أيث-ؤفسوس 4:17 - ثريفيث 2020

¹⁷ أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-ؤفسوس 4:17 Σταυροειδείς Αναφορές

لوقا 16:28

غَارِي خمْسَا ن أَيْثْمَا خْسغ اَثن يعْڒم حمَا ؤُڒَا ذ نِثْنِي وَار تْعدِّيبن شَا ذݣ ومْشَان-أَ.

ڒخذايم 14:15

"آي يرْيَازن، مَايمِّي تݣّم مَانَايَا؟ قَا نشِّين ذ يوْذَان وَاهَا اَم كنِّيو اَم نشِّين كِيف-كِيف. نُوْوِي-اَوم-د يجّن ن وَاوَاڒ ذ اَصبْحَان بَاش اَذ تْبعّْذم إِ ثْمسْڒَايِين-أَ وَار ينفّْعن شَا، أَذ تْذوْڒم غَار أَربِّـي يدَّرن إِي د يخڒْقن اَجنَّا ذ ثْمُوْرْث ذ ڒبْحَر ذ مَارَّا مِين ذَايْسن.

ڒخذايم 18:5

وَامِي د يخْضڒ سِيلَاس ذ تِيْمُوْتَاوُس زِي لْإِقْلِيم ن مَاسِدُوْنْيَا، ئِبْذَا بُوْلُس يخدّم غِير س تّبْشِير أُو صَافِي، ئِشهّذ إِ أَيث-إِسْرَائِيل بلِّي عِيْسَى نتَّا ذ لْمَسِيح.

ڒخذايم 2:40

يعْڒم-اَسن بُطْرُس اَطَّاس يوصَّا-ٱثن ينَّا-ٱسن: "سْنجْمث يخْف نْوم زݣ يِوْذَان ن ڒْوقْث-أَ ذِي دْجَان يخَرْوِيضن."

ڒخذايم 20:21

عدْجْمغ إِ يسْرَائِيلِيْين ذ ييُوْنَانِيْين بَاش اَذ تُوْبن غَار أَربِّـي اَذ اَمْنن س سِيذِيثْنغ عِيْسَى.

أيث-روما 1:21

وَاخَّا نِثْنِي تُوْغَا سّْنن أَربِّـي، وَلَكِن وَار ث حمِّيذن شَا وَار ث ثْشكَّرن شَا مَامّش يتْخصَّا اَذ ݣّن اَك أَربِّـي. لْأَفْكَار نْسن ذوْڒنْت خْوَانْت، ؤُڒَاون نْسن ذ يبُوْهَاڒِيْين ذوْڒن ذ ثَادْجسْت.

1 أيث-كورينث 1:12

يعْنِي، ئِجّن يقَّار نش ذفَّارغ بُوْلُس. ئِجّن يقَّار نش ذفَّارغ أَپُّــوْلُّوْس. ئِجّن يقَّار نش ذفَّارغ بُطْرُس. ئِجّن يقَّار نش ذفَّارغ لْمَسِيح.

1 أيث-كورينث 15:50

فَا قَّارغ-اَوم آي أَيثْمَا، قَا اَيْسُوْم ذ يذَامّن وَار زمَّرن اَذ وَارْثن ذِي ڒْمُلْك وجنَّا. مِين يفنَّان وَار يوَارّث شَا مِين وَار يفنِّين.

22 أيث-كورينث 9:6

فكَّرث، ونِّي غَا يزرْعن ذْرُوْس اَذ يمْجَار ذْرُوْس. ونِّي غَا يزرْعن اَطَّاس اَذ يمْجَار اَطَّاس.

أيث-ݣلاطيا 3:17

فَا نش، مِين رزُّوْغ اَذ ينِيغ؟ يعْنِي شَّرِيعَا ن مُوْسَى ثُوْسَا-د اَرْبعْمِيَّا أُو ثْڒَاثِين سْنَا منْبَعْد إِ ڒْعَهذ-أَ اَك بْرَاهِيم. شَّرِيعَا نِّي وَار ثْزمَّر شَا اَذ تسْبطّڒ ڒْعَهذ-أَ اَك بْرَاهِيم إِݣ يݣَّا أَربِّـي. يعْنِي مِين يوْعذ أَربِّـي إِ بْرَاهِيم وَار ث تَارِّي شَا شَّرِيعَا نِّي ذ ڒْبَاطڒ.

أيث-ݣلاطيا 5:3

أَذَاوم عَاوْذغ، أَذ ينِيغ إِ كُڒ اَرْيَاز ونِّي إِي غَا يݣّن طَّهَارث ن مُوْسَى، ئِتْخصَّا لَابُد اَذ يطَاع إِ شَّرِيعَا ن مُوْسَى اَمن-ثكْمَاڒ.

أيث-ؤفسوس 1:22

يݣَّا أَربِّـي عَاوذ مَارَّا ثِمسْڒَايِين سْوَادَّاي يضَارن نّس يݣِّي-ث ذ اَزدْجِيف إِي يتْرَايَّان خ مَارَّا ثِمسْڒَايِين ذِي جْمَاعث ن ڒْمُوْمِنِين.

أيث-ؤفسوس 4:22

إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

أيث-كولوس 2:18

وَار تجَّام ؤُڒَا ذ يجّن ن بْنَاذم اَكنِّيو يسْبطّڒ خ لْجَائِزَا. نتَّا بْنَاذم نِّي ذ ونِّي إِݣ يسمْغَارن مِين يقسْحن ذِي دِّين، ئِسمْغَار عَاوذ لْعِبَادَا نِّي إِي زِي عبّْذن لْمَلَائِكَاث. ئِسَّاوَاڒ اَطَّاس ثَا س ثَا خ مِين يࢲْرَا زَعْمَا ذِي شَا ن لْوَاحِي نّس. ڒْعَقڒ نّس يُوْفّ يمْغَر س تَّكبُّر. وَار ذِنِّي بُو أَرُّوْح يقدّْسن، ذِنِّي لْأَفْكَار نّس يخْوَان وَاهَا.

أيث-كولوس 2:4

قَّارغ-اَوم مَانَايَا بَاش وَار د يتِيس حَدّ اَكنِّيو يشْمث س وَاوَاڒ نّس اَذَاوم يسْنعْمِيڒ ذ صَّح.

1 أيث-سلونيك 4:6

عْلَاحْسَاب مَانَايَا يتْخصَّا لَابُد ؤُڒَا ذ يجّن وَار يضدْجم ؤُمَاس وَار ث يتْغشِّي شَا لِأَنَّا ذ سِيذِيثْنغ إِݣ يتْخدْجَاسن خ مَارَّا ثِمسْڒَايِين-أَ مَامّش ذَاوم ث ننَّا قْبڒ نعْڒم-اَوم خَاس.

1 تيموتاوس 5:21

أَقَا عڒْمغ-اَش زَّاث إِ أَربِّـي ذ عِيْسَى لْمَسِيح ذ لْمَلَائِكَاث يتْوَاخْضَرن قَا لَابُد اَذ تݣّذ ثِمسْڒَايِين-أَ بْڒَا مَا ٱذ تݣّذ ڒْفَرْز اَك شَان حَدّ بْڒَا مَا ٱذ تݣّذ عَاوذ س وُوْذمَاون.

1 تيموتاوس 6:13

تْوصِّيغ-شك زَّاث إِ أَربِّـي ونِّي يسدَّرن قَاع ثِمسْڒَايِين أُو زَّاث إِ عِيْسَى لْمَسِيح ونِّي يشهْذن شْهَاذث نِّي ثَصبْحَانْت زَّاث إِ لْحَاكم بُوْنْطُوْس بِلَاطُوْس.

2 تيموتاوس 4:1

أَشك وصِّيغ زَّاث إِ أَربِّـي ذ عِيْسَى لْمَسِيح ونِّي إِي غَا يحكْمن خ يِنِّي يدَّرن ذ يِنِّي يمُّوْثن، أَشك وصِّيغ عَاوذ ذِي ڒْمُلْك نّس ذ نْهَار نِّي إِي ذِي د غَا يمظْهَار:

1 بطرس 1:18

أَقَا ثسّْنم كنِّيو س يِجّن ن لْفِدْيَا أَربِّـي يسُّوْفغ-يكنِّيو-د زݣ يِجّن ن ثُوْذَارْث ثخْوَا إِي ذَاوم يمُّوْشن زِي ڒجْذُوْذ نْوم، وَلَكِن لْفِدْيَا-يَا إِي خَاوم يخدْجس مَاشِي ذ شَان ن ڒْحَاجث اَم دّْهب نِغ اَم نُّقَارْث إِݣ يفنَّان.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.