يوحنا 10:4 - ثريفيث 2020

⁴ أَذ يسُوْفغ مَارَّا يحُوْڒِيْين نّس يݣُّوْر زَّاثْسن، ئِحُوْڒِيْين نِّي ذفَّارن-ث مِينْزِي سّْنن صُّوْت نّس.

يوحنا 10:4 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 16:24

سّنِّي يسِّيوڒ عِيْسَى اَك يمحْضَارن نّس ينَّا-ٱسن: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس اَذ يكسِّي صَّلِيب نّس اَذَايِي يذْفَار.

يوحنا 10:16

غَاري يحُوْڒِيْين نّغْنِي وَار دْجِين شَا ذِي ڒْكُوْرِي-يَا، ئِتخصَّا-ٱيي اَثن د اَوِيغ. أَذ سْڒن إِ صُّوْت ينُو اَذ تِيڒِي ذ يجّن ن ثْحِيمرْث ذ يجّن إِي ثن غَا يَروْسن.

يوحنا 10:27

ئِحُوْڒِيْين ينُو تسْڒَان غَار صُّوْت ينُو، سّْنغ-ثن نِثْنِي ذفَّارن-اَيي.

يوحنا 10:3

أَعسَّاس ن ڒْكُوْرِي اَذَاس يرْزم ثَوَّارْث إِ ونِّي إِي يَروّْسن، ئِحُوْڒِيْين نّس تسْڒَان إِ صُّوْت نّس. ئِتْڒَاغَا خ يحُوْڒِيْين نّس س يِيسمَاون نْسن، أَثن يسُوْفغ.

يوحنا 10:5

وَلَكِن اَثَرَّاس ن مِيدّن وَار ث ذفَّارن عمَّارْص، اَزَّايس اَروْڒن مِينْزِي نِثْنِي وَار سِّينن شَا صُّوْت ن وثَرَّاس ن مِيدّن."

يوحنا 10:8

مَارَّا يِنِّي د يُوْسِين قْبڒ إِ نش نِثْنِي تْوَاحَاسْبن ذ يشفَّارن ذ يخوَّانن، ئِحُوْڒِيْين نِثْنِي وَار غَارْسن سْڒِين شَا.

يوحنا 12:26

ونِّي يخْسن اَذَايِي يخْذم، ئِتْخصَّا اَذَايِي يذْفَار. مَانِي غَا يڒِيغ نش، أَذ يِيڒِي عَاوذ ذ اَخدَّام ينُو. ونِّي ذَايِي غَا يخذْمن، أَث يكَرّم بَابَا.

يوحنا 13:15

ݣِّيغ-اَوم اَمُّو حمَا اَذ تݣّم مِين ݣِّيغ نش.

يوحنا 18:37

ينَّا-ٱس بِيلَاطُوْس: "زَعْمَا، شك ذ اَزدْجِيذ؟" ينَّا-ٱس عِيْسَى: "ثنِّيذ شك نش ذ اَزدْجِيذ. نش خڒْقغ-د ؤُسِيغ-د غَار دُّنشْت-أَ حمَا اَذ شهْذغ إِ لْحَقِيقَا. مَارَّا ونِّي يدْجَان زِي لْحَقِيقَا اَذ يذْفَار اَوَاڒ ينُو."

يوحنا 3:29

ونِّي غَار ثدْجَا ثسْڒِيث، نتَّا ذ مُوْڒَاي. أَوْزِير ن مُولَاي يعْنِي ونِّي يتْبدَّان زَّاثس يتْسْڒَا-يَاس، نتَّا يفَرّح اَطَّاس إِ وَاوَاڒ ن مُوْڒَاي. أَمُّو ؤُڒَا ذ نش فَرْحغ اَطَّاس.

1 أيث-كورينث 11:1

ذفَّارم-اَيِي-د مَامّش ذفَّارغ نش لْمَسِيح.

أيث-ؤفسوس 5:1

فَلِيهَذَا ݣّم مَامش يتݣّ أَربِّـي مِينْزِي كنِّيو ذ ثَارْوَا نّس يمْعِيزّن.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

يعيبرانيين 6:20

ذݣ ومْشَان نِّي يُوْذف عِيْسَى ذِنِّي ذ اَمزْوَارُو عْلَاحْسَاب نشِّين، ئِذْوڒ ذ ڒفْقِي اَمقّْرَان إِ ڒبْدَا اَمشْنَاو لْفِرْقَا نِّي ن ڒفْقِي ؤُمِي قَّارن مَلِكِيصَادِق.

1 بطرس 2:21

ئِڒَاغَا-يَاوم-د أَربِّـي غَار مَانَايَا مِينْزِي لْمَسِيح يتْوَاعدّب عْلَاحْسَاب كنِّيو؛ ئِجَّا-ٱوم-د يجّن ن لْمِثَال اَث تْذفَّرم ذݣ يسُوْرِيفن نّس.

1 بطرس 4:1

فَا عِيْسَى لْمَسِيح يتْوَاعدّب ذِي دَّات نّس. خ مَانَايَا عَاوذ كنِّيو اَذ تسْجهْذم يخف نْوم س اَرَّاي نِّي نّس. مَايمِّي؟ مڒَا ثتْوَاعدّْبم ذِي دَّات نْوم، صَافِي ثْبعّْذم عَاوذ خ ڒْمُعْصِيّث.

1 بطرس 5:3

مَاشِي اَخَاسن ثْحكْمم س ؤُزِيَّار خ يِنِّي إِي خف تْكلَّافم؛ لَّا، أَذ تِيڒِيم ذ لْمِثَال إِ ثْحِيْمرْث إِي غَا تبْعن.