أيث-فيليـپـي 2:6 - ثريفيث 2020

⁶ نتَّا اَقَاث ذ صِّفث ن أَربِّـي، وَلَكِن وَامِي يمْقُدَّا اَك أَربِّـي وَار ينْوِي شَا اَذ يطّف ذِي مَانَاينِّي.

أيث-فيليـپـي 2:6 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 1:23

<أَقَا ثَعْزْرِيث اَذ تيْسِي اَعدِّيس، أَذ تجّ يجّن ن وحنْجِير اَذَاس سمَّان إِمَّانْوِيل.> (ڒْمَعْنَا نّس: أَربِّـي اَقَاث اَكِذْنغ.)

يوحنا 1:18

ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.

يوحنا 10:30

نش ذ بَابَا ذ يجّن."

يوحنا 10:33

نَّان-اَس يسْرَائِيلِيْين: "وَار ش نْرجّم شَا خ ڒْخذْمث يصبْحَان؛ لَّا، أَش نرْجم وَامِي ثنِّيذ لْبُهْتَان خ أَربِّـي. قَا شك ذ بْنَاذم، ثَارِّيذ يخف نّش ذ أَربِّـي."

يوحنا 10:38

مڒَا خذْمغ-ثنْت، أَمْنث زِي ڒخْذَايم نِّي وَاخَّا وَار زَّايِي ثُوْمِينم. أَمُّو اَذ تسّْنم قَا بَابَا اَقَاث ذَايِي، نش اَقَايِي ذِي بَابَا."

يوحنا 14:28

ثسْڒَام قَا نِّيغ-اَوم: نش اَذ ؤُيُوْرغ، أَذ د عقْبغ غَارْوم. مڒَا ثْحِبِّيم-اَيِي، أَتَاف كنِّيو اَذ تْفَرْحم بلِّي اَذ رَاحغ غَار بَابَا مِينْزِي بَابَا ذ اَمقّْرَان خَافِي.

يوحنا 14:9

ينَّا-ٱس عِيْسَى: "قَاع ڒْوقْث-أَ إِي كِوم كِّيغ عَاذ وَار ذَايِي ثسِّينذ شَا آ فِيلِيپَّـاس؟ ونِّي إِي ذَايِي يࢲْرِين، يࢲْرَا بَابَا. مَايمِّي ذَايِي ثتَّارذ اَذَاوم د سْمظْهَارغ بَابَا؟

يوحنا 17:5

سمْغَار-اَيِي ڒخُّو اَكِذش آ بَابَا س لْعَظَمَا نِّي تُوْغَا غَارِي وَامِي دْجِيغ اَكِذش قْبڒ مَا ٱذ تِيڒِي دُّنشْت.

يوحنا 20:28

ينْدق-د تُوْمَا ينَّا-ٱس: "آ سِيذِي ينُو، آي أَربِّـي ينُو!"

يوحنا 5:18

س مَانَايَا يسْرَائِيلِيْين رزُّون كْتَار اَث نْغن. وَار يدْجِي بُو خ سَّبَاب ن نْهَار ن لْعِبَادَا أُو صَافِي، وَلَكِن عَاوذ خْمِي ذَاسن يقَّار بلِّي أَربِّـي ذ بَابَاس يتمْسَاوَا يخف نّس اَك أَربِّـي.

يوحنا 5:23

حمَا مَارَّا اَذ كَرْمن مِّيس اَمش تْكَرَّامن بَابَاس. ونِّي وَار يتْكَرِّيمن شَا مِّيس وَار يتْكَرِّيم شَا ؤُڒَا ذ بَابَاس إِي ثِيذ يسّكّن.

أيث-روما 9:5

ؤُسِين-د زِي سَّلَف صَّالِحِين، أُو زݣ وࢲْور نْسن إِي د يُوْسَا لْمَسِيح ذ دَّات ذ بْنَاذم. أَربِّـي يتْوَاحْمذ إِ ڒبْدَا، ونِّي يحكّْمن خ مَارَّا. آمِين.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

22 أيث-كورينث 8:9

أَقَا ثسْنم اَرْضَا ن سِيذِيثْنغ عِيْسَى لْمَسِيح. تُوْغَا نتَّا غَارس كُڒْشِي، وَلَكِن عْلَاحْسَاب نشِّين يسْمح ذِي كُڒْشِي مَانَاينِّي بَاش اَغَارْنغ يِيڒِي كُڒْشِي س مَانَاينِّي إِي ذِي يسْمح.

1 تيموتاوس 1:17

اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

يعيبرانيين 1:6

أُو عَاوذ أَربِّـي وَامِي د يتَاوِي مِّيس اَمنْزُو غَار دُّنشْت-أَ يقَّار: أَذَاس سجّْذنْت مَارَّا لْمَلَائِكَاث.

يعيبرانيين 1:8

وَلَكِن خ مِّيس يقَّار ذِي لْكِتَاب: <آي أَربِّـي، ڒْعَرْش نّش اَذ يدُوْم إِ ڒبْدَا ن ڒبْدَاث، ڒْحَقّ اَذ يِيڒِي ذ ثَغْرِيث ن ڒحْكَام نّش.

يعيبرانيين 13:8

عِيْسَى لْمَسِيح نتَّا ذ يجّن، أَمشْنَاو إِضنَّاظ اَمشْنَاو نْهَارَا اَمشْنَاو إِ ڒبْدَا.

لواحي ن يوحنا 21:6

ينَّا-ٱيِي: "صَافِي، ئِتْوَاكمّڒ. نش ذ لْأَلِف نش ذ لْيَاء. نش كُڒْشِي زَّايِي إِݣ يبْذَا، نش كُڒْشِي زَّايِي إِي غَا يكمّڒ. أَذ ؤُشغ إِ ونِّي يفُوْذن زِي ڒْعُنْصَر ن وَامَان ن ثُوْذَارْث بَاطڒ.