لواحي ن يوحنا 3:1 - ثريفيث 2020

¹ أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سَرْدِيس، إِنِي-يَاس قَا ونِّي غَار دْجَان سبْعَا ن اَرُّوْحَاث ن أَربِّـي ذ سبْعَا ن يِيثْرَان، ئِقَّار-اَش: نش سّْنغ ڒخْذَايم نّش. قَّارن قَا شك ثدَّرذ وَلَكِن لَّا شك ثمُّوْثذ.

لواحي ن يوحنا 3:1 Σταυροειδείς Αναφορές

لوقا 15:32

ڒخُّو يتْخصَّا-ٱنغ أَ نْفَرح أَ نزْهُو اَطَّاس مِينْزِي ؤُمَاش تُوْغَا يمُّوْث، ڒخُّو يدَّر. تُوْغَا يودَّار، ڒخُّو يتْوَاف."

يوحنا 1:16

س لْبَرَكَا نّس ثَمقّْرَانْت يبَرك-اَنغ مَارَّا س اَرْضَا خ اَرْضَا.

يوحنا 1:33

تُوْغَا نش وَار ث سِّينغ شَا مِين يعْنَا، وَلَكِن ذ أَربِّـي إِي ذَايي د يسّكّن اَذ طهَّارغ إِ يِوْذَان س وَامَان، نتَّا ينَّا-ٱيِي: ونِّي غَا ثࢲرذ يهْوَا-د خَاس أَرُّوْح يمَارْس خَاس، ذ نتَّا إِي غَا يطهَّارن إِ يِوْذَان س أَرُّوْح يقدّْسن.

يوحنا 20:22

وَامِي ينَّا مَانَايَا يصُوْض خَاسن ينَّا-ٱسن: "قبْڒث اَرُّوْح يقدّْسن.

يوحنا 3:34

ونِّي إِي د يسّكّ أَربِّـي يسَّاوَاڒ س وَاوَاڒ ن أَربِّـي مِينْزِي يتِيشّ-اَس أَرُّوح نّس بْڒَا ڒقْيَاس.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

أيث-ؤفسوس 2:1

فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ دّْنُوْب نْوم.

أيث-ؤفسوس 2:5

ئِسدَّر-اَنغ اَك لْمَسِيح وَاخَّا نشِّين س وُوْڒَاون نّغ نمُّوْث عْلَاحْسَاب ڒْمُعْصِيَاث نّغ. إِيوَا س اَرْضَا ن سِيذِي أَربِّـي إِي زِي ننْجم.

أيث-كولوس 2:13

فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ طَّبِيعَا نْوم وَار يطهَّارن شَا، وَلَكِن أَربِّـي يسدَّر-د كنِّيو اَك لْمَسِيح وَامِي ذَانغ يغْفَر قَاع ڒْمُعْصِيَاث نّغ.

1 تيموتاوس 5:6

وَلَكِن ثنِّي يتْعِيشن ذِي شّهْوث وَاهَا، قَا نتَّاث ثمُّوْث وَاخَّا ثدَّر.

ثبرات غار يعقوب 2:26

شُوْف، دَّات ن بْنَاذم بْڒَا بُوْحْبڒ ثمُّوث، أَمنِّي لْإِيمَان بْڒَا ڒخْذَايم يمُّوْث.

1 بطرس 1:11

تُوْغَا رزُّوْن خَاس بَاش اَذ سّْنن مڒْمِي د غَا يمظْهَار وسنْجم-أَ ذ ظُّرُوْف نّس. رزُّوْن اَذ سّْنن مِينْخف يسَّاوَاڒ أَرُّوْح ن لْمَسِيح إِي يدْجَان ذَايْسن وَامِي أَرُّوْح-أَ يعْڒم-اَسن زِي قْبڒ مشْحَاڒ إِي غَا يتْوَاعدّب لْمَسِيح، سّنِّي مشْحَاڒ إِي غَا يتْوَاسمْغَار منْبَعْد.

ثبرات زي يهوذا 1:12

يثَرَّاسن-أَ يِيْنَا تْوسَّاخن يمنْسِيون نْوم ن ثمْعَاشَرْث. تتّن اَكِذْوم بْڒَا مَا ٱذ سذْحَان، نِثْنِي ݣِّين اَم شَا ن يمكْسَاون إِي عتّْقن يخف نْسن وَاهَا. نِثْنِي ذ يسيْنُوْثن بْڒَا يَانْࢲَار غِير يتَاوِي-ثن اَرِّيح يتَارَّا-ثن. نِثْنِي ݣِّين اَم ثْشجُّوْرَا ذِي ڒخْڒِيف وَار يتَارْون شَا، تْنقْڒَاعنْت-يد زݣ يࢲوْرَان نْسنْت؛ يعْنِي يبْرِيذن نْسنْت مُّوْثن س ثْنَاين.

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."

لواحي ن يوحنا 1:16

ذݣ وفُوْس نّس اَفُوْسِي غَارس سبْعَا ن يِيثْرَان. أَقمُّوْم نّس يتفّغ-د زَّايس يجّن ن سِّيف يقْضع خ ثْنَاين ن جِّهَاث، أَغمْبُوْب نّس يݣَّا اَم نُّوْر ن ثْفُوْشْت إِي يتْشعْشِعن اَطَّاس.

لواحي ن يوحنا 1:20

مِين يعْنَا ڒْمَعْنَا ينُوْفّرن ن سبْعَا ن يِيثْرَان نِّي إِي ثࢲْرِيذ ذݣ وفُوْس ينُو اَفُوْسِي ذ سبْعَا نِّي ن ڒقْنَاذڒ؟ سبْعَا نِّي ن يِيثْرَان، يعْنِي نِثْنِي ذ سبْعَا ن لْمَلَائِكَاث ن ثْجُمَاع ن ڒْمُوْمِنِين. سبْعَا نِّي ن ڒقْنَاذڒ، يعْنِي نِثْنِي ذ سبْعَا ن ثْجُمَاع ن ڒْمُوْمِنِين."

لواحي ن يوحنا 1:4

زِي يُوْحَنَّا غَار سبْعَا ن ثْجُمَاع ن ڒْمُوْمِنِين ذِي لْإِقْلِيم ن آسْيَا. أَكِذْوم يِيڒِي اَرْضَا ذ ڒهْنَا زݣ ونِّي إِݣ يدْجَان، تُوْغَا يدْجَا، عَاذ اَذ د يَاس. أَكِذْوم يِيڒِي اَرْضَا زِي سبْعَا ن اَرُّوْحَاث إِݣ يدْجَان زَّاث إِ لْعَرْش نّس.

لواحي ن يوحنا 2:13

نش سّْنغ مَانِي ثْزدّْغذ، ذِنِّي لْعَرْش ن شِّيطَان. شك تطّْفذ ذݣ يِيسم ينُو. وَار ثنْكَرذ شَا لْإِيْمَان إِي زَّايِي ثݣِّيذ، وَاخَّا ذݣ وُوْسَّان نِّي إِي ذِي نْغِين يجّن ن شَّهِيذ ينُو ذَايس ڒَامَان قَّارن-اَس أَنْتِپَـاس. نْغِين-ث زَّاثْوم مَانِي يزدّغ شِّيطَان.

لواحي ن يوحنا 2:19

نش سّْنغ ڒخْذَايم نّش ذ ڒمْحِبّث نّش ذ لإِيْمَان نّش ذ صّْبَار نّش قَا سّْنغ ڒخْذَايم نّش ثِنݣُّوْرَا كْتَار زِي ثِنِّي ثِمزْوُوْرَا.

لواحي ن يوحنا 2:2

نش سّْنغ ڒخْذَايم نّش ذ تَمَارَا نّش ذ صّْبَار نّش. سّْنغ وَار ثْقبّْڒذ شَا يِنِّي يدْجَان ذ يعفَّانن، ثْجَرّْبذ يِنِّي يقَّارن قَا نشِّين ذ اَرُّسُل ثُوْفِيذ-ثن سْخرِّيقن وَاهَا.

لواحي ن يوحنا 2:9

نش سّْنغ ڒمْحَاين نّش، شك ذ ڒْمسْكِين، وَلَكِن لَّا شك ذ تَّاجَر! سّْنغ ڒْبَاطڒ إِي خَاوم قَّارن يِنِّي يحسّْبن يخف نْسن زِي أَيث-إِسْرَائِيل. لَّا، نِثْنِي وَار دْجِين شَا زِي جْمَاعث ن أَيث-إِسْرَائِيل؛ نِثْنِي غِير ذ يجّن ن جْمَاعث إِݣ يعبّْذن شِّيطَان.

لواحي ن يوحنا 3:15

نش سّْنغ ڒخْذَايم نّش، شك وَار ثسْمِيضذ وَار ثحْمِيذ. تْمنِّيغ شك اَذ تْسمْضذ نِغ اَذ تحْمِيذ!

لواحي ن يوحنا 3:2

إِڒِي عْلَابَال، اݣّ جّْهذ نّش ذِي ڒخْذَايم نّش إِي ذَاش يقِّيمن قْبڒ مَا ٱذ مّْثنْت قَاع. نش ؤُفِيغ ڒخْذَايم نّش وَار كمّْڒنْت شَا زَّاث إِ أَربِّـي ينُو.

لواحي ن يوحنا 3:8

نش سّْنغ ڒخْذَايم نّش. أَقَا ݣِّيغ زَّاثش يجّن ن ثوَّارْث ثْنُوْرْزم وَار يزمَّر حَدّ اَت يبلّع. وَاخَّا جّْهذ نّش ذ ؤُقْلِيل، ثݣِّيذ اَرَّاي إِ وَاوَاڒ ينُو وَار ثنْكَرذ شَا يسم ينُو.

لواحي ن يوحنا 4:5

ئِتفّغ-د زِي لْعَرْش وَاسَّام ذ يغُوْيَان ذ وَاجَّاج. زَّاث إِ لْعَرْش ذِنِّي سبْعَا ن يصْفضَاون ن ثْمسِّي شعّْڒن، يِيْنَا نِثْنِي ذ سبْعَا ن اَرُّوْحَاث ن أَربِّـي.

لواحي ن يوحنا 5:6

ثُمَّا طَّارْف إِ لْعَرْش-أَ، ذِي ڒْوسْط ن اَرْبعَا ن لْمخْلُوْقَاث نِّي ذ يمْغَارن نِّي، ࢲْرِيغ ذِنِّي يجّن ن يزْمَار يبدّ وَلَكِن يتْبَان-د اَخْمِي ث نْغِين. غَارس سبْعَا ن وَاشَّاون ذ سبْعَا ن ثِيطَّاوِين. نِثْنِي ذ سبْعَا ن اَرُّوْحَاث ن أَربِّـي إِݣ يسّكّ غَار مَارَّا دُّنشْت-أَ.