لوقا 5:1 - ثريفيث 2020

¹ ئِجّن ن نْهَار يبدّ عِيْسَى غَار ڒبْحَر ن ݣَنِيسَارَت، مْزَاحَامن خَاس ڒْغَاشِي بَاش اَذ سْڒن إِ وَاوَاڒ ن أَربِّـي.

لوقا 5:1 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 11:12

زِي ڒْوقْث ن يَحْيَى اَڒ ڒخُّو يوْذَان تمْذحَّاسن اَذ اَذْفن ذِي ڒْمُلْك وجنَّا، يرْيَازن تْمنْغَان بَاش اَغَارْسن يِيڒِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 14:34

وَامِي يزْوَا عِيْسَى نتَّا ذ يمحْضَارن نّس ڒبْحَر، ؤُوْضن غَار ثْمُوْرْث ن ݣَنِيسَارَت.

مرقس 3:9

ينَّا-ٱسن عِيْسَى إِ يمحْضَارن نّس: سْوجْذم-اَيِي يجّن ن ثْغَرَّابُوْت حمَا وَار خَافِي تمْزِيحِيمن ڒْغَاشِي-يَا.

مرقس 4:1

عَاوذ يبْذَا عِيْسَى يسڒْمَاذ خ طَّارْف ن ڒبْحَر. مُوْنن-د خَاس اَطَّاس ن ڒْغَاشِي، ئِكَّر نتَّا ينْيَا ذݣ يِجّن ن ثْغَرَّابُوت ذِي ڒْوسْط ن وَامَان يقِّيم ذَايس، ئِوْذَان قِّيمن مَارَّا ذِي ڒْبَرّ خ طَّارْف ن ڒبْحَر.

مرقس 5:24

ئِرُوْح اَكِذس ذْفَارن-ت اَطَّاس ن ڒْغَاشِي تمْزَاحَامن خَاس.

مرقس 6:53

ئِࢲْوَا عِيْسَى ذ يمحْضَارن نّس ڒبْحَر، ؤُوْضن غَار ثْمُوْرْث ن ݣَنِيسَارَت قّْنن ذِنِّي ثَغَرَّابُوت.

لوقا 12:1

ڒخدّْنِّي مُوْنن اَطَّاس ن ؤُڒُوْفَاث ن يِوذَان اَڒ وَامِي ذوْڒن عفّْسن خ وَايَاوْيَا. ئِبْذَا عِيْسَى يقَّار-اَسن إِ يمحْضَارن نّس: "حْضَام يخف نْوم زِي نِّفَاق ن ڒْحِزب ن يفَرِّيسِيْين يدْجَان اَم ونْتُوْن.

لوقا 5:2

يُوْفَا ثْنَاين ن ثْغَرُّوْبَا بدّنْت خ طَّارْف ن ڒبْحَر. تُوْغَا هْوَان-د زَّايْسنْت يحدْجَاقن ن يسڒْمَان بَاش اَذ عذْڒن ثِرَاشِّيوِين نْسن.

لوقا 8:22

ئِجّن ن نْهَار ينْيَا عِيْسَى ذِي ثْغَرَّابُوْت اَك يمحْضَارن نّس ينَّا-ٱسن: "يَالَّاه أَ نزْوَام غَار وجمَّاض-ين ن ڒبْحَر." رُوْحن،

لوقا 8:23

وَامِي ؤُيُوْرن ذِي ڒبْحَر، عِيْسَى يكَّا خَاس يِضص. عْلَاغَفْلَا يكَّر-د يجّن ن اَرِّيح يجْهذ اَطَّاس ذِي ڒبْحَر، ثبْذَا ثْغَرَّابُوْت تْعمَّر س وَامَان ؤُوْضن-د ذݣ يِجّن ن لْخَطَر.

لوقا 8:33

فّْغن جْنُوْن زِي بْنَاذم نِّي ؤُذْفن ذݣ يِيڒْفَان. ثهْوَا ثْحِيمرْث نِّي خ وذْرَار غَار ڒبْحَر ثغْرق ذِنِّي.

لوقا 8:45

ينَّا عِيْسَى: "وِي ذَايِي يحَاذَان؟" مَارَّا إِذْسن نْكَرن. ينَّا-ٱس بُطْرُس: "آ لْمُعَلِّم، قَا مَارَّا يِوْذَان-أَ تمْزَاحَامن خَاش!"

يوحنا 1:40

ئِجّن زِي ثْنَاين نِّي ن يمحْضَارن قَّارن-اَس أَنْدْرُوْس، ؤُمَاس ن سِمْعَان بُطْرُس، يسْڒَا إِ وَاوَاڒ ن يَحْيَى يذْفَار عِيْسَى.

يوحنا 6:1

منْبَعْد إِ مَانَايَا يرُوْح عِيْسَى اَذ يࢲْوَا ڒبْحَر ن لْجَالِيل (قَّارن-اَس إِ ڒبْحَر نِّي طَبَرْيَا).

يعيبرانيين 13:7

عقْڒث خ يِنِّي إِي خَاوم يتْرَايَّان يعْنِي يِنِّي يسِّيوْڒن اَكِذْوم س وَاوَاڒ ن أَربِّـي. فكَّرث ذِي مِين ؤُرْون نِثْنِي س ثُوْذَارْث نْسن، ݣّث مَامّش إِي ݣِّين نِثْنِي س لْإِيمَان نْسن.