أيث-فيليـپـي 2:8 - ثريفيث 2020

⁸ وَامِي د يمظْهَار اَم صِّفث ن يِجّن ن بْنَاذم، ئِسهْوَا-د يخف نّس يطَاع حتَّا وَامِي يمُّوْث يجّن ن ڒْموْث ذِي صَّلِيب.

أيث-فيليـپـي 2:8 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 17:2

ذِنِّي زَّاث إِ ثِيطَّاوِين نْسن يذْوڒ اَم يِجّن ن نُّوْر، أَغمْبُوْب نّس يتْشعْشِيع اَم ثْفُوْشْت. ئِذْوڒ وَارُّوْض نّس ذ اَشمْڒَاڒ يرقّ اَم ثْفَاوْث.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:39

ئِبعّذ خَاسن شْوَايْت، ئِسجّذ غَار ثْمُوْرْث يبْذَا يتتَّار إِ أَربِّـي ينَّا: "آ بَابَا، مڒَا مُمْكِن سْبعّذ-يث خَافِي ڒْكَاس-أَ ن ڒَعْذَاب. مَاشِي مَامش خْسغ نش؛ لَّا، مَامش يخس ڒْخَاضَر نّش شك."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:42

ئِبعّذ خَاسن ثْوَاڒَا وِيس ثْنَاين، ئِتَّار إِ أَربِّـي ينَّا: "آ بَابَا، مڒَا ڒْكَاس-أَ ن ڒَعْذَاب وَار خَافِي ثسْبعّْذذ شَا سْوِيغ-ث، أَتَاف اَذ يِيڒِي مِين يخس ڒْخَاضَر نّش."

لوقا 9:29

وَامِي يࢲُّوْدْج، ئِبدّڒ وغمْبُوْب نّس يذْوڒ ذَايس نُّوْر، يذْوڒ وَارُّوْض نّس ذ اَشمْڒَاڒ يتْشعْشِيع.

يوحنا 10:18

ؤُڒَا ذ يجّن وَار زَّايِي ت يتكّس شَا؛ لَّا، نش تْصدَّاقغ ثُوذَارْث ينُو س ڒْخَاضَر ينُو. غَاري جّْهذ حمَا اَت صدّْقغ. غَاري جّْهذ حمَا اَتِيد اَرّغ عَاوذ. أَمُّو إِي ذَايِي يوصَّا بَابَا."

يوحنا 14:31

لَّا، نش تݣّغ زِي مِين ذَايِي يوصَّا بَابَا حمَا دُّنشْت-أَ اَذ تسّن قَا نش تْحِبِّيغ بَابَا. كَّرث سَّانِيتَا، يَالَّه أَ نْرَاحم."

يوحنا 15:10

مڒَا ثخدّْمم زِي ڒُوْصِيَاث ينُو، أَتَاف اَذ تِيڒِيم ذِي ڒمْحِبّث ينُو اَمشْنَاو مَامش ݣِّيغ نش زِي ڒُوْصِيَاث ن بَابَا اَقَايِي ذِي ڒمْحِبّث نّس.

يوحنا 4:34

ينَّا-ٱسن عِيْسَى: "ڒْمَكْلَا ينُو اَذ خذْمغ مِين يخس ونِّي ذَايِي د يسّكّن اَذ كمّْڒغ ڒْخذْمث نّس.

ڒخذايم 8:33

ضڒْمن-ث، كْسِين-اَس ڒحَقّ نّس. وَار غَارس ثدْجِي دُّوْرِّيث اَخَاس يِيڒِي وَاوَاڒ. ثُوْذَارْث نّس تْوَاكّس خ ثْمُوْرْث-أَ.>

أيث-روما 5:19

لِأَنَّا مَامّش يِعْصَا آدَم أَربِّـي يُوْوِي-د ڒْمُعْصِيّث إِ وَاطَّاس ن يِوْذَان، أَمنِّي يطَاع عِيْسَى إِ أَربِّـي سّنِّي مصْڒَاحن اَطَّاس ن يِوْذَان اَك أَربِّـي.

22 أيث-كورينث 8:9

أَقَا ثسْنم اَرْضَا ن سِيذِيثْنغ عِيْسَى لْمَسِيح. تُوْغَا نتَّا غَارس كُڒْشِي، وَلَكِن عْلَاحْسَاب نشِّين يسْمح ذِي كُڒْشِي مَانَاينِّي بَاش اَغَارْنغ يِيڒِي كُڒْشِي س مَانَاينِّي إِي ذِي يسْمح.

أيث-ݣلاطيا 3:13

لْمَسِيح يفكّ-اَنغ زِي نَّعْڒث نِّي يدْجَان ذِي شَّرِيعَا وَامِي يَارَّا يخف نّس ذ يجّن نَّعْڒث عْلَاحْسَاب نشِّين. ڒَاحقَّاش لْكِتَاب يقَّار: <منْعُوْڒ كُڒ يجّن إِي ث غا سْݣَعّْذن خ ثحْنَاشْت.>

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

يعيبرانيين 12:4

وَامِي ثْمنْغم ضد إِ ڒْمُعْصِيّث، وَار ثْعِيرّْضم شَا بَاش اَذ اَزّْڒن يذَامّن نْوم لَّا.

1 بطرس 2:24

نتَّا س يِيخف نّس ييْسِي ڒْمُعْصِيَاث نّغ ذِي دَّات نّس خ ثحْنَاشْت نِّي حمَا أَ نمّث نشِّين س وُوْڒَاون نّغ إِ ڒْمُعْصِيَاث، أَ ندَّر إِ مِين يدْجَان نِيْشَان. أَقَا س وجَرِّيح نّس إِي زِي ثْݣنْفَام كنِّيو.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.