أيث-ؤفسوس 6:11 - ثريفيث 2020

¹¹ ݣّم خَاوم مَارَّا ڒسْنَاح ن أَربِّـي بَاش اَذ تسْبدّم مِين خَاوم يتْشِيطِّين إِبْڒِيس.

أيث-ؤفسوس 6:11 Σταυροειδείς Αναφορές

مرقس 13:22

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن إِڒِي خذْعن ؤُڒَا ذ يِنِّي يخْضَر أَربِّـي.

أيث-روما 13:12

دْجِيڒث اَقَا ثعْذُو، نْهَار اَقَا يُوْوض-د. خ مَانَايَا لَابُد أَ نكّس ڒحْوَايج ن ثَادْجسْت، أَ نݣّ اَرُّوْض ن نُّور ن ڒحْذِيذ.

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

1 أيث-كورينث 10:13

ثِمسْڒَايِين نِّي ثِنِّي إِݣ يتِيڒِين ڒبْدَا اَك بْنَاذم ذ ثِنِّي إِي كنِّيو يتْغَارَّان. أُو أَربِّـي نتَّا ذَايس تِّقث، وَار كنِّيو يتجِّي شَا اَذ تْوَاغَارَّام س مِين وَار ثْزمَّرم اَذ تصْبَرم؛ لَّا، أَذَاوم يذبَّر يجّن ن ثوَّارْث حمَا اَذ تصْبَرم إِ مَانَاينِّي.

22 أيث-كورينث 10:4

ڒسْنَاح نّغ مَاشِي اَم ونِّي إِݣ يسْخدَّام بْنَاذم، غَارْنغ يجّن ن ڒسْنَاح نّغ زِي سِيذِي أَربِّـي زَّايس إِي نتْرزَّا يمُوْشَان يجهْذن.

22 أيث-كورينث 11:3

وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

22 أيث-كورينث 2:11

مَانَايَا حمَا شِّيطَان وَار ذَانغ يخدّع شَا، أَقَا وَار نْغفّڒ شَا خ مِين يتْشِيطِين نتَّا.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

22 أيث-كورينث 6:7

س وَاوَاڒ ن لْحَقِيقَا ذ جّْهذ ن أَربِّـي ذ ڒسْنَاح ن ڒْحَقّ إِݣ يدْجَان ذݣ وفُوْسِي ذ وࢲرْمَاض.

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

أيث-ؤفسوس 4:24

اَذ تݣّم يجّن ن طَّبِيعَا ثنّغْنِي يعْنِي ذ جْذِيذ، ئِجّن ن طَّبِيعَا إِي د غَا يتْوَاخڒْقن اَمشْنَاو ونِّي ن أَربِّـي ذَايس ڒْحَقّ ذَايس مِين يصْفَان.

أيث-ؤفسوس 6:13

س مَانَايَا يْسِيث غَارْوم مَارَّا ڒسْنَاح ن أَربِّـي بَاش وَار تْركّْوِيڒم شَا ذِي نْهَار ن شَّرّْ. أُو مڒَا ثݣِّيم مَانَايَا مَارَّا، أَتَاف اَذ تْبدّم.

أيث-كولوس 3:10

ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس.

1 أيث-سلونيك 5:8

نشِّين لَّا، نشِّين ذ ثَارْوَا ن نْهَار، أَغَارْنغ يِيڒِي ڒَعْقڒ. أَ نݣّ ثْجِيلِيت نِّي ن ڒحْذِيذ يدْجَان نتَّاث ن لْإِيمَان ذ ڒمْحِبّث. أَ نݣّ لْكَاسْك نّغ يدْجَان نتَّا ذ لْأَمَال ن ؤُفكِّي.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

ثبرات غار يعقوب 4:7

س مَانَايَا طَاعث إِ أَربِّـي. عَرّْضث إِ إِبْڒِيس، أَزَّايْوم يَرْوڒ.

1 بطرس 5:8

أَرّم-د ڒْبَاڒ نْوم، إِڒِيث عْلَابَال. ڒَعْذُو نْوم إِبْڒِيس قَا يتْقيَّاذ-كنِّيو اَم سّْبَاع يتْهِيرِّيو يرزُّو خ ونِّي إِي غَا يسغْڒِي.

ثبرات زي يهوذا 1:24

فَا ونِّي يزمَّرن اَكنِّيو يحْضَا بَاش وَار تنْذْڒِيفم شَا، ئِزمَّر عَاوذ اَكنِّيو يقدّم غَار زَّاث نّس لْعَظِيم اَذ تِيڒِيم بْڒَا ڒْعِيب اَغَارْوم ثِيڒِي يجّن ن ڒفْرَاحث ذ ثَمقّْرَانْت،

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 2:24

أَمَّا كنِّيو نّغْنِي إِي يدْجَان ذِي ثِيَاتْرَا وَار ثقْبِيڒم شَا تَّعْلِيم نِّي وَار ثسِّينم شَا مَانَاينِّي ؤُمِي قَّارن يِوْذَان <لْأَسْرَار ن شِّيطَان يُودْجْغن.> قَّارغ-اَوم نش وَار خَاوم تݣّغ بُو شَا ن دْقڒ نّغْنِي.