أيث-ؤفسوس 5:24 - ثريفيث 2020

²⁴ أُو مَامّش ثْطَاعَا جْمَاعث ن ڒْمُوْمِنِين إِ لْمَسِيح، أَمنِّي إِي غَا طَاعنْت ثمْغَارِين إِ يرْيَازن نْسنْت ذِي مَارَّا.

أيث-ؤفسوس 5:24 Σταυροειδείς Αναφορές

لوقا 10:17

ذوْڒن-د ثْنَاين أُو سبْعِين نِّي ن يمحْضَارن فَرّْحن. نَّان-اَس إِ عِيْسَى: "آ سِيذِي، قَا ؤُڒَا ذ جْنُوْن تݣّن-اَنغ اَرَّاي عْلَاحْسَاب يسم نّش."

أيث-ؤفسوس 5:23

ڒَاحقَّاش اَرْيَاز يتْرَايَّا خ ثمْغَارْث نّس مَامْش عَاوذ يتْرَايَّا لْمَسِيح خ جْمَاعث ن ڒْمُوْمِنِين. جْمَاعث-أَ يسنْجمْ-يت لْمَسِيح أُو ذ نتَّاث إِݣ يدْجَان ذ دَّات نّس.

أيث-ؤفسوس 5:25

آي يرْيَازن، حِبّم ثِمْغَارِين نْوم مَامّش يحِبّ لْمَسِيح جْمَاعث ن ڒْمُوْمِنِين يصدّق خَاس يخف نّس حمَا اَت يسِّيصْفَا. يَارِّي-ت ذ ثَمنْقَاوِيث وَامِي ت يسِيرذ س وَامَان ذ وَاوَاڒ نّس.

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

أيث-كولوس 3:20

آي يحنْجِيرن، طَاعم إِ لْوَالِدِين نْوم ذِي مَارَّا ثِمسْڒَايِين مِينْزِي مَانَايَا يتْعجِيب-اَس إِ سِيذِي أَربِّـي.

أيث-كولوس 3:22

آي يسمْغَان، طَاعث إِ أَيثْبَاب نْوم ن دُّنشْت-أَ ذِي مَارَّا ثِمسْڒَايِين. طَاعم-اَسن مَاشِي غِير خْمِي ذَاوم تْبدَّان غَار وزدْجِيف وَاهَا حمَا اَذَاسن تْعجْبم؛ لَّا، طَاعم-اَسن س ڒْخَاضَر نْوم اَكِذْوم ثِيڒِي يجّن ن ثِيݣّْوْذِي ذِي سِيذِيثْنغ.

ثبرات غار تيتوس 2:7

ذِي مَارَّا ثِمسْڒَايِين اَغَارْسن ثِيڒِيذ شك ذ لْمِثَال س لْحَسَانَاث إِي تݣّذ. تَّعْلِيم نّش سخْذم-يث س صَّرَاحَا ذ لْمَعْقُوْل

ثبرات غار تيتوس 2:9

ئِسمْغَان اَذ طَاعن إِ أَيثْبَاب نْسن ذِي كُلْشِي، أَخَاسن اَرْضَان، وَار ذَاسن تݣّن شَا ثَغنَّانْت،