لواحي ن يوحنا 19:10 - ثريفيث 2020

¹⁰ وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."

لواحي ن يوحنا 19:10 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 4:10

ئِنْدق-د عِيْسَى ينَّا-ٱس: "رُوْح، بعّذ-اَيِي آ شِّيطَان. أَقَا لْكِتَاب يقَّار: <سجّذ إِ سِيذِي أَربِّـي نّش، عْبذ-يث نتَّا وَاحْذس.>"

مرقس 5:22

يُوْسَا-د غَارس يجّن زِي اَرُّوْيَاس ن ثمْزِيذَا ن أَيث-إِسْرَائِيل قَّارن-اَس يَاݣْرُس. وَامِي يࢲْرَا عِيْسَى يوْضَا-يَاس غَار يضَارن نّس

مرقس 7:25

ذِنِّي يجّن ن ثمْغَارث يدْجِيس ذَايس جّنّ ذ اَعفَّان. وَامِي د ثَارَّا ڒخْبَار ذغْيَا ثُوْسَا-د غَار عِيْسَى ثوْضَا-يَاس غَار يضَارن نّس.

لوقا 1:19

ئِنْدق-د لْمَلَاك نِّي ينَّا-ٱس: "قَا نش ذ جِبْرِيل ذ ونِّي يتْبدَّان زَّاث إِ أَربِّـي، ئِسّكّ-اَيِي-د أَربِّـي غَارش بَاش اَكِش سِّيوْڒغ اَذَاش ينِيغ ڒخْبَار-أَ يسْفَرَّاحن.

لوقا 24:44

ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

يوحنا 5:39

ثْرزُّوم ذِي لْكُتُب كنِّيو تْغِير-اَوم ذَايْسن ثُوْذَارْث ن ڒبْدَا. إِيوَا ؤُڒَا ذ يِيْنَا شهّْذن خَافِي.

ڒخذايم 10:43

مَارَّا لْأَنْبِيَا شهّْذن خَاس نَّان قَا مَارَّا يِنِّي زَّايس غَا يَامْنن اَذ تْوَاغْفَرنْت ڒْمُعْصِيَاث نْسن س يِيسم نّس."

ڒخذايم 13:27

قَا يمزْذَاغ ن لْقُدْس ذ اَرُّوْيَاس نْسن وَار عْقِيڒن شَا عِيْسَى-يَا، وَار فْهِيمن شَا اَوَاڒن ن لْأَنْبِيَا ذِي لْكُتُب إِي قَّارن ذِي ثمْزِيذَاوِين زِي سّبْث غَار سّبْث. وَامِي حكْمن خ عِيْسَى س ڒْموْث فّْغن-د وَاوَاڒن نِّي إِي نَّان لْأَنْبِيَا.

22 أيث-كورينث 8:7

كنِّيو تݣّم زْيَادَا ذِي مَارَّا ثِمسْڒَايِين، يعْنِي ذِي لْإِيمَان نْوم ذ لْخُطْبَا نْوم ذ ثُوْسْنَا نْوم ذ مَامّش إِي تْحَوَاڒم س وُوْڒَاون نْوم أُو ذ ڒمْحِبّث نْوم إِ نشِّين. أَمُّو إِي غَا ثݣّم مْلِيح اَطَّاس ذِي ڒْخِير ن صَّذَاقَا-يَا عَاوذ.

أيث-ؤفسوس 5:15

إِذن فَا، رَجْعَاث يخف نْوم خْزَرث مَامّش إِي غَا ثْعِيشم. مَاشِي اَذ تْعِيشم اَم يِنِّي إِي ذِي ثدْجَا ڒقْفَاڒث؛ لَّا، عِيشم اَم يِنِّي إِي ذِي ثدْجَا ڒفْهَامث.

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

أيث-فيليـپـي 3:3

شُوْف، ذ نشِّين إِݣ يدْجَان ذ طَّهَارث نِّي ن صَّح. يعْنِي نْعبّذ س أَرُّوْح ن أَربِّـي، غِير نْتفْتَخَر س عِيْسَى لْمَسِيح، وَار نتْرِيجِي شَا اَڒ لْحَسَانَات نّغ.

1 أيث-سلونيك 5:15

أَرّم-د ڒْبَاڒ نْوم، ئِتْخصَّا ؤُڒَا ذ يجّن وَار يتْخدْجِيس شَّرّْ س شَّرّْ نّغْنِي؛ لَّا، ڒبْدَا رزُّوْث مِين يدْجَان ذ اَصبْحَان جَارَاوم ذ جَار يِوْذَان مَارَّا.

يعيبرانيين 1:14

لْمَلَائِكَاث، نِثنْتِي مِين عْنَانْت؟ نِثنْتِي ذ اَرُّوْحَاث تْوَاسّكّنْت-يد اَذ سخَّارنْت إِ يِنِّي إِي غَا يوَارْثن اَسنْجم.

يعيبرانيين 12:25

أَرّم-د ڒْبَاڒ نْوم وَار تْجِيهِيڒم شَا اَوَاڒ ن ونِّي يسَّاوَاڒن، مَايمِّي؟ لِأَنَّا أَيث-إِسْرَائِيل وَار فڒْثن شَا وَامِي جهْڒن اَوَاڒ ن ونِّي تُوْغَا ثن يوصَّان ذِي ثْمُوْرْث. أُو نشِّين عَاذ كْتَار، مڒَا نُوْݣِي أَ نْطَاع إِ ونِّي ذَانغ يوصَّان زݣ وجنَّا اَتَاف عمَّارْص أَ نفْڒث.

1 يوحنا 5:10

ونِّي غَا يَامْنن زِي مِّيس ن أَربِّـي اَتَاف اَغَارس ثِيڒِي شْهَاذث-أَ ذݣ وُوْڒ نّس. ونِّي وَار يُوْمِينن شَا زِي شْهَاذث-أَ ن أَربِّـي اَتَاف اَث يَارّ ذ بُو-يخَرِّيقن وَاهَا ڒَاحقَّاش نتَّا وَار يُوْمِين شَا زِي شْهَاذث-أَ إِݣ يشْهذ عْلَاحْسَاب مِّيس.

1 يوحنا 5:21

آ يحنْجِيرن، حْضَام يخف نْوم زِي لْأَصْنَام.

لواحي ن يوحنا 1:1

وَانِيتَا ذ لْوَحِي ن عِيْسَى لْمَسِيح. يُوْشَا-اَس-ث أَربِّـي حمَا اَث يسْمظْهَار إِ يِنِّي ث يعَبّْذن. مَانَايَا يتْخصَّا أُو لَابُد اَذ يوْقع ذغْيَا. لْمَسِيح يسّكّ لْمَلَاك نّس اَذ يخبَّر مَانَايَا إِ ڒْعَبْذ نّس قَّارن-اَس يُوْحَنَّا.

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.

لواحي ن يوحنا 12:11

غڒْبن-ث اَيثْمَاثْنغ س يذَامّن ن يِزْمَار ذ شْهَاذث نْسن. ثُوْذَارْث نْسن وَار خَاسن ثْعِيزّ شَا، وجْذن اَذ مّْثن.

لواحي ن يوحنا 12:17

ئِغْضب بُو-سبْعَا-يزدْجِيفن خ ثمْغَارْث نِّي يرُوْح اَذ يحَارب س مِين يقِّيمن زِي دُّوْرِّيث نّس، يعْنِي يِنِّي يتݣّن اَرَّاي س ڒُوْصِيَاث ن أَربِّـي تطّْفن خ مِينْخف يشْهذ عِيْسَى.

لواحي ن يوحنا 14:7

ثقَّار س جّْهذ: "ݣّْوْذم أَربِّـي سمْغَارم-ث، أَقَا ثُوْوض-د ثْسَعَّات نّس اَذ يݣّ لْحِسَاب ذ لْعِقَاب. سجّْذث إِ ونِّي إِي د يخڒْقن اَجنَّا ذ ثْمُوْرْث ذ ڒبْحَر ذ ڒَعْنَاصر."

لواحي ن يوحنا 15:4

آ سِيذِي، مِين عْنَان يِنِّي وَار ش يتݣّْوْذن؟ مِين عْنَان يِنِّي يسم نّش وَار ث يسمْغَارن؟ أَقَا شك وَاحْذش إِݣ يصْفَان. مَارَّا ڒݣْنُوْس اَذ د اَسن اَذاش سجّْذن، مِنْزِي ڒخْذَايم نّش بَاننْت-يد نِيشَان."

لواحي ن يوحنا 19:9

ينَّا-ٱيِي لْمَلَاك ونِّي: "أَرِي مَانَايَا: سَّعْذ ن يِنِّي يتْوَاعَرْضن غَار ومنْسِي ن ڒْفَارْح ن يِزْمَار!" ينَّا-ٱيِي عَاوذ: "أَوَاڒن-أَ دْجَان ذ صَّح زِي أَربِّـي."

لواحي ن يوحنا 4:10

سّنِّي عَاوذ اَرْبعَا أُو عِشْرِين نِّي ن يمْغَارن تْركَّاعن-اَس إِ ونِّي يقِّيمن خ لْعَرْش، تْسجَّاذن-اَس إِ ونِّي يدَّرن إِ ڒبْدَا ن ڒبْدَاث. كُڒ يجّن زَّايْسن ينطَّر تَّاج نّس زَّاث إِ لْعَرْش يقَّار: