أيث-ؤفسوس 4:21 - ثريفيث 2020

²¹ وَاه، ثْڒمْذم خ عِيْسَى لْحَقِيقَا إِي يدْجَان ذَايس يعْنِي مڒَا ثسْڒَام خَاس نِيشَان.

أيث-ؤفسوس 4:21 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 17:5

عَاذ يسَّاوَاڒ بُطْرُس يهْوَا-د خَاسن يِجّن ن وسيْنُو يتْسقْسِيق. ثنْدق-د يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي يعِيزّن، نش فَرْحغ زَّايس. صنّْطث غَارس."

لوقا 10:16

ينَّا-ٱسن عِيْسَى إِ يمحْضَارن نّس: "ونِّي يتْسْڒَان إِ وَاوَاڒ نْوم، أَتَاف يتْسْڒَا-يَايِي إِ نش. ونِّي وَار كنِّيو يقْبِيڒن شَا، أَتَاف ؤُڒَا ذ نش وَار ذَايِي يقْبِيڒ شَا. ونِّي وَار ذَايِي يقْبِيڒن شَا نش، أَتَاف وَار يقْبِيڒ شَا ونِّي ذَايِي د يسّكّن."

يوحنا 1:17

شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.

يوحنا 10:27

ئِحُوْڒِيْين ينُو تسْڒَان غَار صُّوْت ينُو، سّْنغ-ثن نِثْنِي ذفَّارن-اَيي.

يوحنا 14:17

لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

أيث-روما 10:14

إِذن، مَامّش غَا ݣّن اَذ ڒَاغَان خ ونِّي إِي زِي وَار يُوْمِينن شَا؟ مَامّش غَا ݣّن اَذ اَمْنن زݣ ونِّي ؤُمِي وَار خَاس سْڒِين شَا؟ مَامّش غَا ݣّن اَخَاس سْڒن مڒَا وَار ذَاسن يتْحدِّيث حَدّ؟

22 أيث-كورينث 1:20

لِأَنَّا نتَّا ذَايس إِي يقَّار أَربِّـي <وَاه> إِ مَارَّا ثِمسْڒَايِين إِي يعَاهذ أَربِّـي. س مَانَايَا زِي عِيْسَى نقَّار <آمِين> إِ لْعَظَمَا ن أَربِّـي.

22 أيث-كورينث 11:10

س ڒْحَقّ ن لْمَسِيح إِي ذَايِي، ؤُڒَا ذ يجّن ذݣ يمُوْشَان ن ؤُخَايَا مَا ٱذ يكّس لْإِفْتِخَار-أَ ينُو.

أيث-ؤفسوس 1:13

ثُمَّا يسْمُوْن-يكنِّيو-د عَاوذ اَك لْمَسِيح وَامِي ثْصنّْطم إِ وَاوَاڒ ن لْحَقِيقَا يعْنِي لْإِنْجِيل إِي زِي ثْنجْمم. وَامِي ثُوْمْنم يضْبع-يكنِّيو أَربِّـي س طَّبَع نّس يعْنِي س أَرُّوْح يقدّْسن إِي زِي ذَانغ يوْعذ.

أيث-ؤفسوس 2:17

أَقَا يُوْسَا-د عِيْسَى يتْبشَّار نتَّا س لْإِنْجِيل يُوْوِي-اَوم-د ڒهْنَا إِ كنِّيو تُوْغَا يدْجَان ثبعّْذم خ أَربِّـي أُو ذ يِنِّي إِي د يُوْذْسن غَار أَربِّـي.

أيث-كولوس 1:5

لْإِيمَان-أَ ذ ڒمْحِبّث-أَ تَاسن-د زِي لْأَمَال نِّي يتْوَاخمّْڒن إِ كنِّيو ذݣ وجنَّا. تُوْغَا ثسْڒِيم خَاس ذݣ وَاوَاڒ ن ڒْحَقّ يعْنِي ذِي لْإِنْجِيل إِي غَارْوم د يُوْضن. ذِي مَارَّا دُّنشْت-أَ لْإِنْجِيل-أَ يتَارو يتمْغَار، مَامش عَاوذ يخدّم جَارَاوم زݣ وَامِي إِي ذَاس ثسْڒِيم ثْفهّْمم ذ صَّح اَرْضَا ن أَربِّـي.

أيث-كولوس 2:7

ئِتْخصَّا-كنِّيو اَذ تِيڒِيم ثبْنَام خ دْسَاس نّس مْلِيح، أَذ تِيڒِيم ثْجهْذم ذِي لْإِيمَان نْوم مَامّش إِي كنِّيو سڒْمَاذن، أَذ تِيڒِيم تنْفيَّاضم س شُّكر.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.