لواحي ن يوحنا 18:11 - ثريفيث 2020

¹¹ ئِسبَّابن ن ثْمُوْرْث اَخَاس رُوْن اَخَاس حزْنن ڒَاحقَّاش سّڒْعَث نْسن وَار تِيفن وِي ت غَا يسْغن.

لواحي ن يوحنا 18:11 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 22:5

وَلَكِن يِنِّي يتْوَاعَرْضن وَار ذَايس ت ؤُوِين شَا: ئِجّن يرُوْح غَار ومَرْجع نّس، ئِجّن غَار تِّجَارَا نّس.

يوحنا 2:16

ينَّا-ٱسن إِ يِنِّي يزْنُوْزَان يذْبِيرن: "إِيْسِيث مَانَايَا سَّانِيتَا. وَار تَارَّاث شَا ثَدَّارْث ن بَابَا ذ سُّوْق!"

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.

لواحي ن يوحنا 18:15

ئِسبَّابن نِّي إِي كِذس ݣِّين اَݣْڒَا س سّڒْعَاث نِّي اَذ بدّن غَار ڒݣّْوَاج س ثِيݣّْوْذِي زِي ڒَعْذَاب نِّي، أَذ رُوْن اَذ حزْنن.

لواحي ن يوحنا 18:20

آي اَجنَّا، فَرح خ وهْذَام نّس، فَرْحم آ ڒْمُوْمِنِين صَّالِحِين ذ اَرُّسُل ذ لْأَنْبِيَا! أَقَا يحَاسب-يت أَربِّـي خ مِين ذَاوم ثݣَّا."

لواحي ن يوحنا 18:23

عمَّارْص اَذَايم ثْشعّڒ ثْفَاوْث ن ڒْقنْدِيڒ. عمَّارْص اَذَايم تسْڒَان إِ صُّوْت ن مُوْڒَاي ذ ثْسْڒِيث. أَقَا يسبَّابن نّمْ تُوْغَا دْجَان ذ يمقّْرَانن ن ثْمُوْرْث، س سِّحر نّمْ ثْخذْعذ مَارَّا ڒݣْنُوْس.

لواحي ن يوحنا 18:3

ڒَاحقَّاش مَارَّا ڒݣْنُوْس سْوِين زݣ وَامَان ن وضِيڒ ن لْفَسَاد نّس وَار يحْڒِي، فسْذن اَكِذس يزدْجِيذن ن ثْمُوْرْث. يسبَّابن ن ثْمُوْرْث ؤُوِين-د اَطَّاس ن وَاݣْڒَا زݣ وفلّس نّس اَمقّْرَان."

لواحي ن يوحنا 18:9

ئِزدْجِيذن ن ثْمُوْرْث إِي كِذس يفسّْذن إِي كِذس يتْعِيشن ذِي شّهْوث نّس، أَخَاس رُون اَخَاس حزْنن خْمِي غَا ࢲرن دّخَّان ن ثْمسِّي نّس.