أيث-ؤفسوس 4:1 - ثريفيث 2020

¹ إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-ؤفسوس 4:1 Σταυροειδείς Αναφορές

ڒخذايم 9:31

ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.

أيث-روما 11:29

لِأَنَّا أَربِّـي وَار يندّم شَا خ مِين يتِيشّ نِغ خ مِين يتِيخْضَر.

أيث-روما 12:1

إِذن فَا آي اَيثْمَا، س اَرَّاحْمث ن أَربِّـي تْشجَّاعغ-كنِّيو اَذ تْقدّْمم يخف نْوم إِ أَربِّـي اَمشْنَاو يجّن ن دْبِيحث ثدَّر، ذ ثَمْقدّسْت، أَخَاس يَارْضَا نتَّا. مَانَايَا ذ لْوَاجِب ن لْعِبَادَا خَاوم.

1 أيث-كورينث 4:16

إِذن، تْشجَّاع-كنِّيو اَذَايِي ثْقلّْدم مَامش تݣّغ نش.

22 أيث-كورينث 10:1

فَا نش ذ بُوْلُس، س يِيخف ينُو تْطَالَابغ-كنِّيو س تَّوَاضُع ذ لْحَنَانَا ن لْمَسِيح. وَاه، ثقَّارم نش زَعْمَا ترْجِيجِيغ خْمِي تِيڒِيغ اَكِذْوم، خْمِي تْغَابغ خَاوم تْقسِيحغ.

22 أيث-كورينث 5:20

فَلِهَاذَا نشِّين ذ لْمُبْشِرِين ن لْمَسِيح، أَربِّـي يسّكّ طَّلَاب نّس خ وفُوْس نّغ. نْطَلَاب-يكنِّيو عْلَاحْسَاب لْمَسِيح اَذ تمْصْڒَاحم اَك أَربِّـي.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

أيث-ݣلاطيا 4:12

آي أَيثْمَا تْزَاوَاݣغ-كنِّيو، إِڒِيث اَم نش لِأَنَّا نش عَاوذ ذوْڒغ اَم كنِّيو. كنِّيو وَار ذَايي ثضْڒِيمم شَا ؤُڒَا س يِجّن ن ڒْحَاجث.

أيث-ؤفسوس 2:10

لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

أيث-ؤفسوس 3:1

خ مَانَايَا ترْكَاعغ خ يفَادّن ينُو، نش بُوْلُس إِي يدْجَان ذ اَمحْبُوْس عْلَاحْسَاب عِيْسَى لْمَسِيح أُو خَاوم كنِّيو إِي وَار يدْجِين شَا زِي أَيث-إِسْرَائِيل...

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-ؤفسوس 4:4

جْمَاعث ذ يشْتن، أَرُّوْح يقدّْسن ذ يجّن. أَمنِّي أَربِّـي وَامِي ذَاوم د يڒَاغَا، يڒَاغَا-ٱوم-د غَار لْأَمَال ذ يجّن.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 3:14

تْحَاوَاڒغ خ مَانَاينِّي إِي خف رزُّوْغ بَاش اَذ ربْحغ لْجَائِزَا نِّي إِي زِي ذَايِي د يڒَاغَا أَربِّـي غَارس غَار وجنَّا س عِيْسَى لْمَسِيح.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

أيث-كولوس 2:6

إِذن، مَامّش ثْقبْڒم عِيْسَى لْمَسِيح اَمنِّي إِي غَا ثْعِيشم.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

2 أيث-سلونيك 1:11

خ مَانَايَا نْتتَّار إِ أَربِّـي خَاوم ڒبْدَا بَاش اَكنِّيو يَارّ ثسْذَاهدْجم اَڒَاغِي نّس. أُو س جّْهذ نّس اَذَاوم يَارو مَارَّا ڒْخِير إِي ثخْسم أَذ تݣّم، أَذَاوم يَارو كُڒ ڒْخذْمث عَاوذ إِي د تَاسن زِي لْإِيمَان نْوم.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.

ثبرات غار تيتوس 2:10

وَار تَاشَارن شَا أَيثْبَاب نْسن بَاش اَذ سّْنن بلِّي نِثْنِي ذَايْسن مَارَّا تِّقث بَاش س مَارَّا يبْرِيذن اَذ زوّْقن لْإِيمَان ن أَربِّـي إِي ذَانغ يسْنجْمن.

يعيبرانيين 13:21

أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

1 بطرس 2:11

آي يمْعِيزّن ينُو، نش قَّارغ-اَوم إِ كنِّيو إِي يدْجَان ذ يعزَّابن ذ يبَرَّانِيْين ذِي دُّنشْت-أَ، بعّْذث زِي شّهَاوَاث نِّي ثِعفَّانِين إِي كنِّيو يتْحَارَابن ضد ن ڒَعْمَار نْوم.

1 بطرس 3:9

وَار تَارَّاث شَا شَّرّْ س شَّرّْ نّغْنِي نِغ ڒْعِيب س ڒْعِيب نّغْنِي. لَّا، بَرْكث ينّغْنِي، مَايمِّي؟ مِينْزِي يڒَاغَا-د خَاوم إِ مَانَايَا بَاش اَذ تْخَاڒْسم س يِجّن ن لْبَرَكَا.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.

2 بطرس 1:3

أَقَا ثِزمَّار نّس يُوْعْڒَان ثُوْشَا-ٱنغ-د قَاع مِين نحْذَاج عْلَاحْسَاب ثُوْذَارْث ذ طَّاعَا نّغ إِ أَربِّـي. مَانَايَا مِينْزِي نسّن ونِّي ذَانغ د يڒَاغَان غَار لْعَظَمَا نّس ذ ثُوْصُبْحَانْت نّس.

2 يوحنا 1:5

آ ثَمْغَارْث يتْوَاعِيزّن، ڒخُّو تتَّارغ زَّايم أَ نْتخْس اَيَاوْيَا. وَار ذَام د تَارِيغ بُو شَان ن ڒُوْصِيّث ذ جْذِيذ؛ لَّا، نتَّاث ذ ثنِّي تُوْغَا غَارْنغ زݣ ومزْوَارُو.