أيث-فيليـپـي 1:1 - ثريفيث 2020

¹ نش ذ بُوْلُس اَكِذِي تِيْمُوْتَاوُس نشِّين ذ يخدَّامن ن عِيْسَى لْمَسِيح. نْتَارِي ثَبْرَات-أَ إِ صَّالِحِين ن عِيْسَى لْمَسِيح إِي يدْجَان ذِي ثنْذِينْت ن فِيلِيـپِّـي ذ اَرُّوْيَاس نْسن ذ نُّيَاب نْسن.

أيث-فيليـپـي 1:1 Σταυροειδείς Αναφορές

مرقس 13:34

نْهَار نِّي اَذ يِيڒِي اَم يِجّن ن سِّيّد يرزُّو اَذ يسَفر. ئِفّغ زِي ثدَّارْث نّس، ئِخدَّامن نّس يكلّف-يثن خ وَاݣْڒَا نّس كُڒ يجّن خ ڒْخذْمث نّس. ئِوصَّا اَعسَّاس ن ثوَّارْث اَذ يقِّيم يفَاق.

يوحنا 12:26

ونِّي يخْسن اَذَايِي يخْذم، ئِتْخصَّا اَذَايِي يذْفَار. مَانِي غَا يڒِيغ نش، أَذ يِيڒِي عَاوذ ذ اَخدَّام ينُو. ونِّي ذَايِي غَا يخذْمن، أَث يكَرّم بَابَا.

ڒخذايم 1:20

ئِقَّار لْكِتَاب ن زَّبُوْر: أَربِّـي اَذ يخْڒَا ثَدَّارْث ن ونِّي وَار ذَايس يزدّغ حَدّ. ئِقَّار عَاوذ: ڒْخذْمث نّس اَت يطّف يجّن نّغْنِي.

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

ڒخذايم 9:13

يَارَّا خَاس أَنَاس ينَّا-ٱس: "آ سِيذِي، نش خبَّرن-اَيي اَطَّاس ن يِوْذَان خ بْنَاذم-أَ شَاوُل، مشْحَاڒ يعدّب نتَّا ڒْمُوْمِنِين نّش صَّالِحِين ذِي لْقُدْس.

أيث-روما 1:1

نش ذ بُوْلُس اَخدَّام ن عِيْسَى لْمَسِيح، يݣَّا-ٱيِي-د أَربِّـي اَذ يڒِيغ ذ اَرَّسُوْل. تْوَاخْضَرغ حمَا ٱذ خْبَرغ س لْإِنْجِيل ن أَربِّـي،

أيث-روما 1:7

تَارِيغ إِ مَارَّا يمْعِيزّن ن أَربِّـي إِي يدْجَان ذِي ثنْدِينْت ن رُوْمَا يخْضَر-يكنِّيو اَذ تِيڒِيم ذ ڒْمُوْمِنِين صَّالِحِين. أَكِذْوم يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

1 أيث-كورينث 16:10

مڒَا يُوْسَا-د تِيْمُوْتَاوُس تْهلَّام ذَايس مْلِيح بَاش وَار ذَايس يتِيڒِي شَا ومْنُوْس ڒَاحقَّاش نتَّا يتݣّ ڒْخذْمث ن سِيذِيثْنغ اَمشْنَاو نش.

22 أيث-كورينث 1:1

ثَبْرَات-أَ زَّايِي نش بُوْلُس إِݣ يدْجَان ذ اَرَّسُوْل ن عِيْسَى لْمَسِيح س ڒْخَاضَر ن أَربِّـي، أَكِذِي ؤُمَاثْنغ تِيْمُوْتَاوُس. تَارِيغ إِ جْمَاعث ن ڒْمُوْمِنِين ن أَربِّـي يِنِّي يدْجَان ذِي ثنْدِينْت ن كُوْرِينْث ذ مَارَّا ڒْمُوْمِنِين صَّالِحِين عَاوذ إِݣ يدْجَان ذِي لْإِقْلِيم ن ؤُخَايَا اَمن-ثكْمَاڒ.

أيث-ݣلاطيا 1:10

شُوْف، نش مَا رزُّوْغ ڒخُّو اَخَافِي اَرْضَان يِوْذَان؟ لَّا، رزُّوْغ اَخَافِي يَارْضَا أَربِّـي! مَا نش رزُّوْغ اَذَاسن عجْبغ إِ يِوْذَان؟ لَّا، مَعْلِيك عَاذ رزُّوْغ اَذَاسن عجْبغ إِ يِوْذَان، أَتَاف نش وَار دْجِيغ شَا ذ اَخدَّام ن لْمَسِيح.

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-ؤفسوس 1:1

نش ذ بُوْلُس، نش ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي. ؤُرِيغ ثَبْرَات-أَ إِ صَّالِحِين إِي يدْجَان ذِي جْوَايه ن ؤُفَسُوْس إِي يُوْمْنن س عِيْسَى.

أيث-ؤفسوس 1:15

خ مَانَايَا، نش زݣ وَامِي تُوْغَا تسْڒِيغ خ لِإِيمَان نْوم زِي سِيذِيثْنغ عِيْسَى ذ ڒمْحِبّث نْوم إِ مَارَّا صَّالِحِين

أيث-ؤفسوس 6:24

أَذ يِيڒِي اَرْضَا إِ مَارَّا يِنِّي إِݣ يتْحِبَّان سِيذِيثْنغ عِيْسَى لْمَسِيح س يِجّن ن ڒمْحِبّث وَار ثْفنِّي شَا عمَّارْص.

أيث-فيليـپـي 2:19

تْمنِّيغ س عِيسَى لْمَسِيح اَذَاوم د سّكّغ تِيْمُوْتَاوُس ذغْيَا بَاش خْمِي ذَايِي د غَا يَارّ ڒخْبَار خَاوم اَذَايِي يسْفَرح.

أيث-فيليـپـي 2:5

أَرَّاي نْوم يتْخصَّا اَذ يِيڒِي اَم اَرَّاي ن عِيْسَى لْمَسِيح.

أيث-فيليـپـي 3:12

وَار يدْجِي شَا صَافِي طّْفغ مَارَّا ثِمسْڒَايِين نِّي نِغ صَافِي وَار ذَايِي بُو شَا ن ڒْعِيب؛ لَّا، نش عَاذ تْحَاوَاڒغ اَذ طّْفغ ثِمسْڒَايِين نِّي إِي زِي ذَايِي يطّف عِيْسَى لْمَسِيح.

أيث-فيليـپـي 3:3

شُوْف، ذ نشِّين إِݣ يدْجَان ذ طَّهَارث نِّي ن صَّح. يعْنِي نْعبّذ س أَرُّوْح ن أَربِّـي، غِير نْتفْتَخَر س عِيْسَى لْمَسِيح، وَار نتْرِيجِي شَا اَڒ لْحَسَانَات نّغ.

أيث-فيليـپـي 3:8

ذ صَّح حسّْبغ ثِمسْڒَايِين-أَ قَاع ذ ثَخْصَارْث خ سَّبَاب ن لْقِيمَا ثَمقّْرَانْت بَاش اَذ سّْنغ عِيْسَى لْمَسِيح نتَّا ذ سِيذِي. خ سَّبَاب نّس إِي خْصَرغ ثِمسْڒَايِين-أَ قَاعِين، حسْبغ-ثنْت ذ زّْبڒ بَاش اَذ ربْحغ عِيْسَى لْمَسِيح.

1 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس. نْتَارِي ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ. أَكِذْوم يِيڒِي اَرْضَا ذ ڒهْنَا.

1 أيث-سلونيك 2:2

ذِي ثنْدِينْت ن فِيلِيپِّـي ثسّْنم بلِّي تْعدَّان خَانغ ذِنِّي تْبُوْصَارن خَانغ. وَلَكِن نشِّين نْزَعم اَكِذْوم، تُوْغَا يتْعَاوَان-اَنغ أَربِّـي بَاش أَ نْبشَّر جَارَاوم س لْإِنْجِيل وَاخَّا شَان يِوْذَان تْعَارَّاضن-اَنغ.

2 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس، نُوْرَا ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

2 أيث-سلونيك 1:10

مَانَايَا اَذ يوْقع ذِي يُوْم نِّي إِي د غَا يَاس سِيذِيثْنغ بَاش اَذ يتْوَاسمْغَار جَار صَّالِحِين نّس، نتَّا اَزَّايس تْعجّْبن مَارَّا يِنِّي يُوْمْنن، ذَايْسن كنِّيو مِينْزِي ثُوْمْنم زِي مِين خَاس نشْهذ.

1 تيموتاوس 1:2

تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي ذ صَّح ذِي لْإِيمَان. أَكِذش يِيڒِي اَرْضَا ذ اَرَّاحْمث ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

1 تيموتاوس 3:8

أَمنِّي عَاوذ يمْسخَّارن أُو لَابُد اَذ يڒِين مْوقّرِين اَغَارْسن يِيڒِي وَاوَاڒ، أَتَاف وَار سسّن شَا اَطَّاس ن شّْرب وَار ظمّْعن شَا ذِي ڒوْسخ ن دُّنشْت-أَ.

ثبرات غار تيتوس 1:1

نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.

ثبرات غار تيتوس 1:7

أَقَا اَرَّايس ن جْمَاعث يتْكلَّاف نتَّا س لْمسْؤُلِيَا زِي أَربِّـي أُو لَابُد اَذ يِيڒِي بْڒَا ڒْعِيب، وَار ذَايس يتِيڒِي بُو تَّكبُّر، وَار يتْعصِّيب شَا ذغْيَا، وَار يسكَّر شَا س شّْرب، وَار يشِّيث شَا، وَار يضمّع شَا ذِي تْمنْيَاث.

ثبرات غار فليمون 1:1

نش ذ بُوْلُس اَقَايِي ذ اَمحْبُوْس عْلَاحْسَاب عِيْسَى لْمَسِيح اَكِذِي ؤُمَاثْنغ تِيْمُوْتَاوُس. تَارِيغ ثَبْرَات-أَ إِ فِلِيْمُوْن يدْجَان ذ اَمْعَاشَر نّغ إِي خَانغ يعِيزّن،

يعيبرانيين 13:23

ئِتْخصَّا اَذ تسّْنم بلِّي ضڒْقن-اَس-د إِ وُوْمَاثْنغ تِيْمُوْتَاوُس. أَكنِّيو ࢲرغ اَكِذس يعْنِي مڒَا يُوْسَا-د ذغْيَا.

ثبرات غار يعقوب 1:1

نش ذ يَعْقُوْب ذ ڒْعَبْذ ن أَربِّـي ذ ڒْعَبْذ ن سِيذِيثْنغ عِيْسَى لْمَسِيح، تْسدْجَامغ خ ثنْعَاش ن ثْقبَّاڒ ن ڒْمُوْمِنِين إِي يتمْزدْجَاعن خ ثْمُوْرَا.

1 بطرس 2:25

تُوْغَا كنِّيو اَم يحُوْڒِيْين يتْودَّرن، ڒخُّو ثْذوْڒم-د غَار ونِّي إِي كنِّيو يرَاسّن يتْكلَّافن زِي ڒَعْمَار نْوم.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

ثبرات زي يهوذا 1:1

نش ذ يَهُوْذَا ذ اَخدَّام ن عِيْسَى لْمَسِيح، نش ذ ؤُمَاس ن يَعْقُوْب. تَارِيغ ثَبْرَات-أَ إِ يِنِّي إِي د يتْوَارَاغَان، ئِتْحِبَّا-ثن أَربِّـي بَابَاثْنغ، ئِحطَّا-ثن عِيْسَى لْمَسِيح.

لواحي ن يوحنا 1:1

وَانِيتَا ذ لْوَحِي ن عِيْسَى لْمَسِيح. يُوْشَا-اَس-ث أَربِّـي حمَا اَث يسْمظْهَار إِ يِنِّي ث يعَبّْذن. مَانَايَا يتْخصَّا أُو لَابُد اَذ يوْقع ذغْيَا. لْمَسِيح يسّكّ لْمَلَاك نّس اَذ يخبَّر مَانَايَا إِ ڒْعَبْذ نّس قَّارن-اَس يُوْحَنَّا.

لواحي ن يوحنا 1:20

مِين يعْنَا ڒْمَعْنَا ينُوْفّرن ن سبْعَا ن يِيثْرَان نِّي إِي ثࢲْرِيذ ذݣ وفُوْس ينُو اَفُوْسِي ذ سبْعَا نِّي ن ڒقْنَاذڒ؟ سبْعَا نِّي ن يِيثْرَان، يعْنِي نِثْنِي ذ سبْعَا ن لْمَلَائِكَاث ن ثْجُمَاع ن ڒْمُوْمِنِين. سبْعَا نِّي ن ڒقْنَاذڒ، يعْنِي نِثْنِي ذ سبْعَا ن ثْجُمَاع ن ڒْمُوْمِنِين."

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."

لواحي ن يوحنا 2:12

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن بَرْغَامُوْس، إِنِي-يَاس قَا ونِّي غَار يدْجَا سِّيف يقْضع خ ثْنَاين ن جِّهَاث، ئِقَّار-اَش:

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش:

لواحي ن يوحنا 22:9

ينَّا-ٱيِي: "لَّا! قَا نش ذ ڒْعَبْذ، أَم نش اَم شك اَم أَيثْمَاش لْأَنْبِيَا ذ مَارَّا يِنِّي يتݣّن اَرَّاي إِ وَاوَاڒن ن لْكِتَاب-أَ. سجّذ-اَس إِ أَربِّـي."