يوحنا 2:13 - ثريفيث 2020

¹³ وَامِي د يُوْوض ڒْعِيذ اَمقّْرَان ن أَيث-إِسْرَائِيل، ئِكَّر عِيْسَى يُوْڒِي غَار ثنْدِينْت ن لْقُدْس.

يوحنا 2:13 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 21:12

يُوْذف عِيْسَى غَار ثمْزِيذَا ثَمقّْرَانْت يُوْزّڒ خ مَارَّا خ يِنِّي يسَّاغن ذ يِنِّي يزْنُوْزَان. ئِقْڒب-اَسن مِيسَّاث ن يِنِّي يتْصَرَّافن تْمنْيَاث ذ ڒكْرَاسَا ن يِنِّي يزْنُوْزَان يذْبِيرن.

مرقس 11:15

صَافِي ؤُوْضن غَار ثنْدِينْت ن لْقُدْس. يُوْذف عِيْسَى غَار ثمْزِيذَا ثَمقْرَانْت يبْذَا يتَازّڒ خ يِنِّي يسَّاغن ذ يِنِّي يزْنُوْزَان ذِنِّي ذِي ثمْزِيذَا. ئِقْڒب-اَسن مِيسَّاث ن يِنِّي يتْصَرَّافن تْمنْيَاث ذ ڒكْرَاسَا ن يِنِّي يزْنُوْزَان يذْبِيرن.

لوقا 19:45

سّنِّي يُوْذف غَار ثمْزِيذَا ثَمقّْرَانْت ن أَيث-إِسْرَائِيل يبْذَا يتَازّڒ خ يِنِّي يزْنُوْزَان ذِنِّي.

لوقا 2:41

لْوَالِدِين نّس تْرَاحن مْكُڒ اَسݣّْوَاس غَار لْقُدْس ذِي ڒْعِيذ اَمقّْرَان ن أَيث-إِسْرَائِيل.

يوحنا 11:55

ئِقَارّب-د ڒْعِيذ اَمقّْرَان ن أَيث-إِسْرَائِيل. ؤُسِين-د اَطَّاس ن يِوْذَان زِي ڒدْشُوْر غَار لْقُدْس حمَا اَذ طهَّارن يخف نْسن قْبڒ إِ ڒْعِيذ.

يوحنا 13:1

قْبڒ إِ ڒْعِيذ اَمقّْرَان، نتَّا عِيْسَى يسّن قَا ڒْوقْث نّس ثُوْوض-د اَذ يمُوْتِّي زِي دُّنشْت-أَ غَار بَابَاس. نتَّا يحِبّ يِنِّي يدْجَان اَكِذس ذِي دُّنشْت، ئِحِبّ-يثن اَڒ ونݣَّارُو.

يوحنا 2:23

وَامِي يدْجَا ذِي ثنْدِينْت ن لْقُدْس ذِي ڒْعِيذ اَمقّْرَان ن أَيث-إِسْرَائِيل، أَطَّاس ن يِوْذَان إِي زَّايس يُوْمنن زݣ يِيسم نّس وَامِي ࢲْرِين لْمُعْجِيزَاث إِݣ يتݣّ.

يوحنا 5:1

منْبَعْد إِ مَانَايَا يݣَعّذ عِيْسَى غَار ثنْدِينْت ن لْقُدْس ذݣ يِجّن ن ڒْعِيذ ن أَيث-إِسْرَائِيل.

يوحنا 6:4

ڒْعِيذ اَمقّْرَان ن أَيث-إِسْرَائِيل وَار ذَاس يقِّيم شَا اَذ د يَاوض.