لواحي ن يوحنا 13:3 - ثريفيث 2020

³ ئِجّن زݣ يقيُّوْعن نّس يظْهَار-د ذَايس يج وجَرِّيح اَخْمِي يمُّوْث، وَلَكِن يݣنْفَا زݣ وجَرِّيح نِّي ن ڒْموْث. أُو مَارَّا يمزْذَاغ ن ثْمُوْرْث تْعجّْبن، ذفَّارن ڒْوَحْش-أَ.

لواحي ن يوحنا 13:3 Σταυροειδείς Αναφορές

لوقا 2:1

ذِي ڒِيَّام نِّي اَزدْجِيذ قَيْصَر أَݣُسْطُس يُوْشَا لْأَمَار اَذ حسْبن مَارَّا يمزْذَاغ ن ثْمُوْرَا إِي ذِي يحْكم.

يوحنا 12:19

نَّان يفَرِّيسيْين جَارَاسن: "أَقَا تْوَاڒَام وَار ثُوْوِّيضم غَار وَالُو! دُّنشْت مَارَّا ثْذفَّار-يث."

ڒخذايم 8:13

سِمْعَان نتَّا س يِيخْف نّس يُوْمن يتْوَاطهَّار س وَامَان. ئِمُوْن اَك فِيلِيپَّـاس يتْعجّب سِمْعَان وَامِي يࢲْرَا لْمُعْجِزَاث ذ لْبُرْهَانَاث ذ ثِمقّْرَانِين إِݣ يتوْقِيعن.

لواحي ن يوحنا 13:12

ئِسخْذم مَارَّا سُّلْطَا ن ڒْوَحْش اَمزْوَارُو أُو نتَّا اَقَاث زَّاثس. يَارَّا مَارَّا ثَمُوْرْث ذ يمزْذَاغ نّس اَذَاس سجّْذن إِ ڒْوَحْش نِّي اَمزْوَارُو إِي يݣنْفَان زݣ وجَرِّيح نِّي ن ڒْموْث.

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 17:10

خمْسَا زَّايْسن وْضَان، ئِجّن يدْجَا، ئِجّن عَاذ وَار د يُوْسِي شَا. خْمِي د غَا يَاس اَتَاف اَذ يقِّيم غِير شْوَايْت ن ڒْوقْث وَاهَا.

لواحي ن يوحنا 17:11

ڒْوَحْش نِّي إِي تُوْغَا يدْجَان، ڒخُّو وَار يدْجِي شَا، نتَّا ذ وِيس ثْمنْيَا نتَّا عَاوذ ذ يجّن زِي سبْعَا نِّي قَا يݣُّوْر اَذ يتْوَاهْذم.

لواحي ن يوحنا 17:13

يِيْنَا تَافَاقن اَذَاس ؤُشن إِ ڒْوَحْش جّْهذ نْسن ذ سُّلْطَا نْسن.

لواحي ن يوحنا 17:17

ڒَاحقَّاش ذ أَربِّـي إِݣ يسْمُوْنن ؤُڒَاون نْسن حمَا اَذَاس ݣّن ڒْخَاضَر إِ أَربِّـي، يعْنِي اَذ تَافْقن اَذَاس ؤُشن إِ ڒْوَحْش ڒحْكَام نْسن حتَّا اَڒ إِي غَا تْوَاكمّْڒن وَاوَاڒن ن أَربِّـي.

لواحي ن يوحنا 17:6

ࢲْرِيغ ثَمْغَارْث نِّي ثْسكَّر س يذَامّن ن ڒْمُوْمِنِين صَّالِحِين ذ يذَامّن ن يِنِّي يشهّْذن خ عِيْسَى. وَامِي ت ࢲْرِيغ ذهْشغ اَطَّاس.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.