لواحي ن يوحنا 13:14 - ثريفيث 2020

¹⁴ ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 13:14 Σταυροειδείς Αναφορές

2 أيث-سلونيك 2:4

نتَّا يتْعَارَّاض إِ أَربِّـي يسمْغَار يخف نّس خ مَارَّا مِينْخف يدْجَا يسم ن أَربِّـي ذ مِين عبّْذن يِوْذَان حتَّا اَذ يقِّيم ذِي ثمْزِيذَا ثَمقّْرَانْت ن أَربِّـي اَذ يعيّض اَذ يِينِي قَا نش ذ أَربِّـي.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 13:1

ࢲْرِيغ يجّن ن ڒْوَحْش يفّغ-د زِي ڒبْحَر، غَارس سبْعَا ن يقيُّوْعن ذ عشْرَا ن وَاشَّاون، خ وَاشَّاون نّس عشْرَا ن تَّاجَاث. ؤُرِين خ يقيُّوْعن نّس يسمَاون وَار يحْڒِين خ أَربِّـي.

لواحي ن يوحنا 13:15

ئِتْوَاسْمح-اَس اَذ يݣّ بُوْحْبڒ ذِي لْأَصْنَام-أَ يتْوَاصنْعن خ صِّفث ن ڒْوَحْش اَمزْوَارُو حمَا اَذ يسِّيوڒ اَذ ينغ مَارَّا يِنِّي وَار يسجّْذن شَا إِ لْأَصْنَام-أَ اَم ڒْوَحْش نِّي.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 14:11

دّخَّان ن ڒَعْذَاب نْسن يتْݣَعَّاذ إِ ڒبْدَا ن ڒبْدَاث. يِنِّي يسجّْذن إِ ڒْوَحْش ذ لْأَصْنَام نّس قبْڒن عَاوذ طَّبَع ن يِيسم نّس اَتَاف وَار غَارْسن يتِيڒِي بُو اَرَّاحث س دْجِيڒث نِغ ذ نْهَار."

لواحي ن يوحنا 14:9

ثكَّر ثذْفَار-يثنْت يجّن ن لْمَلَائِكَا نّغْنِي وِيس ثْڒَاثَا ثقَّار س جّْهذ: "ونِّي غَا يسجّْذن إِ ڒْوَحْش ذ لْأَصْنَام نّس، ئِقْبڒ عَاوذ طَّابَع خ ثنْيَارْث نّس نِغ خ وفُوْس نّس،

لواحي ن يوحنا 15:2

ࢲْرِيغ عَاوذ اَمشْنَاو ڒبْحَر ن جَّاج يخلّط اَك ثْمسِّي، بدّن خَاس يِنِّي يغڒْبن ڒْوَحْش ذ لْأَصْنَام نّس ذ رَّقم ن يِيسم نّس. كُڒ يجّن زَّايْسن يكسِّي يجّن ن ثْݣَامْبْرِيت ن أَربِّـي.

لواحي ن يوحنا 16:13

ࢲْرِيغ ثْڒَاثَا ن جْنُوْن يعفَّانن ݣِّين اَم يجرْوَان: ئِجّن يتفّغ-د زݣ وقمُّوْم ن ونِّي اَم دَّيْنَاصُوْر؛ ئِجّن يتفّغ-د زݣ وقمُّوْم ن ڒْوَحْش؛ ئِجّن يتفّغ-د زݣ وقمُّوْم ن ونِّي يتَارَّان يخف نّْس ذ نَّبِي.

لواحي ن يوحنا 16:2

ثكَّر ثفّغ-د لْمَلَائِكَا ثَمزْوَارُوْت ثْزدْجع ثِمجْمَارْث نّس خ ثْمُوْرْث فّْغنْت-يد ثْحبَّا ذ ثِعفَّانِين ثِنِّي إِي تݣّنْت ڒحْرِيق ڒقْفنْت يوْذَان نِّي إِي ذِي يدْجَا طَّبَع ن ڒْوَحْش تْسجَّاذن إِ لْأَصْنَام نّس.

لواحي ن يوحنا 18:23

عمَّارْص اَذَايم ثْشعّڒ ثْفَاوْث ن ڒْقنْدِيڒ. عمَّارْص اَذَايم تسْڒَان إِ صُّوْت ن مُوْڒَاي ذ ثْسْڒِيث. أَقَا يسبَّابن نّمْ تُوْغَا دْجَان ذ يمقّْرَانن ن ثْمُوْرْث، س سِّحر نّمْ ثْخذْعذ مَارَّا ڒݣْنُوْس.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 2:10

وَار تݣّْوذ شَا زِي مَامّش إِي غَا تْوَاعدّْبذ. أَقَا إِبْڒِيس اَذ يسِيذف ڒبْعَاض زَّايْوم غَار ڒحْبس حمَا اَذ تْوَاجَرّْبم. أَذ تْسعْذُوْم ڒمْحَاين ذي عشْرَايَّام. اَرْنِي ذِي لْإيْمَان نّش وَاخَّا اَش نْغن، نش اَذَاش ؤُشغ تَّاج ن ثُوْذَارْث.

لواحي ن يوحنا 20:10

إِبْڒِيس نِّي إِي ثن يخذْعن ئِمنْضَار-د ذِي ڒبْحَر نِّي ن ثْمسِّي ذ ڒكْبْرِيْيث مَانِي يدْجَا ڒْوَحْش نِّي ذ ونِّي يتَارَّان يخف نّس ذ نَّبِي. أَذ تْوَاعدّْبن ذِنِّي نْهَار ذ دْجِيڒث إِ ڒبْدَا ن ڒبْدَاث.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.