لواحي ن يوحنا 14:6 - ثريفيث 2020

⁶ ࢲْرِيغ يجّن ن لْمَلَائِكَا نّغْنِي ثطَّاو ذِي ڒْوسْط ن وجنَّا. غَارس لْإِنْجِيل وَار يفنِّين اَذ تْبشَّر زَّايس يمزْذَاغ ن ثْمُوْرْث زِي مْكُڒ ڒْݣنْس ذ ڒْقُوْم ذ لُّغَا ذ شَّعْب.

لواحي ن يوحنا 14:6 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 10:27

مِين ذَاوم قَّارغ ذِي ثَادْجسْت، عَاوْذم-اَس ذِي ثْفَاوْث ن نْهَار. مِين تسْڒَام س ڒْحسّ، عيّْضث زَّايس خ ثْزقَّا.

مرقس 16:15

ينَّا-ٱسن: "رُوْحم غَار مَارَّا دُّنشْت، بشَّرم مَارَّا ڒݣْنُوْس س لْإِنْجِيل.

أيث-روما 16:25

ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

2 أيث-سلونيك 2:16

سِيذِيثْنغ عِيْسَى س يِيخف نّس أُو عَاوذ أَربِّـي بَابَاثْنغ ونِّي إِي ذَانغ يُوْشِين س اَرْضَا نّس يجّن ن وشجّع وَار يفنِّين شَا عمَّارْص ذ يجّن ن لْأَمَال يصْبَاح، أَتَاف اَكنِّيو يشجّع س وُوْڒَاون نْوم اَثن يسجْهذ عْلَاحْسَاب ذِي كُڒ ڒْخذْمث ذ كُڒ اَوَاڒ اَصبْحَان.

يعيبرانيين 13:20

أَربِّـي ذَايس ڒهْنَا، ذ نتَّا إِي د يَارِّين سِيذِيثْنغ عِيْسَى زݣ يمتِّينن س يذَامّن ن ڒْعَهذ إِݣ يتْدُوْمَان إِ ڒبْدَا، عِيْسَى-يَا ذ اَمكْسَا اَمقّْرَان ن يحُوْڒِيْين.

1 بطرس 1:25

مَاشَا اَوَاڒ ن أَربِّـي يتْغِيمَا إِ ڒبْدَا.> أَوَاڒ-أَ نتَّا ذ لْإِنْجِيل إِي ذَاوم د يتْوَابشَّرن.

لواحي ن يوحنا 10:11

ڒخْدّنِّي يتْوَانَّا-ٱيِي: "أُو لَابُد اَذ تسِّيوْڒذ عَاوذ س مِين يوْحَا أَربِّـي خ وَاطَّاس ن شُّعُوْب ذ ڒݣْنُوْس ذ لُّغَاث ذ يزدْجِيذن."

لواحي ن يوحنا 10:7

أَقَا ذِي نْهُوْرَاث نِّي خْمِي غَا ثْصُوْض لْمَلَائِكَا وِيس سبْعَا ذِي زَّمَّار نّس قَا صَافِي سِّرّ ن أَربِّـي يكمّڒ مَامّش ذَاسن ث يعَوذ إِ لْعِبَاد نّس لأَنْبِيَا."

لواحي ن يوحنا 13:7

ئِتْوَاسْمح-اَس اَذ يحَارب ڒْمُوْمِنِين صَّالِحِين، اَثن يغْڒب. ثمُوْش-اَس سُّلْطَا خ كُڒ ڒْقُوْم ذ شَّعْب ذ لُّغَا ذ ڒْݣنْس.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.

لواحي ن يوحنا 8:13

خْزَرغ، سْڒِيغ إِ يِجّن ن نْسر يطَّاو ذِي ڒْوسْط ن وجنَّا يڒَاغَا س جّْهذ ينَّا: "يَا تَمَارَا، يَا تَمَارَا، يَا تَمَارَا خ يمزْذَاغ ن ثْمُوْرْث عْلَاحْسَاب ثْڒَاثَا ن لْمَلَائِكَاث نِّي إِݣ يقِّيمن عَاذ وَار صُوْضنْت شَا ذِي زّْوَامَّار نْسنْت".