لواحي ن يوحنا 4:11 - ثريفيث 2020

¹¹ "آ مَوْلَانَا آ سِيذِي أَربِّـي نّغ، ذ شك إِي يسْذَاهدْجن لْعَظَمَا ذ ؤُوقَّار ذ جّْهذ، ڒَاحقَّاش شك ثْخڒْقذ كُڒْشِي، س ڒْخَاضَر نّش تْوَاخڒْقنْ-د اَقَاثن دْجَان."

لواحي ن يوحنا 4:11 Σταυροειδείς Αναφορές

ڒخذايم 14:15

"آي يرْيَازن، مَايمِّي تݣّم مَانَايَا؟ قَا نشِّين ذ يوْذَان وَاهَا اَم كنِّيو اَم نشِّين كِيف-كِيف. نُوْوِي-اَوم-د يجّن ن وَاوَاڒ ذ اَصبْحَان بَاش اَذ تْبعّْذم إِ ثْمسْڒَايِين-أَ وَار ينفّْعن شَا، أَذ تْذوْڒم غَار أَربِّـي يدَّرن إِي د يخڒْقن اَجنَّا ذ ثْمُوْرْث ذ ڒبْحَر ذ مَارَّا مِين ذَايْسن.

ڒخذايم 17:24

ئِخْڒق-د دُّنشْت-أَ ذ مَارَّا مِين ذَايس، نتَّا ذ سِيذِي أَربِّـي ن وجنَّا ذ ثْمُوْرْث. وَار يزدّغ شَا ذِي زَّاوْيَاث نِّي إِݣ بنَّان يِوْذَان س يفَاسّن نْسن.

أيث-روما 11:36

أَقَا مَارَّا يُوْسَا-د يكَّا-د زَّايس، كُلْشِي نّس. أَغَارس ثِيڒِي لْعَظَمَا إِ نتَّا إِ ڒبْدَا. آمِين.

أيث-ؤفسوس 3:9

عَاوذ بَاش اَذ سظْهَارغ مْلِيح إِ مَارَّا يوْذَان مِين يخطّط أَربِّـي ذِي ڒْمَعْنَا نِّي ينُوْفَّرن إِݣ يجَّا نتَّا ذݣ يِخف نّس ذِي زْمَانَاث يعْذُوْن أُو ذ نتَّا ذ لْخَالِق ن مَارَّا مِين يدْجَان ذ ثِمسْڒَايِين.

يعيبرانيين 1:10

ئِقَّار عَاوذ: <آي أَربِّـي، ذݣ ومزْوَارُو ثْسرْسذ دْسَاسَاث ن دُّنشْت-أَ، ثݣِّيذ يجنَّاثن س وفُوْس نّش.

يعيبرانيين 1:2

وَلَكِن ذِي لْأَيَّام-أَ ينݣُّوْرَا يسَّاوَاڒ اَكِذْنغ س وقمُّوْم ن مِّيس يعْنِي ونِّي إِي يخْضَر اَذ يوَارث مَارَّا ثِمسْڒَايِين، زَّايس إِي د يخْڒق أَربِّـي دُّنشْت.

لواحي ن يوحنا 1:6

يݣَّا زَّايْنغ يجّن ن لْممْلَكَا ذ ڒْفُقَهَا إِ أَربِّـي بَابَاس. أَغَارس ثِيڒِي لْعَظَمَا ذ ڒحْكَام إِ نتَّا إِ ڒبْدَا، آمِين.

لواحي ن يوحنا 10:6

ئِجُّوْدْج س ونِّي يدَّرن إِ ڒبْدَا ن ڒبْدَاث يعْنِي ونِّي إِي د يخڒْقن اَجنَّا ذ مِين ذَايس ذ ڒْبَرّ ذ ڒبْحَر ذ مِين ذَايْسن. أُوْشَا ينَّا: "صَافِي، وَار ثقِّيم بُو ڒْوقْث عَاذ كْتَار.

لواحي ن يوحنا 14:7

ثقَّار س جّْهذ: "ݣّْوْذم أَربِّـي سمْغَارم-ث، أَقَا ثُوْوض-د ثْسَعَّات نّس اَذ يݣّ لْحِسَاب ذ لْعِقَاب. سجّْذث إِ ونِّي إِي د يخڒْقن اَجنَّا ذ ثْمُوْرْث ذ ڒبْحَر ذ ڒَعْنَاصر."

لواحي ن يوحنا 19:1

منْبَعْد إِ مَانَايَا سْڒِيغ إِ يِجّن ن ثْمِيجَّا اَمشْنَاو صُّوْت ن وَاطَّاس ن يِوْذَان يدْجَان ذݣ وجنَّا، ثقَّار س جّْهذ: "حمْذث أَربِّـي! أَسنْجم ذ لْعَظَمَا ذ جّْهذ إِ أَربِّـي نّغ.

لواحي ن يوحنا 5:12

قَّارنْت س جّْهذ: "ئِزْمَار يتْوَانْغن يسْذَاهدْج ثِزمَّار ذ وَاݣْڒَا ذ لْحِكْمَا ذ جّْهذ ذ ؤُوقَّار ذ لْعَظَمَا ذ لْحَمد."

لواحي ن يوحنا 5:2

تْوَاڒِيغ يجّن ن لْمَلَاك اَمقّْرَان يڒَاغَا س جّْهذ يقَّار: "وِي غَار يدْجَا ڒْحَقّ اَذ يرْزم لْكِتَاب-أَ اَذ يكّس يشمَّاعن نّس؟"

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.