لواحي ن يوحنا 8:2 - ثريفيث 2020

² ࢲْرِيغ سبْعَا ن لْمَلَائِكَاث إِي يتْبدَّان زَّاث إِ أَربِّـي، يمُّوْش-اَسنْت سبْعَا ن زّْوَامَّار.

لواحي ن يوحنا 8:2 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 18:10

غَارْوم اَذ تْحݣَّرم شَان حَدّ زݣ يمزْيَانن-أَ. قَّارغ-اَوم: لْمَلَائِكَاث نْسن ذݣ وجنَّا ڒبْدَا خزَّرنْت بَابَا يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:31

أَذ يصُوْض يجّن ن زَّمَّار ذ اَمقّْرَان، أَذ د يسّكّ لْمَلَائِكَاث نّس غَار اَرْبعَا ن يمُوْشَان ن ثْمُوْرْث مَانِيس د يتكّ اَرِّيح: زِي شَّرْق ذ لْغَرْب ذ لْجَنُوْب ذ شَّمَال. أَذ يسْمُوْن يِنِّي يخْضَر زِي ڒَاحدّ ن وجنَّا اَڒ ڒَاحدّ نّس نّغْنِي.

لوقا 1:19

ئِنْدق-د لْمَلَاك نِّي ينَّا-ٱس: "قَا نش ذ جِبْرِيل ذ ونِّي يتْبدَّان زَّاث إِ أَربِّـي، ئِسّكّ-اَيِي-د أَربِّـي غَارش بَاش اَكِش سِّيوْڒغ اَذَاش ينِيغ ڒخْبَار-أَ يسْفَرَّاحن.

لوقا 21:36

حْضَاث، ࢲَادْجم ذِي مْكُڒ ڒْوقْث حمَا اَتَاف ثْزمَّرم اَذ تْنجْمم زِي مَارَّا مِين غَا يوقْعن اَذ تْبدّم زَّاث إِ مِّيس ن بْنَاذم."

1 أيث-سلونيك 4:16

لِأَنَّا سِيذِيثْنغ اَقَا اَذ د يهْوَا س يِيخف نّس زݣ وجنَّا س يِجّن ن ثْغُوْيّث ثمْغَر ذ يِجّن ن ثْمِيجَّا ن لْمَلَاك نِّي اَمقّْرَان ذ زَّامَّار نِّي يتْصُوْضن ن أَربِّـي، ڒخْدّنِّي يمتِّينن تُوْغَا يُوْمْنن زِي لْمَسِيح اَذ د كَّرن ذ يمزْوُوْرَا.

لواحي ن يوحنا 1:4

زِي يُوْحَنَّا غَار سبْعَا ن ثْجُمَاع ن ڒْمُوْمِنِين ذِي لْإِقْلِيم ن آسْيَا. أَكِذْوم يِيڒِي اَرْضَا ذ ڒهْنَا زݣ ونِّي إِݣ يدْجَان، تُوْغَا يدْجَا، عَاذ اَذ د يَاس. أَكِذْوم يِيڒِي اَرْضَا زِي سبْعَا ن اَرُّوْحَاث إِݣ يدْجَان زَّاث إِ لْعَرْش نّس.

لواحي ن يوحنا 11:15

ثكَّر لْمَلَائِكَا وِيس سبْعَا ثْصُوْض ذِي زَّمَّار نّس، أُوْشَا ثِمِيجَّاوِين ذݣ وجنَّا قَّارنْت س جّْهذ: "ئِذْوڒ ڒحْكَام ن دُّنشْت-أَ ذݣ يفَاسّن ن سِيذِي أَربِّـي نّغ ذ لْمَسِيح نّس، اَذ يحْكم إِ ڒبْدَا ن ڒبْدَاث."

لواحي ن يوحنا 15:1

ࢲْرِيغ يجّن ن لْعَلَامَا نّغْنِي ذ ثَمقّْرَانْت ذݣ وجنَّا يسْذهَّاشن، يعْنِي سبْعَا ن لْمَلَائِكَاث غَارْسنْت سبْعَا ن لْمُصِيبَاث ثِنݣُّوْرَا، زَّايْسنْت إِي غَا يتْوَاكمّڒ ؤُغْضَب ن أَربِّـي.

لواحي ن يوحنا 16:1

سْڒِيغ إِ يِجّن ن ثْمِيجَّا ثنْدق-د زِي ثمْزِيذَا ثَمقّْرَانْت ثقَّار-اَسنْت إِ سبْعَا نِّي ن لْمَلَائِكَاث س جّْهذ: "رُوْحنْت زدْجْعنْت سبْعَا ن ثْمجْمَارِين ن ؤُغْضَب ن أَربِّـي خ ثْمُوْرْث."

لواحي ن يوحنا 8:13

خْزَرغ، سْڒِيغ إِ يِجّن ن نْسر يطَّاو ذِي ڒْوسْط ن وجنَّا يڒَاغَا س جّْهذ ينَّا: "يَا تَمَارَا، يَا تَمَارَا، يَا تَمَارَا خ يمزْذَاغ ن ثْمُوْرْث عْلَاحْسَاب ثْڒَاثَا ن لْمَلَائِكَاث نِّي إِݣ يقِّيمن عَاذ وَار صُوْضنْت شَا ذِي زّْوَامَّار نْسنْت".

لواحي ن يوحنا 8:6

سبْعَا ن لْمَلَائِكَاث نِّي إِي غَار دْجَانْت سبْعَا ن زّْوَامَّار سوْجَاذنْت يخف نْسنْت حمَا اَذَايْسن صُوْضنْت.

لواحي ن يوحنا 9:1

ثكَّر لْمَلَائِكَا وِيس خمْسَا ثْصُوْض ذِي زَّمَّار نّس أُوْشَا ࢲْرِيغ يجّن ن يِيثْرِي تُوْغَا يوْضَا-د زݣ وجنَّا خ ثْمُوْرْث. ئِمُّوْش-اَس إِ يِيثْرِي نِّي ڒْمفْتَاح ن وَانُو نِّي يتَاوِين غار ڒَادْجغ بْڒَا ڒَاحدّ.