لوقا 4:31 - ثريفيث 2020

³¹ ئِرُوْح عِيْسَى غَار وبِيلَاج ن كَفرْنَاحُوم إِݣ يدْجَان ذِي ثْمُوْرْث ن لْجَلِيل، ئِبْذَا يسڒْمَاذ يوْذَان ذِنِّي ذِي نْهَار ن لْعِبَادَا نْسن كُڒ سّبْث.

لوقا 4:31 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 10:23

مڒَا عَدّْبن-كنِّيو ذِي شَان ثنْدِينْت، اَروْڒم غَار ثْنّغْنِي. أَقَا تسْڒَام ڒْحَقّ: أَذ د يَاس مِّيس ن بْنَاذم، أَتَاف كنِّيو عَاذ وَار ثْكمّْڒم خ مِين كنِّيو وصِّيغ ذِي ثْندَّام ن أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:13

وَلَكِن وَار يقِّيم شَا ذِي نَاصِرَا، ئِرُوْح اَذ يزْذغ ذݣ يِجّن ن وبِيلَاج قَّارن-اَس كَفرْنَاحُوْم إِݣ يدْجَان خ طَّارْف ن ڒبْحَر ن لْجَلِيل، جِّهث ن ثْمُوْرْث ن زَفُلُوْن ذ نَفْتَالِي.

لوقا 4:23

ينَّا-ٱسن عِيْسَى: "بْڒَا شّكّ اَذَايِي ثِينِيم ڒْمَعْنَا-يَا: شك آي اَضْبِيب مْڒِي ثدَّاوِيذ، إِڒِي ثدَّاوِيذ يخف نّش. أَذَايِي ثِينِيم عَاوذ قَا مِين نسْڒَا يوقْعن ذݣ وبِيلَاج ن كَفرْنَاحُوْم، ڒخُّو مَانَاينِّي اݣّ-يث ؤُڒَا ذَانِيتَا ذِي ثْمُوْرْث نّش."

ڒخذايم 13:50

وَلَكِن يسْرَائِيلِيْين سَامَرن ثِمْغَارِين إِي ذَايْسنْت دِّين غَارْسنْت لْمَرْتَبَا، عَاوذ سَامَرن يمقّْرَانن ن ثنْدِينْت. تݣّن سَّبَاب إِ يِوْذَان حمَا اَذ عدّْبن بُوْلُس ذ بَرْنَابَا أُوْشَا ؤُزّْڒن خَاسن زِي جِّهث نِّي.

ڒخذايم 18:4

مْكُڒ نْهَار ن سّبْث ن لْعِبَادَا بُوْلُس يتمْنَاقَاش اَك أَيث-إِسْرَائِيل ذ ييُوْنَانِيْين ذِي ثمْزِيذَا بَاش اَثن يسقْنع.