لواحي ن يوحنا 21:8 - ثريفيث 2020

⁸ وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 21:8 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 10:28

وَار تݣّوْذث شَا زݣ يِنِّي ينقّن دَّات وَار زمَّرن اَذ نْغن ؤُڒَا ذ ڒَعْمَر؛ لَّا، ݣّْوْذث زِي أَربِّـي يعْنِي ونِّي يزمَّرن اَذ يدمَّر دَّات ذ ڒَعْمَر ذِي جَهنَّمَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:25

ݣّْوْذغ زَّايك، رُوْحغ سْنُوْفَّرغ تْمنْيَاث نّش ذِي ثْمُوْرْث، أُو اَقَاش تْمنْيَاث نّش.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:26

ينَّا-ٱسن عِيْسَى: "مَايمِّي تݣّْوْذم قَاع اَمُّو؟ لْإِيمَان نْوم ذ ؤُقْلِيل." ڒخْدّنِّي يكَّر يسْبدّ اَرِّيح ذ ڒمْوَاج، يَرْسَا ڒْحَاڒ.

مرقس 9:44

{قَا ذِنِّي يكشَّاون وَار تْمتِّين شَا، ثِمسِّي وَار ثْخسِّي شَا.}

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

2 أيث-سلونيك 2:9

لْمسْخُوْط-أَ وَانِيتَا اَذ د يمظْهَار ذِي دُّنشْت-أَ عْلَاحْسَاب ڒخْذَايم ن شِّيطَان س مَارَّا ثِزمَّار ذ لْبُرْهَانَاث ذ ڒَعْجَايب يسْخَرِّيقن

1 تيموتاوس 4:2

أَذ يِيڒِي مَانَايَا س نِّفَق ن يرْيَازن يسْخَرِّيقن، ضَّمِيڒ نْسن صَافِي يحَرق مَامش إِي ث يحَرق يجّن ن وَارْشم ن وُوْزّڒ يسّشْمَاضن.

ثبرات غار تيتوس 1:16

قَّارن قَا نسّن أَربِّـي وَلَكِن نكَّرن-ث س ڒفْعَايڒ نْسن. نِثْنِي تْوَاعِيفّن، وَار تْطِيعِين شَا، وَار نفّْعن شَا ؤُڒَا ذݣ يِجّن ن ڒْخذْمث ذ ثَصبْحَانْت.

يعيبرانيين 12:24

ثْقَارّْبم-د غَار عِيْسَى ونِّي يتْشَفَاعن ذَايْنغ س يِجّن ن ڒْعَهذ ذ جْذِيذ. ثْقَارّْبم-د كنِّيو غَار يذَامّن نّس يتْوَارُوْشّن إِي قَّارن يجّن ن وَاوَاڒ حْسن زݣ ونِّي ن نَّبِي هَابِيل.

يعيبرانيين 13:4

وقَّارث ڒمْڒَاش مَارَّا. قَامَا ن ڒمْڒَاش اَذ تِيڒِي س نِّيّث بْڒَا ڒْغدْڒَان. أَقَا أَربِّـي اَذ يعَاقب يِنِّي يفسّْذن ذ يِنِّي يزنَّان.

1 يوحنا 2:22

مِين يعْنَا ونِّي إِي يسْخَرِّيقن إِلَّا ونِّي ينكَّرن بلِّي عِيْسَى ذ لْمَسِيح؟ نتَّا ذ دّجَّال يعْنِي ونِّي إِي ينكَّرن بَابَاثْنغ ذ مِّيس.

1 يوحنا 3:15

مَارَّا ونِّي إِݣ يتْعِيفَّان ؤُمَاس اَم ونِّي إِݣ ينقّن بْنَاذم. أَقَا كنِّيو ثسّْنم ونِّي إِݣ ينقّن بْنَاذم وَار ذَايس تِيڒِي شَا ثُوْذَارْث ن ڒبْدَا.

1 يوحنا 5:10

ونِّي غَا يَامْنن زِي مِّيس ن أَربِّـي اَتَاف اَغَارس ثِيڒِي شْهَاذث-أَ ذݣ وُوْڒ نّس. ونِّي وَار يُوْمِينن شَا زِي شْهَاذث-أَ ن أَربِّـي اَتَاف اَث يَارّ ذ بُو-يخَرِّيقن وَاهَا ڒَاحقَّاش نتَّا وَار يُوْمِين شَا زِي شْهَاذث-أَ إِݣ يشْهذ عْلَاحْسَاب مِّيس.

لواحي ن يوحنا 14:10

أَتَاف اَذ يسو زݣ وَامَان ؤُضِيڒ يقسْحن إِݣ يدْجَان ذ اَغْضَب ن أَربِّـي يعْنِي ذ ڒْكَاس ن لْعِقَاب نّس. أَذ يعدّب س ثْمسِّي ذ ڒكْبْرِيْيث زَّاث إِ لْمَلَائِكَاث يصْفَان ذ يِزْمَار.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 2:11

صنّط مْلِيح آ ونِّي يتْسْڒَان مِين يقَّار اَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، وَار ث تْضَرِّي شَا ڒْموْث نِّي وِيس ثْنَاين.

لواحي ن يوحنا 2:2

نش سّْنغ ڒخْذَايم نّش ذ تَمَارَا نّش ذ صّْبَار نّش. سّْنغ وَار ثْقبّْڒذ شَا يِنِّي يدْجَان ذ يعفَّانن، ثْجَرّْبذ يِنِّي يقَّارن قَا نشِّين ذ اَرُّسُل ثُوْفِيذ-ثن سْخرِّيقن وَاهَا.

لواحي ن يوحنا 21:27

وَار ذِنِّي تَاذف ؤُڒَا ذ يجّن ن ثْمسْڒَايْث ثْوسّخ نِغ ذ يكْرُوْشَارن نِغ ذ يِنِّي يقَّارن يخرِّيقن. أَذ اَذْفن ذِنِّي غِير يِنِّي غَار دْجَان يسمَاون نْسن زمّْمن ذِي لْكِتَاب ن ثُوْذَارْث ن يِزْمَار.

لواحي ن يوحنا 22:15

غَار بَارَّا ن ثنْدِينْت دْجَان ذِنِّي يقْزِينن ذ يسحَّارن ذ يِنِّي يفسّْذن ذ يِنِّي ينقّن يوْذَان ذ ينِّي يعبّْذن لْأَصْنَام ذ مَارَّا يِنِّي يسْخرِّيقن إِي تْحِبَّان يخَرِّيقن.

لواحي ن يوحنا 9:17

ࢲْرِيغ ذي لْوَحِي-يَا ينُو ييْسَان ذ يِنِّي خَاسن ينْيِين، غَارْسن ثِيجِيلِيثِين ن ڒحْذِيذ ذ ثِزݣّْوَاغِين اَم ثْمسِّي، ذ ثِزيْزَاوِين اَم لْيَقُوْت، ذ ثِوْرَاغِين اَم ڒكْبْرِيْيث. ئِزدْجِيفن ن يِيْسَان-أَ اَم وزدْجِيف ن سّْبَاع، تفّغ-د زݣ وقمُّوْم نْسن ثْمسِّي ذ دّخَّان ذ ڒكْبْرِيْيث.

لواحي ن يوحنا 9:21

وَار تُوْبن شَا وَامِي نْغِين يوْذَان نِغ وَامِي ݣِّين سّْحُوْر ذ لْفَسَاد ذ ثُوْكَّارْدَا.