لواحي ن يوحنا 1:8 - ثريفيث 2020

⁸ ئِقَّار سِيذِي أَربِّـي: "نش ذ لْأَلِف نش ذ لْيَاء. نش ذ ونِّي إِݣ يدْجَان، تُوْغَا دْجِيغ، عَاذ اَذ د اَسغ، زمَّرغ إِ كُڒْشِي."

لواحي ن يوحنا 1:8 Σταυροειδείς Αναφορές

22 أيث-كورينث 6:18

أَذ يڒِيغ ذ بَابَاثْوم، كنِّيو اَذ تِيڒِيم ذ ثَارْوَا ينُو ذ يِيسِّي ينُو. أَمنِّي يقَّار أَربِّـي يزمَّرن إِ كُڒْشِي.>

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."

لواحي ن يوحنا 1:17

وَامِي ث ࢲْرِيغ ؤُضِيغ-اَس غَار يضَارن نّس اَخْمِي مُّوْثغ. ئِسرْس-د خَافِي فُوْس نّس اَفُوْسِي ينَّا-ٱيِي: "وَار تݣّْوذ شَا!" ينَّا-ٱيِي: "قَا نش ذ اَمزْوَارُو ذ اَنكَّارُو.

لواحي ن يوحنا 1:4

زِي يُوْحَنَّا غَار سبْعَا ن ثْجُمَاع ن ڒْمُوْمِنِين ذِي لْإِقْلِيم ن آسْيَا. أَكِذْوم يِيڒِي اَرْضَا ذ ڒهْنَا زݣ ونِّي إِݣ يدْجَان، تُوْغَا يدْجَا، عَاذ اَذ د يَاس. أَكِذْوم يِيڒِي اَرْضَا زِي سبْعَا ن اَرُّوْحَاث إِݣ يدْجَان زَّاث إِ لْعَرْش نّس.

لواحي ن يوحنا 11:17

قَّارن: "نتْشكَّر-يشك آ سِيذِي أَربِّـي إِݣ يزمَّرن إِ كُڒْشِي، شك إِݣ يدْجَان، شك إِي تُوْغَا يدْجَان، ڒَاحقَّاش ثسْخذْمذ جّْهذ نّش، ثبْذِيذ تْحكّْمذ.

لواحي ن يوحنا 15:3

تْغنَّاجن س يِيْزْڒِي ن مُوْسَى ڒْعَبْذ ن أَربِّـي ذ يِزْڒِي ن يِزْمَار قَّارن: "ڒخْذَايم نّش ذ ثِمقّْرَانِين يسْذهَّاشن، آ سِيذِي أَربِّـي نّغ إِ كُڒْشِي إِي يزمَّرن. ئِبْرِيذن نّش ذ ڒْحَقّ ذ نِيشَان إِݣ يدْجَان، آي اَزدْجِيذ ن ڒݣْنُوْس ن يِوْذَان.

لواحي ن يوحنا 16:14

يِيْنَا ذ اَرُّوْحَاث ن شَّيَاطِين تݣّن لْمُعْجِزَاث زَعْمَا. تْرَاحن غَار يزدْجِيذن ن ثْمُوْرْث مَارَّا حمَا اَثن سْمُوْنن إِ ڒْحَرْب ذِي نْهَار نِّي اَمقّْرَان ن أَربِّـي إِݣ يزمَّرن إِ كُڒْشِي.

لواحي ن يوحنا 16:7

سْڒِيغ إِ يِجّن ن صُّوْت يقَّار-د زِي ڒْمذْبَح: "وَاه آ سِيذِي أَربِّـي نّغ إِݣ يزمَّرن إِ كُڒْشِي، ڒحْكَامَاث نّش ذ ڒْحَقّ، أَقَاثنْت نِيشَان."

لواحي ن يوحنا 19:15

ئِتفّغ-د زݣ وقمُّوْم نّس يجّن ن سِّيف يقْضع، اَزَّايس يُوْوث ڒݣْنُوْس. نتَّا اَثن يَرْوس س وعكَّاز نْ ڒحْذِيذ، اَخَاسن يعفّس ذِي ثْسِيرْث ن وَامَان ن وضِيڒ يعْنِي ذ لْعِقَاب اَمقّْرَان ن أَربِّـي إِݣ يزمَّرن إِ كُڒْشِي.

لواحي ن يوحنا 19:6

سْڒِيغ إِ يِجّن ن صُّوْت اَم صُّوْت ن وَاطَّاس ن ڒْغَاشِي نِغ اَم صُّوْت ن وَاطَّاس ن وَامَان نِغ اَم صُّوْت ن وَاجَّاج يجهْذن، ئِقَّار: "حمْذث أَربِّـي! سِيذِي أَربِّـي نّغ إِݣ يزمَّرن إِ كُڒْشِي قَا يحكّم.

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش:

لواحي ن يوحنا 21:22

وَار ࢲْرِيغ شَا ثَمْزِيذَا ثَمقّْرَانْت ذِي ثنْدِينْت نِّي، مَايمِّي؟ لِأَنَّا سِيذِي أَربِّـي إݣ يزمَّرن إِ كُڒْشِي اَك يِزْمَار نِثْنِي إِݣ يدْجَان ذ ثَمْزِيذَا-يَا ثَمقّْرَانْت.

لواحي ن يوحنا 21:6

ينَّا-ٱيِي: "صَافِي، ئِتْوَاكمّڒ. نش ذ لْأَلِف نش ذ لْيَاء. نش كُڒْشِي زَّايِي إِݣ يبْذَا، نش كُڒْشِي زَّايِي إِي غَا يكمّڒ. أَذ ؤُشغ إِ ونِّي يفُوْذن زِي ڒْعُنْصَر ن وَامَان ن ثُوْذَارْث بَاطڒ.

لواحي ن يوحنا 22:13

نش ذ لْأَلِف نش ذ لْيَاء، نش ذ اَمزْوَارُو ذ اَنݣَّارُو. نش كُڒْشِي زَّايِي إِݣ يبْذَا، كُڒْشِي زَّايِي إِي غَا يكمّڒ.

لواحي ن يوحنا 4:8

كُڒ يجّن زِي لْمخْلُوقَاث-أَ غَارس ستَّا ن وَافْرِيون، كُڒ اَفْرِيو يشُّوْر س ثِيطَّاوِين خ جِّهتَاين. قَّارن دْجِيڒث ذ نْهَار بْڒَا مَا ٱذ بدّن: "مشْحَاڒ عَظِيم، عَظِيم، عَظِيم، سِيذِي أَربِّـي يزمَّرن إِ كُڒْشِي. نتَّا ذ ونِّي إِي تُوْغَا يدْجَان، ذ ونِّي إِي يدْجَان، ذ ونِّي عَاذ إِي د غَا يَاسن."