْنِين ذِي لْأَجَار نْوم اَك أَربِّـي.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

أيث-كولوس 1:22

وَلَكِن ڒخُّو لَّا، أَربِّـي يسمْصْڒَاح-يكنِّيو اَكِذس س دَّات ن لْمَسِيح يعْنِي س ڒْموْث نّس بَاش اَكنِّيو يقدّم زَّاثس ثصْفَام بْڒَا ڒْعِيب وَار ذِنِّي بُو وِي كنِّيو إِي غَا يتَاهَامن.

أيث-كولوس 2:14

ئِمْحَا اَمَارْوَاس نِّي إِݣ يزمّْمن خَانغ اَقَاث ضد نّغ س لْقَانُوْن. مَانَاينِّي ييْسِي-ث يصمَّر-يث خ صَّلِيب.

أيث-كولوس 2:20

كنِّيو مڒَا ثمُّوْثم اَك لْمَسِيح إِ لْقَوَانِين نِّي يقْذِيمن ن دُّنشْت-أَ، مَايمِّي ذَاس تݣّم اَرَّاي إِ لْقَانُوْن نِّي اَخْمِي عَاذ تْعِيشم زَّايس ذِي دُّنشْت-أَ؟

يعيبرانيين 10:10

أُو س ڒْخَاضَر نِّي نشِّين نتْوَاسِّيصْفَا س دْبِيحث ن دَّات ن عِيْسَى لْمَسِيح، ئِجّن ن ثْوَاڒَا إِ ڒبْدَا.

1 بطرس 2:24

نتَّا س يِيخف نّس ييْسِي ڒْمُعْصِيَاث نّغ ذِي دَّات نّس خ ثحْنَاشْت نِّي حمَا أَ نمّث نشِّين س وُوْڒَاون نّغ إِ ڒْمُعْصِيَاث، أَ ندَّر إِ مِين يدْجَان نِيْشَان. أَقَا س وجَرِّيح نّس إِي زِي ثْݣنْفَام كنِّيو.

لواحي ن يوحنا 19:7

يَالَّاهم أَ نْفَرْحث، أَ نزْهُوْث، أَث نْسمْغَارث! ڒْفَارْح ن يِزْمَار اَقَّا يُوْوض-د، ثَسْڒِيث نّس قَا ثْسوْجذ يخف نّس.

لواحي ن يوحنا 21:9

يُوْسَا-د غَارِي يجّن زِي سبْعَا ن لْمَلَائِكَاث نِّي إِي غَار دْجَانْت سبْعَا ن ثْمجْمَارِين إِݣ يعمَّرن س سبْعَا ن لْمُصِيبَاث نِّي ثِنْݣُّوْرَا، ينَّا-ٱيِي: "أَرَاح-د، أَذَاش د سْمظْهَارغ ثَسْڒِيث، يعْنِي ثنِّي غَا يَاوِين يزْمَار."