لواحي ن يوحنا 22:2 - ثريفيث 2020

² يتَازّڒ ذِي ڒْوسْط ن شَّارِع ن ثنْدِينْت. خ ثْنَاين ن يغزْذِيسن ن يِغْزَار-أَ ذِنِّي ثْشجَّارْث ن ثُوْذَارْث. تَارو ثنْعَاش ن ثْوَاڒَاثِين كُڒ شْهَار يجّن ن ثْوَاڒَا، أَفَر نّس ئِسْݣنْفَا ڒݣْنُوْس.

لواحي ن يوحنا 22:2 Σταυροειδείς Αναφορές

لوقا 4:18

<أَقَا أَرُّوْح ن سِيذِي أَربِّـي اَقَاث خَافِي، ئِخْضَر-اَيِي حمَا اَذ بشَّرغ ڒْمُسَاكِين. ئِسّكّ-اَيِي-د اَذ خْبَرغ لْحُرِّيَا إِ يمحْبَاس، يِنِّي يتْوَاضَرْغْڒن اَثن اَرّغ تْوَاڒَان، يِنِّي يتْوَاضڒْمن اَذَاسن د رْخُوْغ.

1 بطرس 2:24

نتَّا س يِيخف نّس ييْسِي ڒْمُعْصِيَاث نّغ ذِي دَّات نّس خ ثحْنَاشْت نِّي حمَا أَ نمّث نشِّين س وُوْڒَاون نّغ إِ ڒْمُعْصِيَاث، أَ ندَّر إِ مِين يدْجَان نِيْشَان. أَقَا س وجَرِّيح نّس إِي زِي ثْݣنْفَام كنِّيو.

لواحي ن يوحنا 2:7

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن اَذَاس ؤُشغ اَذ يشّ زِي ثْشجَّارْث ن ثُوْذَارث إِي يدْجَان ذِي جّنّث ن أَربِّـي.

لواحي ن يوحنا 21:21

ثنْعَاش نِّي ن ثوُّوْرَا نِثنْتِي ذ ثنْعَاش ن جُّوْهَرَاث، كُڒ ثَوَّارْث نتَّاث ذ جُّوْهَر. شَّارِع ن ثنْدِينْت نتَّا ذ دّْهب يصْفَان اَمشْنَاو جَّاج يصْفَان.

لواحي ن يوحنا 21:24

أَذ ؤُيُوْرن ڒݣْنُوْس ذِي ثْفَاوْث نّس، قَا يزدْجِيذن ن ثْمُوْرْث اَذ سِيذْفن لْهِمَّا نْسن ذِي ثنْدِينْت-أَ.

لواحي ن يوحنا 22:1

ئِسْمظْهَار-اَيي-د لْمَلَاك نِّي يغْزَار ن وَامَان ن ثُوْذَارْث صْفَان اَم جَّاج، ئِتفّغ-د زِي لْعَرْش ن أَربِّـي ذ يِزْمَار

لواحي ن يوحنا 22:14

سَّعْذ ن يِنِّي يتْصبَّانن يتْشَامِّيرن نْسن، حمَا اَغَارْسن يِيڒِي ڒْحَقّ ذِي ثْشجَّارْث ن ثُوْذَارْث اَذ اَذْفن ثَنْدِينْت زِي ثوُّوْرَا نّس.

لواحي ن يوحنا 22:19

ونِّي غَا يكّْسن زݣ وَاوَاڒن-أَ ن لْوَاحِي ذِي لْكِتَاب-أَ، أَتَاف أَربِّـي اَس يكّْس ڒْحَقّ نّس زِي ثْمسْڒَايِين إِݣ يُوْرِين ذِي لْكِتَاب-أَ، يعْنِي ڒْحَقّ نّس ن ثْشجَّارْث ن ثُوْذَارْث ذ ڒْحَقّ نّس ن ثنْدِينْت يقدّْسن.