3 ينَّا-ٱس عِيْسَى إِ ورْيَاز نِّي إِي غَار يدْجَا فُوْس يمُّوْث: "بدّ ذِي ڒْوسْط."
يُوْفَا ذِنِّي يجّن ن ورْيَاز فُوْس نّس يمُّوْث. ڒخْدّنِّي سّقْسَان عِيْسَى رزُّوْن اَث تَاهْمن نَّان-اَس: "مَا حَلَال اَذ تسْݣنْفِيذ شَان يِجّن ذِي نْهَار ن سّبْت ن لْعِبَادَا مَا لَّا؟"
تْلَاحَاضن خَاس مَا ٱث يسْݣنْفَا مَا لَّا ذِي نْهَار ن سّبْث ن لْعِبَادَا حمَا اَث تَاهْمن.
ئِسّقْسَا-ثن عِيْسَى ينَّا-ٱسن: "نْهَار ن لْعِبَادَا مَا حَلَال أَ نݣّ ڒْخِير نِغ أَ نݣّ شَّرّْ؟ أَ نْسنْجم نّفْس نِغ اَث نْنغ؟" وَلَكِن نِثْنِي سْقَارن.
عِيْسَى يسّن مِين غَارْسن ذِي ڒَعْقُوْڒَاث نْسن، ينَّا-ٱس إِ ورْيَاز نِّي إِي غَار يدْجَا فُوْس يمُّوث: "كَّر بدّ ذِي ڒْوسْط." أَرْيَاز نِّي يكَّر يبدّ ذِنِّي.
خْمِي يتِيڒِي ذ نْهَار، ئِتْخصَّا-يَانغ أَ نخْذم ڒخْذَايم ن ونِّي إِي ذَايِي د يسّكّن. خْمِي د تَاوض دْجِيڒث، وَار يزمَّر ؤُڒَا ذ يجّن اَذ يخْذم.
س مَانَايَا آي أَيثْمَا يمْعِيزّن ينُو، بدّث نِيشَان مَاشِي اَكنِّيو سنْهزّن. ݣّث لْمجْهُوْد نْوم ڒبْدَا ذِي ڒْخذْمث ن سِيذِيثْنغ، قَا ثسّْنم بلِّي ڒْخذْمث نْوم ذِي سِيذِيثْنغ مَاشِي ذ ڒْبَاطڒ.
إِيوَا يتْخصَّا وَار نْتِيحڒ شَا ذِي ڒخْذَايم ن ڒْخِير. مَايمِّي؟ ڒَاحقَّاش اَڒ ڒْوقْث نِّي نِيشَان ن ومْجَار أَ نمْجَار يعْنِي مڒَا وَار نفْشِيڒ شَا.
خ سَّبَاب ن سْنَاسڒ-أَ ينُو اَزْين اَمقّْرَان ن أَيثْمَا تْوَاشجّْعن بَاش اَذ سِّيوْڒن س وَاوَاڒ ن أَربِّـي س يِجِّن ن زْعَامث حْسن زِي قْبڒ بْڒَا ثِيݣّْوْذِي.
فَا عِيْسَى لْمَسِيح يتْوَاعدّب ذِي دَّات نّس. خ مَانَايَا عَاوذ كنِّيو اَذ تسْجهْذم يخف نْوم س اَرَّاي نِّي نّس. مَايمِّي؟ مڒَا ثتْوَاعدّْبم ذِي دَّات نْوم، صَافِي ثْبعّْذم عَاوذ خ ڒْمُعْصِيّث.