لواحي ن يوحنا 20:1 - ثريفيث 2020

¹ ࢲْرِيغ يجّن ن لْمَلَاك يهْوَا-د زݣ وجنَّا غَارس ذݣ وفُوْس نّس ڒْمفْتَاح ن ڒَادْجغ بْڒَا ڒَاحدّ ذ يِجّن ن سّنْسْڒث ذ ثَمقّْرَانْت.

لواحي ن يوحنا 20:1 Σταυροειδείς Αναφορές

لوقا 8:31

حشّْمن-ث اَطَّاس جْنُوْن نِّي حمَا وَار ثن يتْسكِّي شَا غَار وَانُو بْڒَا ڒَحدّ.

2 بطرس 2:4

إِيوَا شُوْف، قَا أَربِّـي وَار يحِنّ شَا خ لْمَلَائِكَاث وَامِي ث عْصَانْت، ئِرُوْح يقنّ-يثنْت س سْنَاسڒ ينْضَر-يثنْت ذݣ يِجّن ن ثَادْجسْت ذ ثَبرْشَانْت ذِي لْأَخِيرَا مَانِي غَا رَاجَانْت يُوْم لْحِسَاب ذ لْعِقَاب.

ثبرات زي يهوذا 1:6

أَمُّو عَاوذ يوقْعن إِ لْمَالَائِكَاث نِّي إِي يُوْݣِين اَذ قِّيمنْت ذِي لْمَرْطَابَا نْسنْت ن سُّلْطَا سمْحنْت عَاوذ ذِي ثْزدِّيغْث نْسنْت. مِين ذَاسنْت يݣَّا؟ ئِقّن-يثنْت س سْنَاسڒ نِّي وَار يفنِّين شَا عمَّارْص، ئِبلّع خَاسنْت ذݣ يِجّن ن ثَادْجسْت ذ ثَبرْشَانْت اَڒ لْعِقَاب ن نْهَار نِّي اَمقّْرَان.

لواحي ن يوحنا 1:18

نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.

لواحي ن يوحنا 10:1

ࢲْرِيغ يجّن ن لْمَلَاك نّغْنِي يجهْذ يهْوَا-د زݣ وجنَّا، ئِنّض-اَس-د وسيْنُو. خ وزدْجِيف نّس يجّن ن ثسْڒِيث ن ونْࢲَار، أَغمْبُوْب نّس يݣَّا اَم ثْفُوْشْت، ئِضَارن نّس ݣِّين اَم يـپِــيلَارن ن ثْمسِّي.

لواحي ن يوحنا 18:1

منْبَعْد إِ مَانَايَا ࢲْرِيغ يجّن ن لْمَلَاك نّغْنِي يهْوَا-د زݣ وجنَّا غَارس سُّلْطَا ذ ثَمقّْرَانْت. ثْشعْشع ثْمُوْرْث س نُّوْر ن لْعَظَمَا ن لْمَلَاك نِّي.

لواحي ن يوحنا 20:3

ئِنْضَر-يث ذِي ڒَادْجغ بْڒَا ڒَاحدّ، ئِبلّع خَاس ثَوَّارْث يشمّع-يت بَاش سّنِّي اَڒ ثْسَاونْت وَار يخدّع شَا ڒݣْنُوْس اَڒ غَا كمّْڒن اَڒَاف ن يسݣّْوُوْسَا نِّي. منْبَعْد إِ مَانَاينِّي لَابُد اَذ يتْوَاضْڒق شْوَايْت ن ڒْوقْث.