أيث-فيليـپـي 3:16 - ثريفيث 2020

¹⁶ وَلَكِن مِين نسّن عَاذ نِيشَان لَابُد اَذَايس نطّف مْلِيح.

أيث-فيليـپـي 3:16 Σταυροειδείς Αναφορές

أيث-روما 12:16

عِيشث اَݣ وَايَاوْيَا ذِي ڒهْنَا. وَار سمْغَارث شَا يخف نْوم، مْعَشَارث اَݣ يپُـوْبْرِيثن. وَار تَارَّاث شَا يخف نْوم ذ يمِيغِيسن.

أيث-روما 15:5

أَربِّـي يعْنِي ونِّي يتِيشّن صّْبَر يتْشجَّاع-يكنِّيو، أَتَاف اَكنِّيو يسْمُوْن حمَا اَذ تِيڒِيم ذ يجّن خْمِي ثْذفَّارم عِيْسَى لْمَسِيح،

أيث-ݣلاطيا 5:7

تُوْغَا كنِّيو ثدْجَام ذݣ يِجّن ن وبْرِيذ غَار زَّاث مْلِيح. وِي كنِّيو يسْبدّن بَاش وَار تݣّم شَا اَرَّاي إِ لْحَقِيقَا؟

أيث-ݣلاطيا 6:16

مَارَّا يِنِّي يݣُّوْرن خ مِين تْوصِّيغ نش ذِي ڒُوْصِيْيث-أَ اَتَاف اَغَارْسن يِيڒِي ڒهْنَا ذ اَرَّحْمث اَك شَّعْب ن أَربِّـي.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 2:2

أَتَاف يتْخصَّا اَذ تْكمّْڒم إِ ڒفْرَاحث ينُو اَغَارْوم يِيڒِي اَرَّاي ذ يجّن ذ ڒمْحِبّث ذ يشْتن، كنِّيو اَذ تِيڒِيم ذ يجّن اَغَارْوم ثِيڒِي يجّن ن لْفِكْرَا.

أيث-فيليـپـي 4:2

تتَّارغ إِ سُوْيْثْمَاثْنغ ثُوْدْيَا ذ ثِينْتِيشْيَا بَاش اَذ يِيڒِي اَرَّاي نْسنْت ذ يجّن اَك سِيذِيثْنغ.

أيث-كولوس 2:6

إِذن، مَامّش ثْقبْڒم عِيْسَى لْمَسِيح اَمنِّي إِي غَا ثْعِيشم.

أيث-كولوس 4:2

تݣّم لْمجْهُوْد س ثْࢲَادْجِيث نْوم، إِڒِيم عْلَابَال ذِي ثْࢲَادْجِيث نْوم شكَّرم أَربِّـي.

لواحي ن يوحنا 3:3

عْقڒ خ تَّعْلِيم إِي ثْقبْڒذ وَامِي ذَاس ثسْڒِيذ. خْذم زِّايس، تُوْب. مڒَا وَار ثدْجِيذ شَا عْلَابَال، نش اَغَارك د اَسغ اَم يِج وشفَّار وَار ثسِّينذ شَا مَان ثْسَاعَّات إِي د غَا اَسغ.