يوحنا 9:18 - ثريفيث 2020

¹⁸ وَلَكِن عَاذ وَار ؤُمِينن شَا يسْرَائِيلِيْين نِّي بلِّي نتَّا تُوغَاث ذ اَضَرْغَاڒ يذْوڒ يتْوَاڒَا حتَّا وَامِي د ڒَاغَان إِ لْوَالِدِين نّس.

يوحنا 9:18 Σταυροειδείς Αναφορές

لوقا 16:31

ينَّا-ٱس بْرَاهِيم: لَّا، مڒَا نِثْنِي وَار تسْڒِين شَا إِ مُوْسَى ذ لْأَنْبِيَا، وَاخَّا يكَّر-د شَان يِجّن زِي ڒْموْث اَتَاف وَار ثن يسْنقْنِيع شَا."

يوحنا 1:19

ذ ثَا ذ شْهَاذث ن يَحْيَى وَامِي غَارس د سّكّن يسْرَائِيلِيْين شَان ن ڒْفُقَهَا ذ شَان ن شُّرْفَا ن أَيْث-لَاوِي زِي ثنْدِينْت ن لْقُدْس حمَا اَث سّقْسَان نَّان-اَس مِين ثعْنِيذ شك؟

يوحنا 5:44

مَامّش غَا ثݣّم اَذ تَامْنم؟ إِيوَا كنِّيو تخْسم لْعَظَمَا ن وَايَاوْيَا، وَار ثْرزُّوْم شَا خ لْعَظَمَا ن أَربِّـي اَوحْذَانِي.

يوحنا 9:19

نَّان-اَسن: "مَا ذ وَانِيتَا ذ مِّيثْوم إِي ثقَّارم يخْڒق-د ذ اَضَرْغَاڒ؟ مَامّش يݣَّا ڒخُّو نتَّا يِتْوَاڒَا؟"

يوحنا 9:22

نَّان لْوَالِدِين نّس اَمنِّي مِينْزِي ݣّْوْذن زݣ يمقّْرَانن ن أَيث-إِسْرَائِيل. تُوْغَا يمقّْرَانن نِّي تَافْقن بلِّي ونِّي غَا يشهْذن عِيْسَى ذ لْمَسِيح، أَث طرْدن زِي ثمْزِيذَا.

يعيبرانيين 4:11

إِذن وَا لَابُد أَ نݣّ لْمجْهُوْد نّغ بَاش أَ نَاذف ذِي اَرَّاحث نِّي حمَا ؤُڒَا ذ يجّن وَار يوطِّي ذِي نّفْس ن ڒْمُعْصِيّث.