أيث-ؤفسوس 2:3 - ثريفيث 2020

³ نشِّين مَارَّا تُوْغَا نتْعِيش اَم نِثْنِي ذݣ يِجّن ن ڒْوقْث وَامِي تُوْغَا نتْسعَّاف شّهَاوَاث ن اَرَّاي اَعفَّان ن نّفْس نّغ نْذفَّار مِين يرزُّو ذ مِين يتْفكَّار. تُوْغَانغ اَم مَارَّا يوْذَان يعْنِي نشِّين زݣ يِنِّي إِي غَا يعَاقب سِيذِي أَربِّـي.

أيث-ؤفسوس 2:3 Σταυροειδείς Αναφορές

مرقس 4:19

ذَايْسن اَمْنُوْس ن دُّنشْت، يشمّث-يثن طّْمَع ن وَاݣْڒَا، ذَايْسن شّهَاوَاث ن ثْمسْڒَايِين نّغْنِي، سّنِّي يتْوَاجيّف وَاوَاڒ ن أَربِّـي وَار ينفّع شَا.

يوحنا 1:13

يِيْنَا وَار د خْڒِيقن شَا عْلَاحْسَاب دُّوْرِّيث ؤُڒَا عْلَاحْسَاب مِين تخْس دَّات ؤُڒَا عْلَاحْسَاب ڒْخَاضَر ن ورْيَاز؛ لَّا، ذ أَربِّـي إِي ثن د يجِّين.

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

ڒخذايم 14:16

ذِي زْمَانَاث يعْذُوْن، أَربِّـي يجَّا مَارَّا ڒݣْنُوْس اَذ ذْفَارن يبْرِيذن إِي خْسن.

أيث-روما 1:24

س مَانَاينِّي يسلّم-يثن أَربِّـي إِ مِين تْشهَّان وُوْڒَاون نْسن بَاش اَذ ݣّن لْفَسَاد بَاش اَذ سبهْدْڒن اَيَاوْيَا.

أيث-روما 11:30

شُوْف، ذِي ڒْوقْث نِّي يعْذُوْن تُوْغَا كنِّيو ثْعصَّام أَربِّـي، يرْحم-يكنِّيو ڒخُّو س سَّبَاب ن ڒْمُعْصِيّث نِّي ن أَيث-إِسْرَائِيل.

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-روما 2:14

أُو ذ صَّح، يِنِّي وَار يدْجِين شَا زِي أَيث-إِسْرَائِل وَار غَارْسن شَا شَّرِيعَا، مَعْلِيك تݣّن اَرَّاي س نِّيْيث نْسن مِين ذَايس ذِي شَّرِيعَا ن مُوْسَى، أَتَاف نِثْنِي اَذ يڒِين ذ شَّرِيعَا س يِيخف نْسن وَاخَّا وَار غَارْسن شَا شَّرِيعَا ن مُوْسَى.

أيث-روما 5:10

نشِّين نْمصْڒَاح اَك أَربِّـي س ڒْموْث ن مِّيس وَامِي تُوْغَانغ نشِّين عَاذ ذ ڒْعَذْيَان نّس. ڒخُّو وَامِي كِذس نْمصْڒَاح، أُو لَابُد زَّايس إِي غَا ننْجم س ثُوْذَارْث نّس!

أيث-روما 5:9

إِذن، أَقَانغ بَرِيئين ڒخُّو س يذَامّن ن لْمَسِيح، أُو لَابُد زَّايس إِي غَا ننْجم زݣ وغْضَاب ن أَربِّـي.

أيث-روما 6:12

فَلِهَذَا يخصَّا وَار تجِّيم شَا ڒْمُعْصِيّث اَذ تحْكم خ دَّات نْوم إِي غَا يِفْنَان حمَا وَار تݣّم شَا اَرَّاي إِ شّهْوث نّس.

أيث-روما 7:18

نش طَّبِيعَا ثَعفَّانْت ينُو سّْنغ وَار ذَايس ثزْذِيغ ؤُڒَا ذ يجّن ن ثْمسْڒَايْث ذ ثَصبْحَانْت. لِأَنَّا رزُّوْغ اَذ ݣّغ ثِمسْڒَايِين ثِصبْحَانِين، وَلَكِن وَار زمَّرغ اَثنْت ݣّغ.

أيث-روما 9:22

أَمنِّي إِݣ يݣَّا أَربِّـي. وَامِي يخس اَذ د يسْمظْهَار اَغْضَاب نّس اَذ د يسْبيّن جّْهذ إِي غَارس، ئِصبَّار اَطَّاس خ يِنِّي إِي خف يغْضب، يعْنِي يغرَّافن نِّي وجْذن اَذ تْوَارْزن.

1 أيث-كورينث 4:7

شك، وِي ش يسْشنْعن خ ونّغْنِي؟ كُڒ ڒْحَاجث إِي غَارك ثمُّوْش-اَش نِغ لَّا؟ ئِي شك، وَامِي يمُّوْش-اَش مَانَاينِّي مَايمِّي تفْتَخَرذ اَخْمِي وَار ذَاش يمُّوْش شَا؟

22 أيث-كورينث 7:1

إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.

أيث-ݣلاطيا 3:22

وَلَكِن لَّا، لْكِتَاب يقَّار بلِّي مَارَّا مِين يدْجَان نتَّا اَمشْنَاو اَمحْبُوْس ن ڒْمُعْصِيّث. مَايمِّي؟ بَاش مِين يوْعذ اَذ يمُّوْش س لْإِيمَان زِي عِيْسَى لْمَسِيح إِ يِنِّي إِي غَا يَامْنن.

أيث-ؤفسوس 2:2

ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي.

أيث-ؤفسوس 4:22

إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

أيث-كولوس 1:21

كنِّيو تُوْغَا قْبڒ تِݣّْوْجم خ أَربِّـي تْمنْغَام اَكِذس س ڒَعْقُوْڒَاث نْوم تݣّم ثِمسْڒَايِين ذ ثِعفَّانِين.

1 أيث-سلونيك 4:13

فَا آي أَيثْمَا، وَار نخْس شَا اَذ تْقفْڒم إِ يِيخف نْوم عْلَاحْسَاب يِنِّي يطّْصن ذݣ يمضْڒَان بَاش وَار تْخيِّيقم شَا اَم يِنِّي نّغْنِي وَار ذِي يدْجِي بُو لْأَمَال.

1 أيث-سلونيك 5:6

إِذن، وَار نْتطّص شَا اَم يِوْذَان نّغْنِي، ئِتْخصَّا أَ نِيڒِي نْفَاق اَغَارْنغ يِيڒِي ڒَعْقڒ.

1 تيموتاوس 6:9

يِنِّي يرزُّوْن اَذ يڒِين ذ تْوَاجَر اَتَاف اَذ تْوَاغَرَّان اَذ وْضَان ذݣ يِجّن ن ثخْشبْث ذ وَاطَّاس ن شّهَاوَاث إِݣ يسْبُوْهْڒُوْين إِݣ يسفْشَاذن إِݣ يسْغرَّاقن يرْيَازن ذِي اَرّْوِينَا ذ ڒفْنَا.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

1 بطرس 1:14

إِڒِيم اَم ثَارْوَا يتْطَاعَان، وَار ذفَّارث شَا شّهَاوَاث نِّي ثِعفَّانِين ثِنِّي إِي ذِي تُوْغَا تْعِيشم ذِي ڒقْفَاڒث نْوم يعْذُوْن.

2 بطرس 2:14

ثِيطَّاوِين نْسن غِير خزَّرنْت ذِي زّْنَا، وَار تْجِيْوِيننْت شَا س ڒْمُعْصِيَاث. نِثْنِي تْحدْجَاقن-د يِنِّي وَار يتجْهِيذن شَا ذِي لْإِيمَان، ؤُوْڒَاون نْسن تْرِينَارن ذِي طّْمَع. نِثْنِي ذ ثَارْوَا ن نَّعْڒث.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

1 يوحنا 2:16

مِينْزِي مَارَّا مِين يدْجَان ذِي دُّنشْت-أَ يعْنِي مِين ثْرزُّو طَّبِيعَا ثَعفَّانْت ن بْنَاذم ذ مِين رزُّوْنْت ثِيطَّاوِين ذ تَّكبُّر إِي زِي تفْتَخَارن يِوْذَان قَا مَانَايَا وَار د يُوْسِي شَا زِي أَربِّـي، يُوْسَا-د زِي دُّنشْت-أَ.

1 يوحنا 2:8

وَلَكِن نتَّاث عَاوذ ذ يجّن ن ڒُوْصِيّث ذ جْذِيذ إِي ذَاوم د ؤُرِيغ. لْحَقِيقَا نّس نتْوَاڒَا-ت ذِي عِيْسَى نتْوَاڒَا-ت ذَايْوم ڒَاحقَّاش ثَادْجسْت ثْعدُّو، ڒخُّو نُّوْر ن صَّح صَافِي يتْشعْشِيع-د.