ڒخذايم 8:7 - ثريفيث 2020

⁷ جْنُوْن يعفَّانن فّْغن زݣ وَاطَّاس ن يِوْذَان سْنكَّرن ثْغُوْيّث س جّْهذ. أَطَّاس ن يزحَّافن ذ يِنِّي ؤُمِي مُّوْثن يضَارن ݣنْفَان.

ڒخذايم 8:7 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 10:1

ئِڒَاغَا-د عِيْسَى خ ثنْعَاش نِّي ن يمحْضَارن نّس يُوْشَا-ٱسن سُّلْطَا إِي زِي غَا سُوْفْغن جْنُوْن اَذ سْݣنْفَان مَارَّا ڒهْڒَاشَاث ذ ڒحْرِيقَاث ن يِوْذَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:5

ئِضَرْغَاڒن تْوَاڒَان، ئِزحَّافن ݣُّوْرن، يِنِّي إِي ذِي يدْجَا جْذَام ݣنْفَان، ئِذهْشُوْرن تسْڒَان، يِنِّي يمُّوْثن تْنكَّرن-د، ڒْمُسَاكِين تْوَابشَّارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:24

ئِفّغ ڒخْبَار نّس ذِي سُوْرْيَا اَمن-ثكْمَاڒ. تَّاوْين-د غَارس مَارَّا يِنِّي يهڒْشن تْعدَّابن س لْأَنْوَاع ن ڒهْڒَاشَاث ذ ڒحْڒِيقَاث، مْكُڒ يمَرْيَاحن ذ يمجْنُوْنن ذ ينشْرُوْفن نتَّا يسْݣنْفَا-ثن.

مرقس 9:26

ئِسْنكَّر ثْغُوْيّث جّنّ نِّي يسرْجِيجِي اَحنْجِير نِّي اَطَّاس ڒخْدّنِّي يفّغ زَّايس. أَحنْجِير نِّي يذْوڒ اَخْمِي يمُّوْث، نَّان اَطَّاس ن يِوْذَان اَقَا يمُّوْث صَافِي.

لوقا 10:17

ذوْڒن-د ثْنَاين أُو سبْعِين نِّي ن يمحْضَارن فَرّْحن. نَّان-اَس إِ عِيْسَى: "آ سِيذِي، قَا ؤُڒَا ذ جْنُوْن تݣّن-اَنغ اَرَّاي عْلَاحْسَاب يسم نّش."

يوحنا 14:12

أَقَا تسْڒَام ڒْحَقّ: ونِّي زَّايي يُوْمْنن، أَتَاف اَذ يݣّ ڒخْذَايم إِي خدّْمغ نِغ كْتَار مِينْزِي نش ݣُّوْرغ غَار بَابَا.

ڒخذايم 5:16

تَاسن-د اَطَّاس ن يِوْذَان زِي ڒدْشُوْرَاث إِي يُوْذْسن غَار لْقُدْس، تَاوِين-د يمهْرَاش نْسن ذ يِنِّي يتْعدَّابن جْنُوْن يعفَّانن نِثْنِي تْݣنْفَان مَارَّا.

ڒخذايم 8:6

سّنِّي مَارَّا ڒْغَاشِي نِّي وَامِي سْڒِين إِ وَاوَاڒ نّس وَامِي ࢲْرِين لْمُعْجِيزَاث نِّي يݣَّا، قِّيمن تْصنَّاطن-اَس مْلِيح غَار مِين يقَّار.

يعيبرانيين 2:4

ئِشهّذ خَاس ؤُڒَا ذ أَربِّـي س لْعَلَامَاث ذ لْبُرْهَانَاث ذ وَاطَّاس ن لْأَنْوَاع ن لْمُعْجِيزَاث. س لْإِذن نّس عَاوذ يفرق لْقُدْرَاث رُوْحِيَاث ن اَرُّوْح يقدّْسن.