لواحي ن يوحنا 14:14 - ثريفيث 2020

¹⁴ وَامِي خْزَرغ، تْوَاڒِيغ يجّن ن ؤُسيْنُو ذ اَشمْڒَاڒ، ونِّي خَاس يقِّيمن يتْشَابَّاه ذي مِّيس ن بْنَاذم، خ وزدْجِيف نّس يجّن ن تَّاج ن دّْهب، ذݣ وفُوْس نّس يجّن ن ؤُمْجَار يقْضع.

لواحي ن يوحنا 14:14 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 13:30

اجّث يرْذَان اَذ مغَرن اَك يسنَّانن. أَخْمِي د غَا يَاوض ڒْوقْث ن ومْجَار اَذَاسن ينِيغ إِ يشوَّارن: اكّْسث يسنَّانن ذ اَمزْوَارُو سْمُوْنم-ثن شدّم-ثن حمَا اَذ حَرْقن. وَلَكِن يرْذَان جمْعم-ثن اَوِيم-ثن غَار ثسْرَافِين ينُو."

أَسڒْمذ ن سِيذِيثْنغ عِيْسَى لْكِتَاب ن مَتَّى 17:5

عَاذ يسَّاوَاڒ بُطْرُس يهْوَا-د خَاسن يِجّن ن وسيْنُو يتْسقْسِيق. ثنْدق-د يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي يعِيزّن، نش فَرْحغ زَّايس. صنّْطث غَارس."

مرقس 4:29

وَلَكِن غِير اَذ يوْجذ يمنْدِي، ڒخْدّنِّي اَذ يفّغ اَذ يمْجَار مِينْزِي ڒْوقْث ن ومْجَار ثُوْوض-د."

لوقا 21:27

ڒخْدّنِّي إِي غَا ࢲرن مِّيس ن بْنَاذم يهوَّا-د ذݣ وسيْنُو س لْعَظَمَا ذ جّْهذ نّس يمْغَارن.

يعيبرانيين 2:9

وَلَكِن عِيْسَى وَاه، نتْوَاڒَا-ث ڒخُّو س تَّاج نّس ن ڒُوقَّار ذ وَاطَّاس ن شَّان. مَايمِّي؟ لِأَنَّا عِيْسَى ذݣ يِجّن ن ڒْوقْث تُوْغَا يسهْوَا-ث-يذ أَربِّـي شْوَايْت سْوَادَّاي إِ لْمَلَائِكَاث يعْنِي وَامِي يصْبَر إِ ڒَعْذَاب ن ڒْموْث. بَاش نتَّا س اَرْضَا ن أَربِّـي اَذ يقَّاس ڒْموْث، ڒْموْث نِّي اَذ تِيڒِي ن مَارَّا يوْذَان.

لواحي ن يوحنا 1:13

ذِي ڒْوسْط ن ڒقْنَاذڒ نِّي ؤُفِيغ ذِنِّي يجّن يتْشَابَّاه ذِي مِّيس ن بْنَاذم، غَارس تْشَامِّير ذ اَزيْرَار حتَّا اَڒ يضَارن نّس. غَارس يجّن ن وحزَّام ن دّْهب يقْضع-د زݣ وغِيڒ غَار نّصّ.

لواحي ن يوحنا 1:7

أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.

لواحي ن يوحنا 10:1

ࢲْرِيغ يجّن ن لْمَلَاك نّغْنِي يجهْذ يهْوَا-د زݣ وجنَّا، ئِنّض-اَس-د وسيْنُو. خ وزدْجِيف نّس يجّن ن ثسْڒِيث ن ونْࢲَار، أَغمْبُوْب نّس يݣَّا اَم ثْفُوْشْت، ئِضَارن نّس ݣِّين اَم يـپِــيلَارن ن ثْمسِّي.

لواحي ن يوحنا 11:17

قَّارن: "نتْشكَّر-يشك آ سِيذِي أَربِّـي إِݣ يزمَّرن إِ كُڒْشِي، شك إِݣ يدْجَان، شك إِي تُوْغَا يدْجَان، ڒَاحقَّاش ثسْخذْمذ جّْهذ نّش، ثبْذِيذ تْحكّْمذ.

لواحي ن يوحنا 19:12

ثِيطَّاوِين نّس اَم ؤُحَذُوْق ن ثْمسِّي، خ ؤُزدْجِيف نّس اَطَّاس ن تَّاجَاث. يُوْرَا خَاس يجّن ن يِيسم وَار ث يسِّين حَدّ إِلَّا نتَّا.

لواحي ن يوحنا 20:11

ࢲْرِيغ يجّن ن لْعَرْش ذ اَشمْڒَاڒ ذ اَمقّْرَان. ونِّي خَاس يقِّيمن ثَرْوڒ زَّايس ثْمُوْرْث ذ وجنَّا وَار ذَاسن يقِّيم بُو ومْشَان.

لواحي ن يوحنا 6:2

وَامِي خْزَرغ، تْوَاڒِيغ يجّن ن ؤُيِيْس ذ اَشمْڒَاڒ، ونِّي خَاس ينْيِين غَارس يجّن ن نشَّاب ن فْڒِيتْشَا. ؤُشِين-اَس يجّن ن تَّاج، ئِفّغ يربّح ذِي ڒْحَرْب أُو عَاذ اَذ يرْبح.