لواحي ن يوحنا 4:1 - ثريفيث 2020

¹ منْبَعْد إِ مَانَايَا ࢲْرِيغ يجّن ن ثوَّارْث ثْنُوْرْزم ذݣ وجنَّا، سْڒِيغ إِ ثْمِيجَّا نِّي إِي غَارِي د يسِّيوْڒن زِي قْبڒ صُّوْت نّس يݣَّا اَم زَّمَّار، ثنَّا-ٱيِي-د: "ݣَعّذ-د ذَانِيتَا اَذَاش د سْمظْهَارغ مِين لَابُد غَا يوقْعن منْبَعْد إِ مَانَايَا."

لواحي ن يوحنا 4:1 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 3:16

وَامِي يتْوَاطهَّار عِيْسَى يفّغ-د ڒخْدّنِّي زݣ وَامَان نِّي. أَقَا ينُوْرْزم-اَس-د وجنَّا يࢲْرَا أَرُّوْح ن أَربِّـي يهوَّا-د يݣَّا اَم يِجّن ن ثذْبِيرْث ثْمَارْس-د خَاس.

مرقس 1:10

وَامِي د يُوْڒِي زݣ وَامَان، ڒخْدّنِّي يࢲْرَا اَجنَّا ينُوْرْزم، ذ أَرُّوْح ن أَربِّـي يهوَّا-د خَاس يݣَّا اَم يِجّن ن ثذْبِيرْث.

لوقا 3:21

وَامِي مَارَّا شَّعْب يتْتْوَاطهَّار س وَامَان، يُوْسَا-د ؤُڒَا ذ عِيْسَى يتْوَاطهَّار س وَامَان. نتَّا وَامِي يتْࢲَادْجَا، ثْنُوْرْزم ثوَّارْث ذݣ وجنَّا

يوحنا 16:13

خْمِي د غَا يَاس أَرُّوْح ن لْحَقِيقَا، أَتَاف اَذَاوم د يسْبيّن لْحَقِيقَا ثكْمَاڒ. أَقَا نتَّا وَار يسِّيوِيڒ شَا زݣ يِيخف نّس، يسَّاوَاڒ إِلَّا زِي مِين ذَاس غَا يِينِي أَربِّـي. أَذَاوم يخبَّر ذِي ثْمسْڒَايِين إِي د غَا يَاسن.

ڒخذايم 10:11

ئِࢲْرَا اَجنَّا ينُوْرْزم سْهوَّان-د زَّايس غَار ثْمُوْرْث يجّن ن ڒْحَاجث ثݣَّا اَم ثْشُوْقّت ذ ثَمقّْرَانْت تْوَاشدّ زِي ثْغمُّوْرَا نّس س اَربْعَا.

ڒخذايم 7:56

ينَّا: "أَقَا تْوَاڒِيغ اَجنَّا ينُوْرْزم ذ مِّيس ن بْنَاذم يبدّ خ وفُوْسِي ن أَربِّـي."

لواحي ن يوحنا 1:10

ذِي نْهَار ن سِيذِيثْنغ تُوْغَا يهْوَا-د خَافِي أَرُّوح ن أَربِّـي، سْڒِيغ غَار ذفَّار ينُو يجّن ن ثْمِيجَّا ثمْغَار صُّوْت نّس يݣَّا اَم زَّمَّار.

لواحي ن يوحنا 1:12

نْقڒْبغ اَذ خْزَرغ غَار ثْمِيجَّا نِّي إِي كِذِي د يسَّاوَاڒن. وَامِي نْقڒْبغ ؤُفِيغ سبْعَا ن ڒقْنَاذڒ ن دّْهب.

لواحي ن يوحنا 1:19

أَرِي مِين ثࢲْرِيذ، ذ مِين يتوْقِيعن ڒخُّو، ذ مِين غَا يوقْعن سَّا اَڒ ثْسَاونْت.

لواحي ن يوحنا 11:12

سْڒِين إِ يِجّن ن ثْمِيجَّا ثجْهذ تْڒَاغَا-د خَاسن زݣ وجنَّا ثقَّار-اَسن: "ݣَعّْذم-د ذَانِيتَا!" ڒشْهُوْذ نِّي ݣَعّْذن غَار وجنَّا ذݣ وسيْنُو، ڒْعَذْيَان نْسن خْزَرن ذَايْسن.

لواحي ن يوحنا 11:19

ثْنُوْرْزم ثمْزِيذَا ثَمقّْرَانْت ن أَربِّـي ذݣ وجنَّا، يمظْهَار-د تَابُوْت ن ڒْعَهذ ن أَربِّـي ذِي ثمْزِيذَا نِّي. ئِوْقع وَاسَّام ذ يغُوْيَان ذ وَاجَّاج ذ زِّنْزَال ذ يشَرَّا اَطَّاس.

لواحي ن يوحنا 16:17

ثكَّر لْمَلَائِكَا وِيس سبْعَا ثْزدْجع ثِمجْمَارْث نّس ذِي لْهَوَا سْڒِيغ إِ يِجّن ن ثْمِيجَّا زِي ثمْزِيذَا ثَمقّْرَانْت إِي د يكِّيْن زِي لْعَرْش يقَّار س جّْهذ: "صَافِي، يتْوَاكمّڒ!"

لواحي ن يوحنا 19:11

ࢲْرِيغ اَجنَّا ينُوْرْزم ذِنِّي يجّن ن ؤُيِيْس ذ اَشمْڒَاڒ، ونِّي خَاس ينْيِيْن قَّارن-اَس ڒَامَان ذ ڒْحَقّ. ئِتْحَاسَاب يتْحَرَاب س ڒْحَقّ.

لواحي ن يوحنا 22:6

ينَّا-ٱيِي لْمَلَاك ونِّي: "أَوَاڒن-أَ ذَايْسن ڒَامَان ذَايْسن ڒْحَقّ. أَربِّـي نتَّا ذ مَوْلَانَا إِي د يسهْوَان لْوَاحِي خ لْأَنْبِيَا، ئِسّكّ-د لْمَلَاك نّس حمَا اَذ د يسْمظْهَار إِ يِنِّي ث يعبّْذن مِين لَابُد غَا يوقْعن عْڒَاين."