أيث-ؤفسوس 4:22 - ثريفيث 2020

²² إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

أيث-ؤفسوس 4:22 Σταυροειδείς Αναφορές

أيث-روما 6:6

نشِّين نسّن بلِّي نّفْس نّغ تُوْغَا ثدْجَا قْبڒ، نتَّاث يعْنِي تْوَاصلّب اَك لْمَسِيح حمَا ٱذ تْبطّڒ نّفْس نّغ يشُّوْرن س ڒْمُعْصِيَاث، بَاش وَار نتْغِيمِي شَا سَّا اَڒ ثْسَاونْت عَاذ ذ يسمْغَان ن ڒْمُعْصِيّث.

أيث-روما 7:11

لِأَنَّا ڒْمُعْصِيّث ثُوْفَا ذَايِي لْفُرْصَا س ڒُوْصِيّث-أَ ثشْمث-اَيِي أُو عَاوذ زَّايس زِي ڒُوْصِيّث-أَ ثْنغ-اَيِي.

22 أيث-كورينث 11:3

وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

أيث-ݣلاطيا 1:13

أَقَا ثسْڒِيم خَافِي مَامّش تُوْغَا تْعِيشغ زِي قْبڒ وَامِي تُوْغَا تْبَاعغ دِّين ن أَيث-إِسْرَائِيل، يعْنِي مَامّش تُوْغَا تْعدَّابغ جْمَاعث ن ڒْمُوْمِنِين ن أَربِّـي س ومنْغِي، رزُّوْغ اَخَاسن قْضِيغ.

أيث-ؤفسوس 2:3

نشِّين مَارَّا تُوْغَا نتْعِيش اَم نِثْنِي ذݣ يِجّن ن ڒْوقْث وَامِي تُوْغَا نتْسعَّاف شّهَاوَاث ن اَرَّاي اَعفَّان ن نّفْس نّغ نْذفَّار مِين يرزُّو ذ مِين يتْفكَّار. تُوْغَانغ اَم مَارَّا يوْذَان يعْنِي نشِّين زݣ يِنِّي إِي غَا يعَاقب سِيذِي أَربِّـي.

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-ؤفسوس 4:25

إِذن لَابُد كُڒ يجّن زَّايْوم اَذ يبعّذ زݣ يخرِّيقن اَذ يسِّيوڒ س ڒْحَقّ اَك وَاجَّار نّس لِأَنَّا نشِّين مَارَّا ذ يجّن ن جْمَاعث إِي ندْجَا.

أيث-ؤفسوس 4:31

مَارَّا لْعُقْدَا ذ وغْضَاب ذ وعصّب ذ سْذَاع ذ ڒْبَاطڒ سْبعّْذم-ثن خَاوم مَارَّا، أُو كّْسث عَاوذ كُڒ نُّوْع ن ڒقْبَاحث.

أيث-كولوس 2:11

ذَايس ذِي نتَّا عَاوذ إِي ذِي ثْطهَّارم وَلَكِن مَاشِي ذ يجّن ن طَّهَارث يݣِّين س يفَاسّن ن بْنَاذم؛ لَّا، ثْطهَّارم طَّبِيعَا نْوم ثَعفَّانْت قَاع س يِجّن ن طَّهَارث يݣِّي-ت لْمَسِيح.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

يعيبرانيين 12:1

إِذن عْلَاحْسَاب نِثْنِي، يعْنِي ڒشْهُوْذ نِّي ن لْإِيمَان إِي خَانغ يتنّْضن اَم يِجّن ن ؤُمُوْنِي ذ اَمقّْرَان، لَابُد أَ نكَّر أَ نكّس كُڒ دْقڒ ذ كُڒ ڒْمُعْصِيّث إِي ذَانغ يسحْصَارن. أَ نَازّْڒث س صْبَار ثَازّْڒَا نِّي إِي ذَانغ يتْرَاجَان غَار زَّاث.

يعيبرانيين 3:13

لَّا، مڒَا نْزمَّر أَ نِيْنِي <نْهَارَا>، أَتَاف اَذ تْشجّْعم اَيَاوْيَا كُڒ نْهَار بَاش وَار ذِنِّي يتِيڒِي حَدّ زَّايْوم اَذ يذْوڒ يقْسح وُوْڒ نّس اَث تخْذع ڒْمُعْصِيْث نّس.

ثبرات غار يعقوب 1:21

بعّْذث خ مَارَّا مِين يدْجَان ذ اَعفَّان ذ مِين يدْجَان ذ شَّرّْ. بْڒَا تَّكبُّر قبّْڒث اَوَاڒ نِّي ن أَربِّـي يتْوَاࢲُّوْن ذَايْوم يزمَّر اَذ يسنْجم ڒَعْمَار نْوم.

ثبرات غار يعقوب 1:26

ونِّي يتْحَسَّابن يخف نّس غَارس دِّين وَار يحطِّي شَا يِيڒس نّس، أَتَاف يخدّع يخف نّس وَاهَا وَار غَارس بُو دِّين.

1 بطرس 1:18

أَقَا ثسّْنم كنِّيو س يِجّن ن لْفِدْيَا أَربِّـي يسُّوْفغ-يكنِّيو-د زݣ يِجّن ن ثُوْذَارْث ثخْوَا إِي ذَاوم يمُّوْشن زِي ڒجْذُوْذ نْوم، وَلَكِن لْفِدْيَا-يَا إِي خَاوم يخدْجس مَاشِي ذ شَان ن ڒْحَاجث اَم دّْهب نِغ اَم نُّقَارْث إِݣ يفنَّان.

1 بطرس 4:3

إِيوَا صَافِي، ثجِّيْوْنم زِي مِين تُوْغَا تْعِيشم عْلَاحْسَاب مِين رزُّوْن اَذ ݣّن لْكُفَّار يعْنِي ڒقْبَاحث ذ شّهَاوَاث ثِعفَّانِين ذ وَاطَّاس ن شّْرب ذ لْفَسَاد ذ زّْهُو ذ لْعِبَادَا ن لْأَصْنَام يعِيفّن.

2 بطرس 2:13

أَذ تْخَاڒَاسن عْلَاحْسَاب مَامش ݣِّين، أَذ تْوَاضَرّْمن مَامّش ضَرّْمن نِثْنِي يوْذَان. مڒَا زهُّوْن ذِي ثْفَاوْث ن ؤُزِيڒ تحْسَابن مَانَايَا ذ اَصبْحَان. نِثْنِي ذ يخْشِيْون ذ ڒْعِيبَاث، زهُّوْن س شّهْوث نْسن يسْتْوَاغَرَّان خْمِي تْمُوْنْسِيون اَكِذْوم.

2 بطرس 2:7

ئِسنْجم أَربِّـي غِير لُوْط نتَّا ذ يجّن ن بْنَاذم إِي يدْجَان نِيْشَان ثسْخيَّاق-يث ڒقْبَاحث ن لْمُفْسِدِين.