أيث-ؤفسوس 3:17 - ثريفيث 2020

¹⁷ حمَا لْمَسِيح اَذ يزْذغ ذݣ وُوْڒَاون نْوم س لْإِيمَان. تتَّارغ إِ أَربِّـي عَاوذ اَذ تْوَاࢲُّوْم اَذ تُوْوْثم مْلِيح يࢲوْرَان ذݣ وشَاڒ ن ڒمْحِبّث

أيث-ؤفسوس 3:17 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 13:6

وَلَكِن وَامِي ثْسُوْمَّر ثْفُوْشْت، ثْنزْڒف ڒخْدّنِّي ثِيْسْرَاو ڒَاحقَّاش يࢲوْرَان نّس وَار ؤُوْثِين شَا غَار ڒَادْجغ ن ثْمُوْرْث.

لوقا 6:48

ئِتْشَابَّاه ذݣ يِجّن ن ورْيَاز إِݣ يبنَّان ثَدَّارْث نّس، ئِغْزَا اَطَّاس يݣَّا دْسَاس خ وزْرُو. وَامِي د يحْمڒ يغْزَار يعْذُو خ ثدَّارْث نِّي، وَار يزمَّر اَت يسنْهزّ مِينْزِي ثبْنَا مْلِيح.

يوحنا 14:17

لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

يوحنا 14:23

ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

يوحنا 17:23

شك اَقَاش ذَايِي نش اَقَايِي ذَايْسن، حمَا اَذ مُوْنن اَذ يڒِين ذ يجّن. حمَا اَذ سّْنن يِوْذَان قَا شك ثسّكّذ-اَيِي-د غَار يمحْضَارن-أَ، تْحِبِّيذ-ثن اَمشْنَاو مَامّش ذَايِي تْحِبِّيذ نش.

يوحنا 6:56

مَارَّا ونِّي غَا يشّن دَّات ينُو اَذ يسو يذَامّن ينُو، أَتَاف اَذ يقِّيم ذَايِي، نش ذَايس.

أيث-روما 5:5

لْأَمَال-أَ وَار ذَانغ يتْخيِّيب شَا، مَايمِّي؟ لِأَنَّا أَربِّـي يُوْشَا-ٱنغ أَرُّوْح يقدّْسن، زَّايس إِݣ يشُّوْر ؤُڒَاون نّغ س ڒمْحِبّث نّس.

1 أيث-كورينث 3:6

نش ࢲُّوْغ، أَپُـوْلُّوْس يسسّو، أُو ذ أَربِّـي إِي كنِّيو يسغْمَاين.

1 أيث-كورينث 8:1

فَا لْمَكْلَا يتْقدَّامن إِ لْأَصْنَام. نشِّين مَارَّا إِذْنغ غَارْنغ ثُوْسْنَا، يعْنِي نسّن ثِمسْڒَايِين. ثُوْسْنَا-يَا إِي نسّن تْسُوْفَّا يوْذَان س تَّكبُّر، وَلَكِن ڒمْحِبّث تَرْنِي ذَايْنغ جّْهذ.

22 أيث-كورينث 13:5

جَرّْبث يخف نْوم مَا اَقَا كنِّيو ذِي لْإِيمَان. رَاجْعث يخف نْوم. يَاش ثسّْنم قَا عِيْسَى لْمَسِيح اَقَاث ذَايْوم؟ يعْنِي مڒَا وَار ثسْقِيطم شَا.

22 أيث-كورينث 6:16

مِين ثْشَرّش ثمْزِيذَا ثَمقّْرَانْت ن أَربِّـي اَك لْأَصْنَام؟ وَالُو. شُوْف، نشِّين إِي يدْجَان ذ ثَمْزِيذَا ن أَربِّـي يدَّرن. أَمنِّي يقَّار أَربِّـي: <نش اَذ زذْغغ اَكِذْسن اَذ ؤُيُوْرغ جَارَاسن، أَذ يڒِيغ ذ أَربِّـي نْسن، نِثْنِي اَذ يڒِين ذ شَّعْب ينُو.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

أيث-كولوس 1:27

نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.

أيث-كولوس 2:7

ئِتْخصَّا-كنِّيو اَذ تِيڒِيم ثبْنَام خ دْسَاس نّس مْلِيح، أَذ تِيڒِيم ثْجهْذم ذِي لْإِيمَان نْوم مَامّش إِي كنِّيو سڒْمَاذن، أَذ تِيڒِيم تنْفيَّاضم س شُّكر.

1 يوحنا 4:16

أَمُّو إِي د نُوْوض أَ نسّن ڒمْحِبّث ن أَربِّـي أَ نَامن زِي ثنِّي إِي ذَانغ د يُوْشَا إِ نشِّين. أَربِّـي ذ ڒمْحِبّث إِݣ يدْجَا. ونِّي يقِّيمن ذِي ڒمْحِبّث نتَّا يقِّيم ذِي أَربِّـي، أَربِّـي يقِّيم ذَايس.

1 يوحنا 4:4

كنِّيو آ يحنْجِيرن، زِي أَربِّـي إِي ثدْجَام. ئِثَرَّاسن-أَ ثْغڒْبم-ثن ڒَاحقَّاش ونِّي يدْجَان ذَايْوم يمْغَر خ ونِّي يدْجَان ذِي دُّنشْت-أَ.

لواحي ن يوحنا 3:20

قَا نش بدّغ زَّاث إِ ثوَّارْث سْقرْقُوْبغ. مڒَا يسْڒَا شَان يجّن إِ ثْمِيجَّا ينُو قَا اَذ يرْزم ثَوَّارْث، أَتَاف اَغَارس اَذْفغ اَكِذس شّغ اَكِذِي يشّ.