لواحي ن يوحنا 4:4 - ثريفيث 2020

⁴ نّْضن-اَس-د إِ لْعَرْش-أَ اَرْبعَا و عِشْرِين ن لْعَرْشَاث، خَاسن اَرْبعَا و عِشْرِين ن يمْغَارن ݣِّين اَرُّوْض ذ اَشمْڒَاڒ، كُڒ يجّن زَّايْسن غَارس تَّاج ن دّْهب خ وزدْجِيف نّس.

لواحي ن يوحنا 4:4 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 19:28

ينَّا-ٱسن عِيْسَى: "أَقَا تسْڒَام ڒْحَقّ: ذِي ثُوْذَارْث نّغْنِي خْمِي غَا يقِّيم مِّيس ن بْنَاذم خ لْعَرْش نّس ن لْعَظَمَا، ؤُڒَا ذ كنِّيو ذَايِي د يذْفَارن اَذ تقِّيمم خ ثنْعَاش ن لْعَرْشَاث حمَا اَذ تْحكْمم خ ثنْعَاش ن ثْقبَّاڒ ن أَيث-إِسْرَائِيل.

لوقا 22:30

يعْنِي ذِي ڒْمُلْك ينُو اَذ تقِّيمم اَكِذِي غَار مِيسَّا اَذ تشّم اَذ تسْوم. أَذ تقِّيمم خ ڒْعَرْشَاث حمَا اَذ تْحكْمم خ ثنْعَاش ن ثْقبَّاڒ ن أَيْث-إِسْرَائِل."

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

لواحي ن يوحنا 11:16

كَّرن اَرْبعَا أُو عِشْرِين نِّي يمْغَارن إِي قِّيمن خ لْعَرْشَاث نْسن زَّاث إِ أَربِّـي، هْوَان خ وغمْبُوْب نْسن سجّْذن-اَس إِ أَربِّـي،

لواحي ن يوحنا 14:3

تْغنَّاجن يجّن ن يِزْڒِي ذ جْذِيذ زَّاث إِ لْعَرْش ذ اَرْبعَا نِّي ن لْمخْلُوْقَاث ذ يمْغَارن. وَار يزمَّر ؤُڒَا ذ يجّن اَذ يڒْمذ يزْڒِي نِّي إِلَّا ذ مِيَّا أُو اَرْبعَا أُو اَرْبعِين اَڒَاف نِّي إِي يتْوَاسْنجْمن زي دُّنشْت-أَ.

لواحي ن يوحنا 19:14

ڒْعَسْكَار ن وجنَّا ذفَّارن-ث نْيِيْن خ يِيْسَان ذ يشمْڒَاڒن، ݣِّين اَرُّوْض ن ڒْكتَّان ن لُوْلَان اَصبْحَان ذ اَشمْڒَاڒ ينْقَا.

لواحي ن يوحنا 19:4

اَرْبعَا و عِشْرِين ن يمْغَارن ذ اَرْبعَا ن لْمخْلُوْقَاث سجّْذن إِ أَربِّـي يقِّيمن خ لْعَرْش، قَّارن: "آمِين! حمْذث أَربِّـي!"

لواحي ن يوحنا 2:10

وَار تݣّْوذ شَا زِي مَامّش إِي غَا تْوَاعدّْبذ. أَقَا إِبْڒِيس اَذ يسِيذف ڒبْعَاض زَّايْوم غَار ڒحْبس حمَا اَذ تْوَاجَرّْبم. أَذ تْسعْذُوْم ڒمْحَاين ذي عشْرَايَّام. اَرْنِي ذِي لْإيْمَان نّش وَاخَّا اَش نْغن، نش اَذَاش ؤُشغ تَّاج ن ثُوْذَارْث.

لواحي ن يوحنا 20:4

ࢲْرِيغ لْعَرْشَاث ذ يِنِّي خَاسن يقِّيمن ثمُّوْش-اَسن سُّلْطَا اَذ حكْمن. ࢲْرِيغ بُوْحْبڒ ن يِنِّي ؤُمِي يتْوَاقسّن يزدْجِيفن لِأَنَّا ذفَّارن مِينْخف يشْهذ عِيْسَى ذ وَاوَاڒ ن أَربِّـي. نِثْنِي تُوْغَاثن وَار سجّْذن شَا إِ ڒْوَحْش نِغ إِ لْأَصْنَام نّس، تُوْغَا وَار قْبِيڒن شَا طَّبَع نّس خ ثنْيَارث نْسن نِغ خ وفُوْس نْسن. كَّرن-د زِي ڒْموْث حكْمن اَك عِيْسَى اَڒَاف ن يسݣّْوُوْسَا.

لواحي ن يوحنا 3:18

قَا نش نصّْحغ-شك اَخَافِي ثسْغذ دّْهب يتْوَاصْفَان س ثْمسِّي حمَا اَذ تْذوْڒذ ذ تَّاجَر. سغ عَاوذ اَرُّوْض ذ اَشمْڒَاڒ حمَا اَذ تسَرْضذ يخف نّش زِي ثُوْعَرْيَانْت نّش عَاوذ ذ شَان دّْوَا حمَا اَذ تسْݣنْفِيذ ثِيطَّاوِين نّش اَتَاف تْوَاڒِيذ.

لواحي ن يوحنا 4:10

سّنِّي عَاوذ اَرْبعَا أُو عِشْرِين نِّي ن يمْغَارن تْركَّاعن-اَس إِ ونِّي يقِّيمن خ لْعَرْش، تْسجَّاذن-اَس إِ ونِّي يدَّرن إِ ڒبْدَا ن ڒبْدَاث. كُڒ يجّن زَّايْسن ينطَّر تَّاج نّس زَّاث إِ لْعَرْش يقَّار:

لواحي ن يوحنا 4:6

زَّاث إِ لْعَرْش ذِنِّي اَم ڒبْحَر ن جَّاج يصْفَا اَطَّاس. ذِنِّي اَربْعَا ن لْمخْلُوقَاث يدَّرن ذِي ڒْوسْط، نّْضن-اَس-د إِ لْعَرْش غَارْسن ثِيطَّاوِين غَار زَّاث ذ ذفَّار.

لواحي ن يوحنا 5:11

ثُمَّا خْزَرغ، سْڒِيغ إِ ثْمِيجَّا ن وَاڒَاف ن ؤُڒُوْفَاث ذ مِيلْيُوْن ن مِيلْيُوْنَاث ن لْمَلَائِكَاث تنّْضنْت-اَس-د إِ لْعَرْش ذ لْمخْلُوقَاث ذ يمْغَارن.

لواحي ن يوحنا 5:14

لْمخْلُوقَاث نِّي س اَرْبعَا قَّارن: "آمِين!" ركْعن يمْغَارن نِّي اَذ سجّْذن.

لواحي ن يوحنا 5:6

ثُمَّا طَّارْف إِ لْعَرْش-أَ، ذِي ڒْوسْط ن اَرْبعَا ن لْمخْلُوْقَاث نِّي ذ يمْغَارن نِّي، ࢲْرِيغ ذِنِّي يجّن ن يزْمَار يبدّ وَلَكِن يتْبَان-د اَخْمِي ث نْغِين. غَارس سبْعَا ن وَاشَّاون ذ سبْعَا ن ثِيطَّاوِين. نِثْنِي ذ سبْعَا ن اَرُّوْحَاث ن أَربِّـي إِݣ يسّكّ غَار مَارَّا دُّنشْت-أَ.

لواحي ن يوحنا 5:8

وَامِي ييْسِي لْكِتَاب-أَ، لْمخْلُوقَاث نِّي س اَرْبعَا ذ اَرْبعَا أُو عِشْرِين ن يمْغَارن نِّي سجّْذن-اَس إِ يِزْمَار. مْكُڒ يجّن زَّايْسن غَارس ثْݣَامْبْرِيت غَارس ثِمجْمَارِين ݣِّين-ثنْت س دّْهب عمَّارنْت س تْبَخُوْر، يعْنِي ذ ثْࢲَادْجِيث ن ڒْمُوْمِنِين صَّالِحِين.

لواحي ن يوحنا 6:11

ثُمَّا يمُّوْش-اَسن مَارَّا ئِج-يج، تْشَامِّير ذ اَشمْڒَاڒ يتْوَانَّا-يَاسن عَاذ اَذ تصْبَرم شْوَايْت اَڒ غَا يتْوَاكمّڒ لْعَدَد نِيشَان ن اَيثْمَاثْوم إِي غَا يتْوَانْغن اَمشْنَاو كنِّيو، يعْنِي يِنِّي إِي يعبّْذن اَم كنِّيو.

لواحي ن يوحنا 7:11

مَارَّا لْمَلَائِكَاث بدّنْت نّْضنْت-يد إِ لْعَرْش ذ يمْغَارن ذ اَرْبعَا ن لْمخْلُوْقَاث نِّي. هْوَانْت خ وغمْبُوْب نْسنْت زَّاث إِ لْعَرْش سجْذنْت إِ أَربِّـي.

لواحي ن يوحنا 7:9

منْبَعْد إِ مَانَايَا خْزَرغ، تْوَاڒِيغ اَطَّاس ن ڒْغَاشِي مبْڒَا ڒحْسَاب زِي مْكُڒ ڒْݣنْس ذ ڒْقُوْم ذ شَّعْب ذ لُّغَا، بدّن زَّاث إِ لْعَرْش ذ زَّاث إِ يِزْمَار ݣِّين تْشَامِّير ذ اَشمْڒَاڒ، ذݣ يفَاسّن نْسن ثَسطَّا ن تْمَر.

لواحي ن يوحنا 9:7

ثْمُوْرْغِي-يَا تْشَابَّاه ذݣ يِيْسَان نِّي إِي وجْذن اَذ حَرْبن. غَارْسنْت خ يزدْجِيفن نْسنْت اَم تَّاج ن دّْهب، أَغمْبُوْب نْسنْت اَم وغمْبُوْب ن بْنَاذم.