لواحي ن يوحنا 7:9 - ثريفيث 2020

⁹ منْبَعْد إِ مَانَايَا خْزَرغ، تْوَاڒِيغ اَطَّاس ن ڒْغَاشِي مبْڒَا ڒحْسَاب زِي مْكُڒ ڒْݣنْس ذ ڒْقُوْم ذ شَّعْب ذ لُّغَا، بدّن زَّاث إِ لْعَرْش ذ زَّاث إِ يِزْمَار ݣِّين تْشَامِّير ذ اَشمْڒَاڒ، ذݣ يفَاسّن نْسن ثَسطَّا ن تْمَر.

لواحي ن يوحنا 7:9 Σταυροειδείς Αναφορές

لوقا 12:1

ڒخدّْنِّي مُوْنن اَطَّاس ن ؤُڒُوْفَاث ن يِوذَان اَڒ وَامِي ذوْڒن عفّْسن خ وَايَاوْيَا. ئِبْذَا عِيْسَى يقَّار-اَسن إِ يمحْضَارن نّس: "حْضَام يخف نْوم زِي نِّفَاق ن ڒْحِزب ن يفَرِّيسِيْين يدْجَان اَم ونْتُوْن.

لوقا 21:36

حْضَاث، ࢲَادْجم ذِي مْكُڒ ڒْوقْث حمَا اَتَاف ثْزمَّرم اَذ تْنجْمم زِي مَارَّا مِين غَا يوقْعن اَذ تْبدّم زَّاث إِ مِّيس ن بْنَاذم."

يوحنا 12:13

ئِيْسِين اَفْرِيون ن ثْشجُّوْرَا ن تْمَر بَاش اَزَّايس رحْبن فّْغن اَث ڒْقَان س ڒفْرَاحث. تْعيَّاضن قَّارن لْحَمْدُو إِ أَربِّـي! سَّعْذ ن وَانِيتَا إِي د يُوْسِين عْلَاحْسَاب يسم ن سِيذِي أَربِّـي، قَا نتَّا ذ اَزدْجِيذ ن أَيث-إِسْرَائِيل!

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

أيث-ؤفسوس 6:13

س مَانَايَا يْسِيث غَارْوم مَارَّا ڒسْنَاح ن أَربِّـي بَاش وَار تْركّْوِيڒم شَا ذِي نْهَار ن شَّرّْ. أُو مڒَا ثݣِّيم مَانَايَا مَارَّا، أَتَاف اَذ تْبدّم.

يعيبرانيين 11:12

ثُمَّا زِي بْرَاهِيم ذ يجّن ن ورْيَاز يوْسَار يكمّڒ، يجَّا-د يجّن ن دُّوْرِّيث اَم يِيْثْرَان يدْجَان ذݣ وجنَّا اَم يِجْذِي يدْجَان خ شّطّ ن ڒبْحَر وَار يزمَّر حَدّ اَت يحسّب.

يعيبرانيين 12:22

وَلَكِن كنِّيو ثْقَارّْبم-د غَار وذْرَار ن صِيَان يعْنِي ثَنْدِينْت ن أَربِّـي يدَّرن ذ لْقُدْس ن وجنَّا، ذَايس اَڒَاف ن ؤُرُوْفَاث ن لْمَلَائِكَاث.

لواحي ن يوحنا 11:15

ثكَّر لْمَلَائِكَا وِيس سبْعَا ثْصُوْض ذِي زَّمَّار نّس، أُوْشَا ثِمِيجَّاوِين ذݣ وجنَّا قَّارنْت س جّْهذ: "ئِذْوڒ ڒحْكَام ن دُّنشْت-أَ ذݣ يفَاسّن ن سِيذِي أَربِّـي نّغ ذ لْمَسِيح نّس، اَذ يحْكم إِ ڒبْدَا ن ڒبْدَاث."

لواحي ن يوحنا 22:3

زِي سّنِّي اَڒ ثْسَاونْت وَار ذِنِّي تِيڒِي بُو نَّعْڒث. لْعَرْش ن أَربِّـي ذ يِزْمَار اَذ يِيڒِي ذِي ثنْدِينْت-أَ، أَث عبْذن لْعِبَاد نّس.

لواحي ن يوحنا 3:18

قَا نش نصّْحغ-شك اَخَافِي ثسْغذ دّْهب يتْوَاصْفَان س ثْمسِّي حمَا اَذ تْذوْڒذ ذ تَّاجَر. سغ عَاوذ اَرُّوْض ذ اَشمْڒَاڒ حمَا اَذ تسَرْضذ يخف نّش زِي ثُوْعَرْيَانْت نّش عَاوذ ذ شَان دّْوَا حمَا اَذ تسْݣنْفِيذ ثِيطَّاوِين نّش اَتَاف تْوَاڒِيذ.

لواحي ن يوحنا 4:4

نّْضن-اَس-د إِ لْعَرْش-أَ اَرْبعَا و عِشْرِين ن لْعَرْشَاث، خَاسن اَرْبعَا و عِشْرِين ن يمْغَارن ݣِّين اَرُّوْض ذ اَشمْڒَاڒ، كُڒ يجّن زَّايْسن غَارس تَّاج ن دّْهب خ وزدْجِيف نّس.

لواحي ن يوحنا 5:11

ثُمَّا خْزَرغ، سْڒِيغ إِ ثْمِيجَّا ن وَاڒَاف ن ؤُڒُوْفَاث ذ مِيلْيُوْن ن مِيلْيُوْنَاث ن لْمَلَائِكَاث تنّْضنْت-اَس-د إِ لْعَرْش ذ لْمخْلُوقَاث ذ يمْغَارن.

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.

لواحي ن يوحنا 6:11

ثُمَّا يمُّوْش-اَسن مَارَّا ئِج-يج، تْشَامِّير ذ اَشمْڒَاڒ يتْوَانَّا-يَاسن عَاذ اَذ تصْبَرم شْوَايْت اَڒ غَا يتْوَاكمّڒ لْعَدَد نِيشَان ن اَيثْمَاثْوم إِي غَا يتْوَانْغن اَمشْنَاو كنِّيو، يعْنِي يِنِّي إِي يعبّْذن اَم كنِّيو.

لواحي ن يوحنا 7:8

ثنْعَاشَر اَڒَاف زِي أَيث-زَفُلُوْن، ثنْعَاشَر اَڒَاف زِي أَيث-يُوْسف، ثنْعَاشَر اَڒَاف زِي أَيث-بنْيَامِين.