لواحي ن يوحنا 20:14 - ثريفيث 2020

¹⁴ ثْمنْضَار-د ڒْموْث ذ لْأَخِرَا ذِي ڒبْحَر ن ثْمسِّي. قَا ڒبْحَر نِّي ن ثْمسِّي نتَّا إِݣ يدْجَان ذ ڒْموْث وِيس ثْنَاين.

لواحي ن يوحنا 20:14 Σταυροειδείς Αναφορές

1 أيث-كورينث 15:26

ڒَعْذُو اَنݣَّارُو إِي غَا يبطَّڒ نتَّاث ذ ڒْموْث.

1 أيث-كورينث 15:53

شُوْف، مِين يفنَّان يتْخصَّا اَذ يغْمس س مِين وَار يفنِّين، ذ مِين يتْمتَّان يتْخصَّا اَذ يغْمس س مِين وَار يتْمتِّين.

لواحي ن يوحنا 1:18

نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.

لواحي ن يوحنا 14:10

أَتَاف اَذ يسو زݣ وَامَان ؤُضِيڒ يقسْحن إِݣ يدْجَان ذ اَغْضَب ن أَربِّـي يعْنِي ذ ڒْكَاس ن لْعِقَاب نّس. أَذ يعدّب س ثْمسِّي ذ ڒكْبْرِيْيث زَّاث إِ لْمَلَائِكَاث يصْفَان ذ يِزْمَار.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 2:11

صنّط مْلِيح آ ونِّي يتْسْڒَان مِين يقَّار اَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، وَار ث تْضَرِّي شَا ڒْموْث نِّي وِيس ثْنَاين.

لواحي ن يوحنا 20:10

إِبْڒِيس نِّي إِي ثن يخذْعن ئِمنْضَار-د ذِي ڒبْحَر نِّي ن ثْمسِّي ذ ڒكْبْرِيْيث مَانِي يدْجَا ڒْوَحْش نِّي ذ ونِّي يتَارَّان يخف نّس ذ نَّبِي. أَذ تْوَاعدّْبن ذِنِّي نْهَار ذ دْجِيڒث إِ ڒبْدَا ن ڒبْدَاث.

لواحي ن يوحنا 20:13

ڒبْحَر يسلّم يمتِّينن إِݣ يشَّا. ڒْموْث ذ لْأَخِرَا سلّْمنْت يمتِّينن نْسنْت. أُوْشَا كُڒ يجّن اَذ يتْوَاحَاسب عْلَاحْسَاب ڒخْذَايم نّس.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.

لواحي ن يوحنا 20:6

يِنِّي د غَا يكَّرن ذِي لْقِيَامَا ثَمزْوَارُوت سَّعْذ نْسن، أَقَاثن صْفَان. ڒْموْث وِيس ثْنَاين وَار غَارس تِيڒِي شَا سُّلْطَا خَاسن. اَذ يڒِين ذ ڒْفُقَهَا ن أَربِّـي ذ لْمَسِيح، أَكِذس حكْمن اَڒَاف ن يسݣّْوُوْسَا.

لواحي ن يوحنا 21:4

أَذ يمْسح كُڒ اَمطَّاو زِي ثِيطَّاوِين نْسن. وَار تْغِيمِي شَا عَاذ ڒْموْث نِغ ذ لْحُزن نِغ ذ يمطَّاون نِغ ذ ڒحْرِيق. أَقَا ثِمسْڒَايِين نِّي ثِمزْوُوْرَا صَافِي تْوَاكّْسنْت."

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 6:8

وَامِي خْزَرغ، تْوَاڒِيغ يجّن ن ؤُيِيْس ذ اَوْرَاغ، ونِّي خَاس ينْيِين سمَّان-ث ڒْموْث، ثذْفَار-يث لْأَخِرَا. ثمُّوْش-اَسن سُّلْطَا اَذ نْغن اَرْبَع ن يمزْذَاغ ن ثْمُوْرْث س سِّيف ذ جُّوْع ذ طَّاعُوْن ذ ڒُحُوُش ن ثْمُوْرْث.