مرقس 14:72 - ثريفيث 2020

⁷² ڒخْدّنِّي يدّن ويَازِيض ثْوَاڒَا وِيس ثْنَاين، ئِفكَّر-د بُطْرُس اَوَاڒ نِّي ن عِيْسَى وَامِي ذَاس ينَّا: قْبڒ مَا ٱذ يدّن ويَازِيض مَرّْثَاين اَذَايِي ثنْكَرذ تْڒَاثَا ن ثْوَاڒَاثِين. وَامِي يفكَّر ذِي مَانَاينِّي يرُو يمطَّاون ذ يمدْجَاحن اَطَّاس.

مرقس 14:72 Σταυροειδείς Αναφορές

مرقس 14:30

يَارَّا خَاس عِيْسَى ينَّا-ٱس: "أَقَا تسْڒِيذ ڒْحَقّ: ثَا، دْجِيڒث-أَ قْبڒ مَا ٱذ يدّن ويَازِيض مَرّْثَاين اَتَاف اَذَايِي ثنْكَرذ ثْڒَاثَا ن ثْوَاڒَاثِين."

مرقس 14:68

ينْكَر بُطْرُس ينَّا-ٱس: "وَار فْهِيمغ شَا وَار سِّينغ شَا مِينْخف ثْسَّاوَارذ!" ئِفّغ بُطْرُس يرُوْح طَّارْف ن ثوَّارْث ن ڒمْرَاح. {ڒخْدّنِّي يدّن ؤُيَازِيض.}

22 أيث-كورينث 7:10

شُوْف، أَخِيّق زِي أَربِّـي يتَارو-د تُّوْبَا، تُّوْبَا-يَا ثْندّه-يكنِّيو اَذ تْنجْمم وَار تجِّي بُو نْدَامث. أَخِيّق زِي دُّنشْت-أَ لَّا، يتَارو-د ڒْموْث.

لوقا 22:62

ئِفّغ غَار بَارَّا يرُو يمطَّاون ذ يمدْجَاحن اَطَّاس.

لوقا 22:60

ينَّا-ٱس بُطْرُس: "آ بْنَاذم، نش وَار سِّينغ شَا مِينْخف ثسَّاوَاڒذ شك!" نتَّا وَامِي تُوْغَاث عَاذ يسَّاوَاڒ، ڒخْدّنِّي يدّن ويَازِيض.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:34

ينَّا-ٱس عِيْسَى: "أَقَا تسْڒِيذ ڒْحَقّ: ثَا، دْجِيڒث-أَ قْبڒ مَا ٱذ يدّن ؤُيَازِيض اَتَاف اَذَايِي ثنْكَرذ ثْڒَاثَا ن ثْوَاڒَاثِين."

مرقس 14:71

ئِكَّر بُطْرُس يبْذَا يتْحَرّم يخف نّس يتْجَادْجَا يقَّار-اَسن: "أَرْيَاز-أَ إِي خف ثْسَّاوَاڒم نش وَار ث سِّينغ شَا!"