لواحي ن يوحنا 18:10 - ثريفيث 2020

¹⁰ أَذ بدّن غَار ڒݣّْوَاج س ثِيݣّْوْذِي ن ڒَعْذَاب نّس نِثْنِي قَّارن: يَا لَطِيف، يَا لَطِيف! يَا ثَنْدِينْت ثَمقّْرَانْت، يَا بَابِل ثَنْدِينْت يجهْذن! ذݣ يِجّن ن ثْسَعَّات يهْوَا-د خَام لْحِسَاب ذ لْعِقَاب!

لواحي ن يوحنا 18:10 Σταυροειδείς Αναφορές

لواحي ن يوحنا 11:8

أَذ تقِّيم دَّات نْسن ذِي شَّارِع ن ثنْدِينْت ثَمقّْرَانْت ؤُمِي قَّارن س ڒْمَعْنَا سَدُوْم نِغ مِصْرَا يعْنِي مَانِي يتْوَاصلّب سِيذِيثْسن.

لواحي ن يوحنا 14:8

ثكَّر ثذْفَار-يت يجّن ن لْمَلَائِكَا نّغْنِي وِيس ثْنَاين ثقَّار: "قَا ثوْضَا قَا ثوْضَا ثنْدِينْت ن بَابِل ثَمقّْرَانْت ثنِّي إِݣ يسسّْون مَارَّا ڒݣْنُوْس س وَامَان نّس ن ؤُضِيڒ، يعْنِي لْفَسَاد نّس اَمقّْرَان."

لواحي ن يوحنا 16:19

ثْشقّْ ثنْدِينْت ثَمقّْرَانْت خ ثْڒَاثَا، نْهذْمنْت ثْندَّام ن ڒݣْنُوْس. وَار يتُّو شَا أَربِّـي ثَنْدِينْت ن بَابِل ثَمقّْرَانْت، فَا إِنَّمَا، يُوْشَا-ٱس اَذ تْسو زِي ڒْكَاس ن وَامَان وضِيڒ يعْنِي لْعِقَاب نّس اَمقّْرَان.

لواحي ن يوحنا 17:12

عشْرَا نِّي ن وَاشَّاون إِي ثࢲْرِيذ نِثْنِي ذ عشْرَا ن يزدْجِيذن عَاذ وَار ذَاسن ثمُّوْش شَا سُّلْطَا اَذ حكْمن. أَذَاسن ثمُّوْش سُّلْطَا اَذ حكْمن يجّن ن ڒْوقْث ذ ثَمزْيَانْت وَاهَا اَك ڒْوَحْش.

لواحي ن يوحنا 18:18

خْزَرن غَار دّخَّان ن ؤُحْرَاق نّس. قَّارن س جّْهذ: مَان ثَنْدِينْت إِݣ يدْجَان نتَّاث اَم ثنْدِينْت-أَ ثَمقّْرَانْت؟

لواحي ن يوحنا 18:19

نطَّارن شَاڒ خ يزدْجِيفن نْسن، سْغُوْيِون، تْرُوْن، حزّْنن، قَّارن: يَا لَطِيف، يَا لَطِيف ن ثنْذِينْت ثَمقّْرَانْت! أَيثْبَاب ن يغَرُّوْبَا ذِي ڒبْحَر تُوْغَا ذوْڒن ذ تْوَاجَر لِأَنَّا ثَنْدِينْت ذَايس اَݣْڒَا اَطَّاس! ذݣ يِجّن ن ثْسَعَّات كُڒْشِي يرُوْح!

لواحي ن يوحنا 18:21

ئِجّن ن لْمَلَاك يجْهذ ييْسِي-د يجّن ن وزْرُو يݣَّا اَم وزْرُو ن ثْسِيرْث ثَمقّْرَانْت، ئِنْضَر-يث ذِي ڒبْحَر ينَّا: "أَمُّو س جّْهذ إِي غَا ثْمنْضَار بَابِل ثَنْدِينْت ثَمقّْرَانْت، وَار يتِيڒِي شَا عمَّارْص.

لواحي ن يوحنا 18:8

خ مَانَايَا اَخَاس د مُوْننْت لْمُصِيبَاث ذݣ يِجّن ن نْهَار، يعْنِي ڒْموْث ذ لْحُزن ذ بُوْهيُّوْف. أَذ تحرق س ثْمسِّي ڒَاحقَّاش سِيذِي أَربِّـي إِي خَاس غَا يحكْمن نتَّا يجْهذ.