لواحي ن يوحنا 18:24 - ثريفيث 2020

²⁴ إِيوَا ذِي ثنْدِينْت-أَ إِݣ ؤُفِين يذَامّن ن لْأَنْبِيَا ذ ڒْمُوْمِنِين صَّالِحِين ذ مَارَّا يِنِّي يتْوَانْغن ذِي ثْمُوْرْث."

لواحي ن يوحنا 18:24 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 23:27

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! كنِّيو اَمشْنَاو يمضْڒَان يبيّْضن س جِّير. تْمظْهَارن صبْحَان غَار بَارَّا، وَلَكِن نِثْنِي شُّوْرن غَار ذَاخڒ س يِخْسَان ذ مَارَّا مِين يَرشَّان.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:35

خ مَانَاينِّي اَذ تْوَاعَاقْبم خ مَارَّا يذَامّن إِي يُوْزّْڒن ن ڒْمُوْمِنِين ذِي دُّنشْت-أَ. زݣ يذَامّن ن هَابِيل ڒْمُوْمن أَڒ يذَامّن ن زَكَرِيَا مِّيس ن بَرْخِيَا إِي ثنْغِيم جَار ڒْمذْبَاح ذ ثمْزِيذَا ثَمقّْرَانْت.

ڒخذايم 7:52

مَا ينْجم شَان ن نَّبِي وَار ث عدّْبن شَا ڒجْذُوْذ نْوم؟ نِثْنِي نْغِين ؤُڒَا ذ لْأَنْبِيَا نِّي ن زْمَان إِي ينَّان قَا ٱذ د يَاس ونِّي يدْجَان صَّالِح، يعْنِي ونِّي ڒخُّو ثْخذْعم كنِّيو ثنْغِيم-ث.

1 أيث-سلونيك 2:15

نِثْنِي نْغِين سِيذِيثْنغ عِيْسَى ذ لْأَنْبِيَا، ؤُڒَا ذ نشِّين سُوْفْغن-اَنغ سّنِّي. وَار خَاسن يَارْضِي شَا أَربِّـي نِثْنِي تْعَارَّاضن إِ مَارَّا يوْذَان، ڒَاحقَّاش وَار ذَانغ تجِّين شَا أَ نسِّيوڒ اَك ڒݣْنُوْس بَاش أَذ نجْمن. أَمنِّي ڒْمُعْصِيَاث نْسن اَرنِّينْت تْعمَّرنْت، لْعِقَاب ن أَربِّـي يوْضَا خَاسن قَاع.

لواحي ن يوحنا 11:7

خْمِي غَا كمّْڒن ڒخْبَار نْسن إِي زِي غَا شهْذن، أَذ د يݣَعّذ ڒْوَحْش زِي ڒَادْجغ بْڒَا ڒَاحدّ اَثن يحَارب، أَثن يغْڒب، أَذ ينغ ڒشْهُوْذ نِّي.

لواحي ن يوحنا 16:6

أَقَا وَامِي سِيزّْڒن يذَامّن ن ڒْمُوْمِنِين صَّالِحِين ذ لْأَنْبِيَا، ثُوْشِيذ-اَسن اَذ سْون يذَامّن ؤُڒَا ذ نِثْنِي ڒَاحقَّاش سْذَاهدْجن مَانَاينِّي."

لواحي ن يوحنا 17:6

ࢲْرِيغ ثَمْغَارْث نِّي ثْسكَّر س يذَامّن ن ڒْمُوْمِنِين صَّالِحِين ذ يذَامّن ن يِنِّي يشهّْذن خ عِيْسَى. وَامِي ت ࢲْرِيغ ذهْشغ اَطَّاس.

لواحي ن يوحنا 19:2

ڒحْكَام نّس ذ ڒْحَقّ يدْجَا نِيشَان. ئِحَاسب لْفَسْدَا ثَمقّْرَانْت إِݣ يسفْسَاذن ثَمُوْرْث س لْفَسَاد نّس، ئِنْتَاقم زَّايس عْلَاحْسَاب يذَامّن ن يِنِّي يعبّْذن أَربِّـي."