لواحي ن يوحنا 3:5 - ثريفيث 2020

⁵ ونِّي غَا يربْحن اَذَاس ݣّن اَرُّوْض ذ اَشمْڒَاڒ. نش عمَّارْص اَذ مسْحغ يسم نّس زِي لْكِتَاب ن ثُوْذَارْث، أَخَاس شهْذغ زَّاث إِ بَابَا ذ لْمَلَائِكَاث نّس.

لواحي ن يوحنا 3:5 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 10:32

ونِّي زَّايِي غَا يشهْذن نش زَّاث إِ يِوْذَان، أَتَاف اَزَّايس شهْذغ نش زَّاث إِ بَابَا يدْجَان ذݣ وجنَّا.

لوقا 10:20

إِنَّمَا، وَار فَرّْحث شَا وَامِي جْنُوْن ذَاوم تݣّن اَرَّاي. لَّا، فَرْحث وَامِي يسمَاون نْوم ؤُرِين زمّن ذݣ وجنَّا."

لوقا 12:8

أَذَاوم ينِيغ: ونِّي زَّايِي غَا يشهْذن نش زَّاث إِ يِوْذَان، أَتَاف اَزَّايس شهْذغ نش مِّيس ن بْنَاذم زَّاث إِ لْمَلَائِكَاث ن أَربِّـي.

أيث-فيليـپـي 4:3

وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.

ثبرات زي يهوذا 1:24

فَا ونِّي يزمَّرن اَكنِّيو يحْضَا بَاش وَار تنْذْڒِيفم شَا، ئِزمَّر عَاوذ اَكنِّيو يقدّم غَار زَّاث نّس لْعَظِيم اَذ تِيڒِيم بْڒَا ڒْعِيب اَغَارْوم ثِيڒِي يجّن ن ڒفْرَاحث ذ ثَمقّْرَانْت،

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.

لواحي ن يوحنا 19:8

ئِمُّوْش-اَس اَخَاس ثݣّ ڒْكتَّان ن لُوْلَان اَصبْحَان، يرقّْ، يصْفَا." (ڒْكتَّان ن لُوْلَان اَصبْحَان يعْنِي نتَّا ذ ڒخْذَايم إِݣ يدْجَان نِيشَان ن ڒْمُوْمِنِين صَّالِحِين.)

لواحي ن يوحنا 2:11

صنّط مْلِيح آ ونِّي يتْسْڒَان مِين يقَّار اَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، وَار ث تْضَرِّي شَا ڒْموْث نِّي وِيس ثْنَاين.

لواحي ن يوحنا 2:7

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن اَذَاس ؤُشغ اَذ يشّ زِي ثْشجَّارْث ن ثُوْذَارث إِي يدْجَان ذِي جّنّث ن أَربِّـي.

لواحي ن يوحنا 20:12

ࢲْرِيغ يمتِّينن بدّن زَّاث إِ لْعَرْش نِّي اَم ومزْيَان اَم ومقّْرَان. نُوْرْزْمن لْكُتُب، ئِنُوْرْزم يجّن ن لْكِتَاب نّغْنِي نتَّا ذ لْكِتَاب ن ثُوْذَارْث. تْوَاحَاسْبن يمتِّينن س مِين يُوْرِين ذِي لْكُتُب عْلَاحْسَاب ڒخْذَايم نْسن.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.

لواحي ن يوحنا 21:27

وَار ذِنِّي تَاذف ؤُڒَا ذ يجّن ن ثْمسْڒَايْث ثْوسّخ نِغ ذ يكْرُوْشَارن نِغ ذ يِنِّي يقَّارن يخرِّيقن. أَذ اَذْفن ذِنِّي غِير يِنِّي غَار دْجَان يسمَاون نْسن زمّْمن ذِي لْكِتَاب ن ثُوْذَارْث ن يِزْمَار.

لواحي ن يوحنا 22:19

ونِّي غَا يكّْسن زݣ وَاوَاڒن-أَ ن لْوَاحِي ذِي لْكِتَاب-أَ، أَتَاف أَربِّـي اَس يكّْس ڒْحَقّ نّس زِي ثْمسْڒَايِين إِݣ يُوْرِين ذِي لْكِتَاب-أَ، يعْنِي ڒْحَقّ نّس ن ثْشجَّارْث ن ثُوْذَارْث ذ ڒْحَقّ نّس ن ثنْدِينْت يقدّْسن.

لواحي ن يوحنا 3:12

قَا ونِّي غَا يربْحن اَث سْبدّغ اَم يِجّن ن وپِــيلَار ذِي ثمْزِيذَا ثَمقّْرَانْت ن أَربِّـي ينُو اَذ يقِّيم ذِنِّي إِ ڒبْدَا. أَخَاس اَرِيغ يسم ن أَربِّـي ينُو ذ يِيسم ن ثنْدِينْت ن أَربِّـي ينُو، يعْنِي لْقُدْس ن جْذِيذ إِي د غَا يهْوَان زݣ وجنَّا زِي أَربِّـي ينُو. أَخَاس اَرِيغ يسم ينُو ذ جْذِيذ.

لواحي ن يوحنا 3:4

أَكِذش ذِنِّي ڒبْعَاض ن يِوْذَان ذِي سَرْدِيس وَار سْوسِيخن شَا اَرُّوْض نْسن، أَكِذِي ؤُيُوْرن س وَارُّوْض ذ اَشمْڒَاڒ ڒَاحقَّاش سْذَاهدْجن-ت.

لواحي ن يوحنا 6:11

ثُمَّا يمُّوْش-اَسن مَارَّا ئِج-يج، تْشَامِّير ذ اَشمْڒَاڒ يتْوَانَّا-يَاسن عَاذ اَذ تصْبَرم شْوَايْت اَڒ غَا يتْوَاكمّڒ لْعَدَد نِيشَان ن اَيثْمَاثْوم إِي غَا يتْوَانْغن اَمشْنَاو كنِّيو، يعْنِي يِنِّي إِي يعبّْذن اَم كنِّيو.