يوحنا 10:10 - ثريفيث 2020

¹⁰ نتَّا اَشفَّار يتَاس-د غِير اَذ يَاشَار اَذ ينغ اَذ يهْذم. نش ؤُسِيغ-د حمَا اَغَارْسن ثِيڒِي ثُوْذَارْث نِّي ن ثُوذَارْث بْڒَا ڒقْيَاس.

يوحنا 10:10 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 18:10

غَارْوم اَذ تْحݣَّرم شَان حَدّ زݣ يمزْيَانن-أَ. قَّارغ-اَوم: لْمَلَائِكَاث نْسن ذݣ وجنَّا ڒبْدَا خزَّرنْت بَابَا يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:11

{لِأَنَّا مِّيس ن بْنَاذم يُوْسَا-د اَذ ينجَّا يِنِّي يودَّارن.}

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

أَسڒْمذ ن سِيذِيثْنغ عِيْسَى لْكِتَاب ن مَتَّى 21:13

ينَّا-ٱسن: "لْكِتَاب يقَّار: <ثَدَّارْث ينُو اَذ تِيڒِي ذ ثَدَّارْث ن ثْࢲَادْجِيث.> وَلَكِن كنِّيو ثَارِّيم-تث ذ يفْرِي ن يخوَّانن."

أَسڒْمذ ن سِيذِيثْنغ عِيْسَى لْكِتَاب ن مَتَّى 23:13

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تقّْنم ثَوَّارْث ن ڒْمُلْك وجنَّا خ يِوْذَان. كنِّيو وَار تِيذْفم، وَار تجِّيم وِي غَا يَاذْفن.

مرقس 11:17

ئِسڒْمَاذ-يثن ينَّا-ٱسن: "مَا يقَّار لْكِتَاب مَا لَّا بلِّي <ثَدَّارْث ينُو اَذ تِيڒِي ذ ثَدَّارْث ن ثْࢲَادْجِيث إِ مَارَّا ڒݣْنُوس>؟ وَلَكِن كنِّيو ثَارِّيم-تث ذ يفْرِي ن يخوَّانن."

لوقا 19:10

مِّيس ن بْنَاذم يُوْسَا-د حمَا اَذ يرْزُو اَذ يسنْجم يِنِّي يودَّرن."

يوحنا 10:1

"أَقَا تسْڒَام ڒْحَقّ: ونِّي وَار يتِيذْفن شَا زِي ثوَّارْث ن ڒْكُوْرِي ن يحُوْڒِيْين يتْݣَعَّاذ مَانِيس نّغْنِي، نتَّا يتْوَاحْسَاب ذ اَشفَّار ذ اَخوَّان.

يوحنا 10:11

نش إِݣ يَروّْسن ذ صَّح. ونِّي إِݣ يَروّْسن ذ صَّح يتْصدَّاق ثُوْذَارْث نّس خ يحُوْڒِيْين نّس.

يوحنا 12:47

ونِّي غَا يسْڒن إِ وَاوَاڒ ينُو وَار ذَاس يتْطِيعِي شَا اَتَاف نش وَار ث تْحِسِيبغ شَا. أَقَا نش وَار د ؤُسِيغ شَا اَذ حَاسْبغ دُّنشْت؛ لَّا، ؤُسِيغ-د حمَا اَذ سنْجْمغ دُّنشْت.

يوحنا 12:6

وَامِي ينَّا اَمُّو مَاشِي زِيدْجْزن-اَس يمسْعَان؛ لَّا، نتَّا ذ اَشفَّار مْكلّف خ وشمُّوْس ن تْمنْيَاث يتَاشَار زِي مِين ذِن سْرُوْسَان.

يوحنا 3:17

أَربِّـي وَار د يسّكّ شَا مِّيس غَار دُّنشْت حمَا اَذ يحَاسب يوْذَان؛ لَّا، يسّكّ-يث-يذ حمَا اَزَّايس يسنْجم يوْذَان.

يوحنا 5:40

وَاخَّا اَمنِّي كنِّيو وَار ثْخِيسم شَا اَغَارِي د تَاسم حمَا اَغَارْوم ثِيڒِي ثُوْذَارْث.

يوحنا 6:33

مِينْزِي اَغْرُوْم ن أَربِّـي نتَّا ذ ونِّي إِي د يهوَّان زݣ وجنَّا يتِيشّ-اَس ثُوْذَارْث إِ دُّنشْت."

يوحنا 6:51

أَقَا ذ نش ذ اَغْرُوْم يدَّرن إِي د يهْوَان زݣ وجنَّا. مَارَّا ونِّي غَا يشّن زݣ وغْرُوْم-أَ اَذ يدَّر إِ ڒبْدَا. أَغْرُوْم-أَ إِي تِيشّغ نش ذ دَّات ينُو حمَا اَذ تدَّر دُّنشْت-أَ."

أيث-روما 2:21

إِيوَا شك إِي يسڒْمَاذن يِنِّي، مَايمِّي وَار ثْسڒْمِيذذ شَا يخف نّش؟ شك تْحدَّاثذ ثقَّارذ: "وَار تَاشَار شَا." ئِي شك، مَا تَاشَارذ؟

1 تيموتاوس 1:15

أَقَا يجّن ن وَاوَاڒ ذَايس تِّقث أُو لَابُد اَذ يتْوَاقْبڒ مَارَّا، يعْنِي عِيْسَى لْمَسِيح يُوْسَا-د غَار دُّنشْت-أَ بَاش اَذ يسنْجم يِنِّي يعصَّان، زَّايْسن نش إِݣ يدْجَان ذ لْعَاصِي ذ اَمقّْرَان خَاسن مَارَّا.

يعيبرانيين 6:17

خ مَانَايَا يضْمن أَربِّـي مَانَاينِّي س يِجّن ن ثْجَادْجِيث إِ يِنِّي إِي غَا يوَارْثن مِين زِي ثن يوْعذ. يعْنِي يخس اَذَاسن د يسظْهَار مْلِيح طَّبِيعَا ن لْغَرَض نّس عمَّارْص اَذ تْوَابدّڒ.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

2 بطرس 1:11

أَتَاف اَذَاوم تْوَاسّوْجذ عَاوذ يجّن ن ثوَّارْث ذ ثَصبْحَانْت غَار ڒْمُلْك نّس وَار يفنِّين شَا ن سِيذِيثْنغ عِيْسَى لْمَسِيح ونِّي إِي ذَانغ يسنْجَامن.