يوحنا 12:3 - ثريفيث 2020

³ ثيْسِي-د مَرْيَم اَزْين ن لِيتْرُو ن وَامَان ن لْوَرْذ صْفَان زݣ يِنِّي يغْڒَان س وَاطَّاس، ثذْهن-اَس إِ عِيْسَى يضَارن نّس، ثمْسح-اَس يضَارن نّس س وشوَّاف نّس. ثَدَّارْث مَارَّا ثشُّوْر س اَرِّيحث ن وَامَان نِّي ن لْوَرْذ.

يوحنا 12:3 Σταυροειδείς Αναφορές

لوقا 7:46

شك وَار ذَايِي ثذْهِينذ اَزدْجِيف ؤُڒَا س زّشْت. نتَّاث ثذْهن-اَيِي يضَارن ينُو س وَامَان ن لْوَرْذ.

يوحنا 11:2

مَرْيَم ذ نتَّاث إِݣ يذهْنن يضَارن ن عِيْسَى س وَامَان ن لْوَرْذ ثمْسح-اَس-ثن س وشوَّاف نّس. ؤُمَاس ن مَرْيَم لِعَازَر يهْڒش.

يوحنا 11:28

وَامِي ثنَّا مَانَايَا، ثْرُوْح ثْڒَاغَا-د إِ وتْشْمَاس س ڒْحسّ ثنَّا-ٱس: "لْمُعَلِّم يُوْسَا-د يرزُّو خَام."

يوحنا 11:32

وَامِي د تُوْسَا مَرْيَم مَانِي يدْجَا عِيْسَى، ثࢲْرِي-ث ثوْضَا-يَاس غَار يضَارن نّس ثنَّا-ٱس: "آ سِيذِي، مَعْلِيك اَقَاش ذَانِيتَا إِڒِي وَار يمُّوْث شَا ؤُمَا."

يوحنا 19:39

يُوْسَا-د ڒَا ذ نِيْكُوْدِيْم، أَرْيَاز نِّي تُوْغَا إِݣ يݣِّين زِّيَارَا يجّن ن ثْوَاڒَا س دْجِيڒث غَار عِيْسَى. ڒخُّو يُوْوِي-د اَكِذس شَان تخْلِيطَا ذَايس أَرْبعَا و ثْڒَاثِين كِيلُو ن مُوْرّْ ذ وكشُّوْض ن لْعُوْد تݣّن-ت يسْرَائِيلِيْين إ يِنِّي يمُّوْثن.