لواحي ن يوحنا 20:2 - ثريفيث 2020

² ئِطّف ونِّي يݣِّين اَم دَّيْنَاصُوْر نتَّا ذ فِيغر نِّي ن زْمَان يعْنِي إِبْڒِيس نِغ ذ شِّيطَان، ئِقّن-يث يحْبس-يث اَڒَاف ن يسݣّْوُوْسَا.

لواحي ن يوحنا 20:2 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 19:29

أُو مَارَّا يِنِّي يسمّْحن ذِي ثُوْذْرِين نْسن نِغ ذِي أَيثْمَاس نِغ ذِي سُوْيْثْمَاس نِغ ذِي بَابَاس ذ يمَّاس نِغ ذِي ثَارْوَا نْسن نِغ ذݣ يمَرْجعِيون نْسن خ سَّبَاب ينُو نش، أَتَاف اَغَارْسن ثِيڒِي مِيَّا ن ثْسقَّار كْتَار، أَذ وَرْثن ثُوْذَارْث ن ڒبْدَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:29

عيّضن نَّان-اَس: "مِين ثخْسذ زَّايْنغ آ مِّيس ن أَربِّـي؟ مَا ثُوْسِيذ-د اَذَانغ ثْعدّْبذ قْبڒ إِ ڒْوقْث؟"

مرقس 4:15

زَّرِّيعث نِّي إِݣ يوْضَان خ وبْرِيذ نتَّاث اَم يِوْذَان إِي تسْڒَان إِ وَاوَاڒ ن أَربِّـي. ئِتْرَاح شِّيطَان ذغْيَا يتكّس اَوَاڒ نِّي يتْوَازرْعن ذَايْسن ذݣ وُوْڒ.

مرقس 5:7

ئِنْدق-د س يِجّن ن ثْمِيجَّا ثجْهذ ينَّا-ٱس: "آ عِيْسَى آ مِّيس ن أَربِّـي يُوْعْڒَان، مِين ثخْسذ زَّايِي؟ تتَّارغ زَّايك إِ أَربِّـي حمَا وَار ذَايِي تْعدِّيبذ شَا!"

يوحنا 12:31

ڒخُّو اَذ تْوَاعَاقب دُّنشْت-أَ. ڒخُّو لْمُفْسِيد نِّي اَمقّْرَان ن دُّنشْت-أَ اَخَاس اَزّْڒن.

يوحنا 16:11

أُو غَلْطن خ لْحِسَاب مِينْزِي لْمُفْسِيد نِّي اَمقّْرَان ن دُّنشْت-أَ يتْوَاحْكم.

أيث-روما 16:20

أَربِّـي ن ڒهْنَا نتَّا عْڒَاين اَذ يڒْبࢲ شِّيطَان سْوَادَّاي إِ يضَارن نْوم. أَكِذْوم يِيڒِي اَرْضَا ن سِيذِيثْنغ عِيْسَى لْمَسِيح.

يعيبرانيين 2:14

إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.

1 بطرس 5:8

أَرّم-د ڒْبَاڒ نْوم، إِڒِيث عْلَابَال. ڒَعْذُو نْوم إِبْڒِيس قَا يتْقيَّاذ-كنِّيو اَم سّْبَاع يتْهِيرِّيو يرزُّو خ ونِّي إِي غَا يسغْڒِي.

2 بطرس 2:4

إِيوَا شُوْف، قَا أَربِّـي وَار يحِنّ شَا خ لْمَلَائِكَاث وَامِي ث عْصَانْت، ئِرُوْح يقنّ-يثنْت س سْنَاسڒ ينْضَر-يثنْت ذݣ يِجّن ن ثَادْجسْت ذ ثَبرْشَانْت ذِي لْأَخِيرَا مَانِي غَا رَاجَانْت يُوْم لْحِسَاب ذ لْعِقَاب.

ثبرات زي يهوذا 1:6

أَمُّو عَاوذ يوقْعن إِ لْمَالَائِكَاث نِّي إِي يُوْݣِين اَذ قِّيمنْت ذِي لْمَرْطَابَا نْسنْت ن سُّلْطَا سمْحنْت عَاوذ ذِي ثْزدِّيغْث نْسنْت. مِين ذَاسنْت يݣَّا؟ ئِقّن-يثنْت س سْنَاسڒ نِّي وَار يفنِّين شَا عمَّارْص، ئِبلّع خَاسنْت ذݣ يِجّن ن ثَادْجسْت ذ ثَبرْشَانْت اَڒ لْعِقَاب ن نْهَار نِّي اَمقّْرَان.

لواحي ن يوحنا 12:13

وَامِي بُو-سبْعَا يزدْجِيفن يُوْفَا يخف نّس يمنْضَار-د غَار ثْمُوْرْث، ئِكَّر يُوْزّڒ خ ثمْغَارْث نِّي إِي د يجِّين اَوْثم.

لواحي ن يوحنا 12:15

ئِسُوْفغ-د وفِيغر زݣ ؤُقمُّوْم نّس اَمَان اَمشْنَاو يغْزَار تَازّْڒن خ ثمْغَارْث حمَا اَت اَوِين وَامَان نِّي.

لواحي ن يوحنا 12:17

ئِغْضب بُو-سبْعَا-يزدْجِيفن خ ثمْغَارْث نِّي يرُوْح اَذ يحَارب س مِين يقِّيمن زِي دُّوْرِّيث نّس، يعْنِي يِنِّي يتݣّن اَرَّاي س ڒُوْصِيَاث ن أَربِّـي تطّْفن خ مِينْخف يشْهذ عِيْسَى.

لواحي ن يوحنا 12:3

ثْمظْهَار-د ذݣ وجنَّا يجّن ن لْعَلَامَا نّغْنِي ثݣَّا اَم دَّيْنَاصُوْر ذ اَمقّْرَان ذ اَزݣّْوَاغ غَارس سبْعَا ن يزدْجِيفن ذ عشْرَا ن وَاشَّاون، ذ سبْعَا ن تَّاجَاث خ يزدْجِيفن نّس.

لواحي ن يوحنا 12:4

ئِجَرّ س وعنَّاب نّس تُلُث ن يِيثْرَان وجنَّا، ئِنْضَر-يثن غَار ثْمُوْرْث. ئِبدّ بُو-سبْعَا-يَا-يزدْجِيفن زَّاث إِ ثمْغَارْث نِّي أُو نتَّاث تَارو حمَا خْمِي ث غَا ثَارو اَذَاس يشّ مِّيس.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 13:2

ڒْوَحْش-أَ إِي ࢲْرِيغ يتَشَابَّاه ذݣ وغيِڒَاس، ئِضَارن نّس ݣِّين اَم يضَارن ن دُّب، أَقمُّوْم نّس يݣَّا اَم ؤُقمُّوْم ن سّْبَع. ونِّي يدْجَان اَم دَّيْنَاصُوْر يُوْشَا-اَس إِ ڒْوَحْش-أَ جّْهذ نّس ذ لْعَرْش نّس ذ يِجّن ن سُّلْطا ثمْغَار.

لواحي ن يوحنا 13:4

سجّْذن-اَس يِوْذَان إِ ونِّي يݣِّين اَم دَّيْنَاصُوْر ڒَاحقَّاش يُوْشَا-اَس إِ ڒْوَحْش-أَ سُّلْطَا نّس. عَاوذ سجّْذن-اَس إِ ڒْوَحْش-أَ نَّان: "ؤُو غَا يِيڒِين اَم ڒْوَحْش-أَ؟ ؤُݣ يزمَّرن اَث يحَرب؟"

لواحي ن يوحنا 20:10

إِبْڒِيس نِّي إِي ثن يخذْعن ئِمنْضَار-د ذِي ڒبْحَر نِّي ن ثْمسِّي ذ ڒكْبْرِيْيث مَانِي يدْجَا ڒْوَحْش نِّي ذ ونِّي يتَارَّان يخف نّس ذ نَّبِي. أَذ تْوَاعدّْبن ذِنِّي نْهَار ذ دْجِيڒث إِ ڒبْدَا ن ڒبْدَاث.

لواحي ن يوحنا 20:7

خْمِي غَا كمّْڒن اَڒَاف ن يسݣّْوُوْسَا نِّي، أَذ د يتْوَاضْڒق شِّيطَان زِي ڒحْبس نّس.

لواحي ن يوحنا 9:11

أَزدْجِيذ نْسنْت نتَّا ذ لْمَلَاك ن ڒَادْجغ بْڒَا ڒَاحدّ، س لْعِبْرِيَا قَّارن-اَس أَبَدُّوْن، س ثْيُوْنَانِيث قَّارن-اَس أَبُوْلْيُوْن.